Hu rilo kapul rik dong kadung jien 

Dalam harak khan brei thau bahrau ini di jabat Rajaei, Phó Thủ tướng Lê Minh Khái hu panuac ieu samar ngak salah sarak daong urang kumei, uranaih gaok kan kandah kayua jit Covid-19. Rajaei ieu Mintri Lao động, Thương binh saong Xã hội pambuak saong dom mintri, dom gah pambuak tal samar drah ngak salah harak patahu khan saong  dự thảo Sarak di Rajaei ka bruk ini. Phó Thủ tướng njauk hatai haong jalan ngak di Mintri Lao động, Thương binh saong Xã hội pok tagok Rajaei patabiak sarak ka dom bruk daong urang kumei saong uranaih gaok kan kandah kayua jit praong Covid-19; daong amaik Việt Nam Anh hùng; ranaih matui kayua amaik ame metai kayua njom Covid-19. Urang par akaok Rajaei njauk hatai haong jalan ngak daong urang kumei njom Covid-19 tuk daok matain atau manek blaoh saong urang ngak gah y tế, dom urang ngak bruk karei daok ngak bruk dalam gah y tế saong sinh viên gah y lac urang kumei hu mbaok tame pacang caga jit Covid-19 meng pok jien caga di kadung jien kanja pakat negar.

Dalam panuac likau bahrau abih payua ka mintri jalan mbak pajeng ba ka bruk peih dom jalan par dalam negar hadei di 10 harei ngak iek, Cục pajeng ba meng jalan kapal haoh Việt Nam parabha jeng 2 nyaom tuai  ngan song dom bruk karei gauk song hu panuac ieu patagok mbang par jalan Hà Nội – ban raya  Hồ Chí Minh, tagok 6 mbang  par nao mai sa harei. Tui nan, ngan song tuai hu mbaok dahlau di mbang par pak di labik  hu jit di pakat 4 atau labik brei dok karei  (pacang veik) atau tuai di angaok mbang par  mai meng labik hu jit  di pakat  4 atau brei daok karei (pacang veik) hu dut iek  âm tính song  SARS-CoV-2 tui jalan RT-PCR atau dut iek samar kháng nguyên hu peih ngak dalam  72 tuk dahlau di tuk peih mbang par .

Jalan ĐT 755B (daok ieu lac jalan Sao Bọng - Đăng Hà) lac jalan pambuak tỉnh Bình Phước haong tỉnh Lâm Đồng. Dalam dom harei tapa, dalam tinh Bình Phước hu hajan khang, dalam tuk labik jalan ĐT 755B nao tapa hu sa gah lac ceik glaong, sa gah lac danao biak dalam nan ye bhian rahtabiak bruk glut jalieh ngak kan kandah ka manuac saong radaih tuk nduac tapa. Urak ini, Sở jalan mbak tỉnh Bình Phước peih bruk pasang iek peih sa jalan bahrau gah likuk piah ngak sa jalan nao plaih di bala.

Tukvak mon 10 melam 18/10/2021, tuk dok pataok di pabah lamnge ikan  Quy Nhơn ye sa kapan ikan njauk pui khuah khang, yaom lac dom urang tong ikan samar talaih talei kak kapal piah klah khuah tapa kapan karei, min kayua hu hangin khang nan ye pui khuah pambak tapa  4 kapan pataok jiak di nan. Taduan hu panuac khan, Jabat Cảnh sát pacang khuah padam khuah song dong duah urang gaok bala Công an tỉnh Bình Định samar hu mbaok pak di labik. Hadei di  4 tuk , pui di angaok dom kapan ikan jeng hu padam abih  . Dalam 5 kapan khuah hu  4 kapan ikan khuah jaik abih. Tal mesup ni, rilo po kapan ikan dok pambuak bruk song gah  chức năng peih bruk pasang iek dom pandap panda, jamriak, pandap tong ikan di angaok kapan njauk khuah  Urak ni makna di mbang khuah dok hu duah thau .

Tui panuac khan meng dom labik chế xuất, labik công nghệ glaong, urak ini hu labaih 134.850 urang ngak bruk mai ngak bruk veik. Langiu di nan, hu labaih 5.000 urang mai ngak veik di dom doanh nghiệp daok gah langiu dom labik ngak kong. Dahlau di nan, ban raya HCM hu harak pato tacei jalan raok manuac mai ban raya ngak bruk gilac. Tui kuhria anak tal, dom urang ngak daok di dom tỉnh gah Tây Nguyên mai veik rilo jang. Urang ngak mai ngak gilac bhian lac tui panuac daa di Cty klak atau caong duah bruk ngak bahrau. Ban raya HCM urak ini hu 127 kapul yaih khan bruk ngak. Sở daok pasang iek saong padang angan cambaih laih dom urang  caong duah bruk ngak, bruk duah manuac piah padang jalan pambuak gauk di dom doanh nghiệp saong urang ngak.

Hadei di sa tuk vak trun pandiak , jit COVID-19 dok rah tabiak srau kadau dalam dom harei jiak di ni  di Singapore. Negar ni harei kabroi khan lac hu labaih  2 ribau  500 urang njom bahrau song 6 urang metai. Pasak pacang caga song pasang iek jit ruak Mỹ hu ramik veik panuac kakei bruk nao mai tal  Singapore tagok tanut  4- tanut glong abih di jit COVID-19 dalam dom tanut kakei di  Mỹ. Dom taneh ia karei urak ni daok di tanut 4  dalam tanut kakei  di  Mỹ lac  Malaysia, Thái Lan, Anh song  Bru-nây.

Urang jakar y tế Thái Lan brei thau, taneh ia ini meda padieh pandar vắc xin Covid-19 di Si-nô-vắc (Sinovac), Trung Quốc tuk dom vacxin caga abih di bilan 10. Thái Lan hu pandar labaih 31,5 triệu mbang Sinovac meng di bilan 2/2021, brei klauk dahlau di abih ginup 2 mbang ka urang ngak gah y te daok taong ruak ka dom urang njom ruak, dom kapul mbuan njom glaong saong rahra di Phu-kẹt (Phuket), pulao peih pambang brei ka tuai rivang main gilac viek tui jalan ngak iek. Di bilan 7 meng blaoh, Thái Lan brei klauk mbang 1 di Sinovac, hadei di nan mbang 2 lac  AstraZeneca. 

Dom hãng jru Pfizer (Mỹ) song BioNTech (Đức) harei  18/10 hu pok harak ieu mintri  Y tế Canada brei pandar vaccine pacang COVID-19 kayua 2 hãng ni pambuak gauk ngak piah klauk ka uranaih dalam umo  meng  5-11 thun. Harak ieu nan hu pok tagok iek tui bruk klauk iek vaccine ka 2.268 uranaih dalam umo ni, ngan song liều lượng trun samu 1/3 liều lượng di nyu. Mintri Y tế Canada brei thau tok brei adat pandar vaccine ka uranaih  meng  5-11 thun meyah dom tong yaom brei mboh kein lagaih di  vaccine prong jang kanjah jhak ngan song nyaom umo ni . Urak ni, Canada brei adat pandar vaccine di  Pfizer/BioNTech ka urang umo meng 12 thun tagok./. 

Urang lang: Hanipha- Thu Thảo -19/10