Bruk hu batabiak lac pacang caga jit ruak urak ni 

Dalam dom bruk di danak dak mbang nyaom ka 2 di  Ủy ban Thường vụ Quốc hội (UBTVQH) mbang XV, biar harei 17/8/2021, UBTVQH hu iek caong khin  pasang iek di Hội đồng Bangsa ka bruk neh rabha cambaih laih bhum ceik, bhum glaong dalam khik ramik karja urak ini. Pathau khan, langyah di mbang nyaom, Akaok Mintri, Chủ nhiệm Ủy ban Bangsa Hầu A Lềnh ndom lac: Thủ tướng Rajaei hu tabiak Sarak 33/2020/QĐ-TTg ka tanut neh rabha bhum bhap bini bangsa takik haong bhum ceik tui ilamu cakrok vaktu 2021-2025, dalam nan tacei lac, dom xã daok dalam bhum ceik saong bhum glaong jeng daok dalam angan Bộ tiêu chí, min gah adat hukum ka oh hu Sarak salih, pabak bruk neh rabha dom xã tui ilamu cakrok saong dom jalan karei. Brei panuac tamat mbang nyaom, lambaok UBTVQH,Phó Chủ tịch Thường trực Quốc hội Trần Thanh Mẫn njauk hatai haong bruk jao brei Hội đồng Bangsa, Ủy ban Bangsa patui bruk pasang iek gah adat hukum, taong yaom veik bruk neh rabha bhum ceik, bhum glaong.

Rajaei Ba Lan hu alain hadiah ka Việt Nam labaih 501.000 mbang vắc xin AstraZeneca saong halan hatian pablei brei veik 3 triệu mbang vắc xin pacang COVID-19, gam haong nan, daong brei rilo jamriak, pandap y tế yaom 4 triệu USD. Dom pandap nan tui kuhria hu ba mai TP.HCM di harei 25-8. Ba Lan lac taneh ia camereip abih pablei veik ka Việt Nam dom vắc xin praong yau nan. Kadha nan brei mboh hatai anit ranam, brei thau talei rohim pambuak bruk siam mekre meng lavik mai di bhap bini 2 taneh ia.

Kuhria meng harei 27/4 tal harei 16/8, dom tỉnh, ban bhum urang bangsa takik haong bhum ceik hu 248.780 urang F0, dalam nan harei  16/8 hu 7.603 urang bahrau. Tui yaok pataom oh ka ginup abih, dom tỉnh meng bhum kreh negar saong  Tây Nguyên tame mai, hu 1.509 urang F0 lac urang bangsa takik. Dalam nan, Tây Nam Bộ hu 221 urang,  ban raya HCM haong Đông Nam Bộ 775 urang, rilo jang 9 urang duk haong harei 15/8.

UB bhap bini ban raya HCM bahrau hu harak payua Rajaei saong Mintri Jien padai likau daong brei kadung jien karja 27.967 tỉ đồng haong 142.200 tấn brah ka ban raya HCM piah daong ka urang kan kathaot dalam tuk daok pa-atah di gauk . Ban raya HCM daok kuhria daong ka labaih 1 triệu 500 rabau baoh sang urang ngak kan kathaot tui yaom daong 50.000 đồng sa baoh sang sa harei saong 1.500.000 đồng jien pah bilik daok sa baoh sang sa bilan. Gam haong nan, daong 15kg brah ka yaok urang ngak kan kathaot... piah ka urang ngak sahanang hatai daok dalam sang, ngak njauk tui bruk pacang caga jit. 

Urak ini, tui panuac khan di dom nhà xuất bản haong dom gah patabiak tapuk, jaik 95% tapuk hu ba nao dom tỉnh ban. Min bruk pajeng ba tapuk bac da-a meng dom gilang tapuk, dom Cty  patabiak tapuk mai huyện, xã, dom sang bac haong amaik ame, anek saih, gru pato dahlau di thun bac bahrau daok gaok rilo kan kandah, abih di nyu lac di dom tỉnh ban daok hu bruk pa-atah di gauk. Mintri Pato Megru hu panuac ieu dom tỉnh ban daong palagaih ka bruk pajeng ba, pabak tapuk bac da-a tal sang bac, tal anek saih saong amaik ame piah samar caga ka thun bac bahrau 2021-2022.

Thủ tướng New Zealand - amuk Jacinda Ardern khang tangin brei pacang veik taneh ia kayua hu 1 urang njauk COVID-19, sa urang ruak camereip di New Zealand dalam 6 bilan. Adat pacang veik nan dui atah 7 harei di Auckland saong 3 harei di dom labik karei. Urang bahrau ruak nan lac sa urang likei umo 58 thun daok di Auckland, ban praong abih di New Zealand. Yaom lac oh ka thau urang ini njaom biến thể Delta di virus corona chủng bahrau halei oh, amuk Ardern tabiak panuac lac rajaei brei ngak tui jalan iek urang ruak ini lac njaom Delta.

1 triệu 500 rabau urang njaom bahrau dalam 2 adit camereip di bilan 8 di Mỹ atau New Zealand hu urang COVID-19 camereip abih hadei di jaik 6 bilan oh hu, lac dom khau tin praong ka bruk COVID dalam 24 mon tapa.Meng bruk lac jit ruak bahrau meda tamuh khang di bilan Thu haong bilan Barak, rilo taneh ia daok samar kuhria bruk klauk mbang ka 3, abih di nyu lac ngan saong dom urang hu prein pacang ruak oh khang.

Harei kabroi, gah Taliban peih họp báo camereip abih kuhria meng tuk mek hu karja di Áp-ga-ni-xtan,  dalam nan hu sanya rilo bruk hu taong yaom lac salih bharau duk haong tuk pan quyền atah di ini 20 thun.Hadei di mbang họp báo di Taliban, rilo taneh ia angaok dunya, rilo kapul nyaom dunya hu panuac lac,bruk iek praong quyền anek menuac, dalam nan hu quyền di urang kumei saong jalan ngak bruk di Taliban lac jalan piah urang sahneng kuhria bruk công nhận karja bahrau di Áp-ga-ni-xtan./.

Urang lang : Mousaphuong -18/8