Đakrông - ngak siam bruk dân số - kế hoạch hóa gia đình, rik daong patruh eik patrun kathaot

      Dom thun dahlau thiah, bruk dân số - kế hoạch hóa gia đình di huyện Đakrông gaok oh takik kan kandah, dom chỉ tiêu ka dân số di Đakrông jeng daok di tanut glaong. Bruk duah thau saong akaok sahaneng di bhapbini ka dân số saong patagok, dân số saong alam môi trường, pren yava menek mebaoh daok biar. Dom kadha nan nyu ngak kan kandah oh sit tal bruk patruh eik patrun kathaot, patagok kinh tế - xã hội di puk palei jeng ye paglaong chất lượng raidiuk di yaok bol bhap rahra. Piah pasaim bruk kan kandah nan, ala bruk sangka tacei pato di dom pakat uỷ Đảng, karja, bruk daong di Ủy ban Dân số - baoh sang – uranaih tỉnh, bruk pambuak gauk siam di dom labik, kapul nyaom dalam huyện, bruk dân số - kế hoạch hóa gia đình di Đakrông mek hu dom jak jeng praong, rik daong tame bruk patruh eik patrun kathaot, patagok kinh tế - xã hội di huyện.

       Ngak tui jalan xã hội hóa bruk dân số - kế hoạch hóa gia đình, Đakrông hu ieu pataom dom gah di xã hội dalam bruk pathau khan, pambuak bruk dân số saong patagok tapa dom bruk ngak saong danakdak ngak bruk di dom mban, nganh, kapul nyaom, tổ chức xã hội, paglaong siam lagaih di bruk truyền thông dân số, sangka patagok, pambak praong dom mô hình kalup kapul dân số, palei oh menek anek ka 3 tagok. Urak ini, dalam huyện hu ba tabiak  36 mô hình palei oh menek anek ka 3 tagok, tỷ lệ suất sinh thô trun, meng  23% thun 2010 trun daok 22/% thun 2015; tỷ lệ diuk pasang ngak dom bruk plaih di metian meng jaik 74% tagok tal 76% ; baoh sang kathaot jaik 48% thun 2010 trun daok jaik 21 di puac thun 2014.

     Dalam tuk peih ngak, pasak Dân số - kế hoạch hóa gia đình huyện hu pambuak pagam dom bruk dân số saong dom danakdak patagok kinh tế - xã hội karei ye : mesraiy jien, pachreih nông, ba alamu barau tame raong glang, pala drak piah patagok kinh tế gia đình. Abih di nyu nan lac sarak patruh eik patrun kathaot, pasiam sang taik tahak, sarak daong dahlau ka dom urang kan kandah hu sangka jang hu daong biak rilo tal bruk paglaong chất lượng dân số. Rilo sang hu tabiak truh kathaot, yam tagok ginup mbang, blei hu rilo pandap panda rilo jien. Kadha njauk ndom tal dalam bruk dân số - kế hoạch hóa gia đình di huyện lac brei peih praong bruk tut angan ngak tui kế hoạch hóa gia đình di dom diuk pasang dalam umo thun menek mebaoh; taphia nan maong glaong bruk pachreih menuac urang, kapul nyaom thau ngak tui; xử lý dom urang ngak suan sarak dân số.

       Yaok thun, huyện brei patagok bruk ba dịch vụ sức khỏe sinh sản tal bhum kan kandah, bhum hu tanut ndih tapui glaong ba jalan paglaong akaok sahaneng, pasiam pren yava menek mebaoh ka urang kumei. Meng ngak siam sarak dân số yau nan ye huyện Đakrông pasang iek hu jalan patagok dân số; bruk patagok dân số tự nhiên trun, meng 1,89% thun 2010 trun daok 1,85% thun 2014. Dom danakdak khik caga, pasang iek, pato pakai uranaih hu dom pakat, dom nganh saong xa hoi sangka peih ngak.

       Tui kadha “nao yaok jalan, taih bambang yaok sang” bruk dân số-  kế hoạch hóa gia đình nyu samal ngak ka urang thau hu makna di bruk dân số - kế hoạch hóa gia đình. Rilo bhapbini salih hu akaok sahanneg saong bruk ngak, halan hatian pandar dom bruk kế hoạch hóa gia đình menek takik piah raong pato anek ka siam. Taphia nan, urang kumei bhum glaong klak hu bruk melau meliak tuk pandar dom dịch vụ.

     Gam saong dom alamu hu blaoh saong bruk sangka tacei pato di Đảng, karja puk palei, bruk pambuak gauk siam di dom Sở, mban, nganh, kapul nyaom, dom tổ chức xã hội, bruk sami samar, abih hatai di urang urang jakr ngak bruk dân số - baoh sang – uranaih meng huyện tal puk palei, huyện Đakrông daok mek hu dom jak jeng, rik daong tame bruk patruh eik patrun kathaot, dak harei dak ba kinh tế - xã hội di huyện patagok jang .