Kapul bác sỹ song chuyen gia ilamu di sang iek ruak Từ Dũ 

Harei  29/10, Thủ tướng rajaei  Nguyễn Xuân Phúc hu harak ieu samar dong duah, pasiam veik bruk glut jaleih taneh di tỉnh Quảng Nam.  Thủ tướng Rajaei hu panuac ieu lac meng yaok jalan ngak, yaok pandap panda ba gah dong duah song jamriak dong samar nao tal dom labik glut jaleih hu urang njauk haluk lam. Samar ieu pataom dom gah di pak nan, peih dom jalan ngak,  pajeng ba pandap meng jalan haluk, jalan glai, jalan radaih, jalan krong, jalan kapan haoh piah nao tal, peih bruk dong duah urang gaok bala song cấp cứu dom urang dok duik. Kayua labik nao mai kan kandah, langik oh ka lagaih, mbuan si glut jaleih biak glong , nan ye, dalam tuk duah njauk khik caga biak siam ka gah hu mbaok tame dong duah.

Meng bier harei 29-10, hadei di tuk ribuk ka 9 nao tapa, tuk mboh langik lagaih, kapul urang lin, Công an tỉnh Thừa Thiên- Huế gam saong kapul di Quân khu 4 nao tui jalan ia piah nao tal thủy điện Rào Trăng 3, duah 12 urang njauk bala daok viek di dalam mbang jaleih taneh di harei 12-10.  Tapon anek sau nghiệp vụ saong dom huấn luyện viên sang bac trung cấp 24 Biên phòng (Bộ Tư lệnh Bộ đội Biên phòng) jeng hu ba nao ngak viek piah kham marat duah dom urang njauk bala.

Dalam 2 harei  29 song 30/10, jiak 2.500 chuyên gia song urang dok dalam song langui negar hu mbaok tame nyaom biai  Sản phụ khoa Việt – Pháp – Châu Á – Thái Bình Dương mbang ka  20 kayua sang iek ruak  Từ Dũ (TPHCM) peih ngak. Dalam nan hu dom  chuyên gia negar langui  hu mbaok tame nyaom biai  tui jalan online. Ni lac diễn đàn y học prong abih di gah merong  ka bruk iek glang pren yava ka urang metain  pataom tame dom bruk ilamu  song dom  “labik pandiak” dalam bruk iek glang pren yava ka urang kamei metain  . Nyaom biai hu pang labaih  70 pathau khan pagam tal rilo  bruk  y học bahrau , ilamu song roh duah di  dom giáo sư, bác sĩ dang akaok . Siam di abih yau ilamu  kỹ thuật bahrau dong ka urang kamei metain, ruak  phụ khoa song kan si hu anek, jalan ngak bahrau di Hiệp hội phụ khoa Hoa Kỳ ka tuk vak abih metain di metian suai tagok dalam tử cung…

Bier harei 29/10, di kraong Long Bình, ban sit Trà Vinh,UBND tỉnh Trà Vinh peih mbaok bruk pacacah ghe Ngo meng kan.Ini lac sa dalam 15 bruk ngak praong di harei Ok-om-bok di mikva bangsa Khmer Trà Vinh thun ni. Hu mbaok tame pacacah mbang ni hu 9 kapul ghe likei, kumei pambuak gauk. Dalam nan hu 8 kapul ghe lac lambaok mai meng dom huyện, ban dalam tỉnh saong 1 kapul ghe likei mai meng ban sit Bình Minh, tỉnh Vĩnh Long. Dom kapul pacacah gauk tui dhi 600m saong 800m, bloh khuria điểm piah pilih ruah kapul dang akaok, kapul dang ka 2, ka 3 saong khuyến khích. Nan lac bruk ilamo thể thao brei mboh prien khang di bruk jumpataom saong ilamo siam makre di bhap bini Khmer. Paih daong khik ilamo bangsa Khmer saong pachrieh rivang main, tỉnh Trà Vinh hu sarak paglaong harei roya ni tagok pakat bhum.

Sở Jalan mbak pajeng ba ban raya .HCM  hu caik paga pacang oh brei radeih tapa cầu vượt Nguyễn Hữu Cảnh (quận Bình Thạnh) piah khik caga siam mekre dalam tuk ngak pasiam veik jalan ni. Labik caik paga pacang di ala tatua  Sài Gòn meng jalan Điện Biên Phủ song Ung Văn Khiêm tagok tatua Nguyễn Hữu Cảnh. Gah chức năng jeng hu mbaok piah tacei jalan tame jalan di khu đô thị Vinhomes Central park piah tabiak jalan Nguyễn Hữu Cảnh. Bruk caik paga pacang piah oh brei  tong abih dom janih radeih tapa tatua  Nguyễn Hữu Cảnh hu  ngak meng harei  29-10 tal  23-4-2021.

Mintri pablei salih Mỹ harei 30-10 brei thau GDP di Mỹ dalam quý III-2020 hu tagok 33,1%. Mỹ hu mboh tanut tagok nan hadei di tuk trun 31,4% dalam quý II-2020. Tapa nan jeng siam jang duk saong kuhria dahlau lac tagok 32% kayua dom chuyên gia kinh tế hu mbaok tame pasang iek di Dow Jones ba tabiak. Yaom lac jeng daok hu rilo bruk njauk ngak saong bruk pasiam jeng daok suai lavik. Dom danak dak dui pachrieh ba mai dom bruk patagok gah kinh tế dalam tukvak dahlau daok abih tukvak. Dom bruk daong jien padai jeng daok lahik nao. Nan lac dom makna bo dom chuyên gia kinh tế brei thau bruk patagok di Mỹ meda suai viek meng urak ni.

Ấn Độ urak ni lac negar ka 2 di dunya gaok kan kandah biak trak kayua jit prong  COVID-19 hadei di Mỹ - labik hu 9,1 triệu urang njom ruak. Min, ngan song 120.000 urang metai, negar  Nam Á ni  jeng daok lac sa dalam dom negar song bhum taneh hu urang metai kayua COVID-19 dang di tanut beir abih di dunya .

Gah di cư dunya (IOM) di Liên Hợp Quốc harei ni brei thau, takik di nyu 140 urang di cư tal Châu Âu matai kayua mblung ia di tasik Senegal harei 24/10 meng blaoh.Nan jeng lac mbang karam gilai ngak metai rilo manuac abih dalam thun ni.Gah lin tasik Sê-nê-gan saong Tây Ban Nha hu pambuak gauk daong brei ka labaih 60 menuac di gilai./.

Urang lang: Thu Thảo - Hanipha -30/10