Hajan ribuk rahtabiak di tỉnh Thừa Thiên Huế 

Dalam  harak pathau khan birau hu payua tal Ủy ban Thường vụ Quốc hội, Rajaei brei thau, piah langyah bruk nao daok pak ini pak daih tui hatai urang, dom danak dak, pandap panda hạ tầng, daong ka bhap bini patagok bruk ngak mbang pala drak, raong glang hu pablak tame saong hu buh tabiak 2.637 tỷ đồng meng kadung jien karja dalam pok jien 2.784 tỷ piah ngak. Hu yau nan,bruk bhap bini panduan salih labik daok tui hatai hu trun ralo. Tui kuhria di dom palei, dalam tukvak 2015 -2020 tok daok 3.293 baoh sang panduan salih labik daok tui hatai, trun 10 mbang dut saong tukvak dahlau di thun 2015. Rilo huyện, xã dahalau diah lac labik hu rilo urang panduan salih labik daok urak ini oh hu thei birau panduan mai daok. Hu mboh, karja dom palei brei ramik tani tanat raidiuk ka bhap bini panduan mai.

Tui yaok pataom tal harei 20-9 , hajan ribuk di  tỉnh Thừa Thiên Huế ngak brei 4 urang metai , 92 urang njauk rambuac, labaih 21.393 sang jaleih, par tabung, khut tayah; rilo mblang taneh phun mbang boh njam patam, rong pala ikan khut, lihik Mạng truyền dẫn klaoh 140 tuyến cáp quang dom janih; jiak 700 bilac BTS lihik điện, 180 bilac BTS oh pambuak pagam dịch vụ, 2 bilai  BTS jaoh jaleih; klaoh 30 jalan ba  mạng in-tơ-nét; jaoh jaleih labaih 250 gheng viễn thông, oh pambuak pagam hu  10 ribau thuê bao dom dịch vụ. Dom gah chức năng dok kham merat pasiam veik dom khut khat kayua bala meng langik tasik, tagok bruk pala drak. Di  2 tỉnh Nghệ An song  Hà Tĩnh, ribuk ka  5 ngak  brei 2 urang metai, yaok pluh boh sang par tabun, rilo jalan nao mai  glut jaleih oh nao mai hu  .

Hadei di jaik 20 harei nao sang, urang ruak ka 972 daok di labik 170 Nguyễn Văn Linh, phường Thanh Bình, Ban Hải Dương, tỉnh Hải Dương dut iek mboh dương tính haong virus SARS-CoV-2.  Dahlau di nan, urang ruak ka 972 tapa 4 mbang dut iek mboh âm tính saong virus SARS-CoV-2, harei 1/9, urang ruak ka 972 brei nao sang, saong daok karei di sang 14 harei. Harei 19/9, urang ruak hu mek darah dut iek ruak di Pasak Pasang iek ruak kik tỉnh Hải Dương, mboh dương tính. Tapa dut iek darah di Viện Vệ sinh Dịch tễ negar harei 20/9 brei mboh dương tính. Urang ruak 972 lac F1 di sruh jit ruak 36 Ngô Quyền, Ban Hải Dương (Sang kuan Dunya limo metah).

Tui kuhira, harei 3-10, UBND klau  quận 2, 9 song  Thủ Đức hu mek panuac cử tri 3 quận ni ka danak dak , jalan ngak rami ramik veik dom  đơn vị hành chính pakat huyện song pakat xã di ban raya .HCM tuk vak 2019-2021. Cambaih laih nan lac bruk pataom  klau  quận jeng sa đơn vị hành chính pakat huyện bahrau song angan ieu di  đơn vị ni. Bhap bini  tut angan tame labik dok  di klau quận ni meng umo ginup 18 thun tagok, hu brei  panuac lac njauk hatai atau oh njauk hatai ka 2 asar kadha: ka sa lac bruk rami ramik  quận 2, quận 9 song  quận Thủ Đức jeng  đơn vị hành chính pakat huyện bahrau, ka dua lac angan đơn vị hành chính pakat huyện bahrau mek angan lac  ban  Thủ Đức. Bhap bini jeng hu  quyền hu panuac karei.

Hu bruk sangka di Đảng saong Karja, dalam tukvak 2016 -2020, bhap bini dom bangsa takik di tỉnh Phú Yên hu taduan mbang tui dom danak dak saong sarak pagrap tanat raidiuk pambak tal bruk buh jien tame ngak brei patagok kinh tế - xa hoi, daong patagok bruk ngak mbang pala drak, raidiuk, peih ngak sarak trun kan kathaot. Ta-eng Gilang pariak sarak karja huyen Sơn Hòa brei ka 579 mbang baoh sang di Krông Pa hu mesre phun jien  abih tih labaih 6,8 tỷ đồng. Abih di nyu, thun 2020, Gilang pariak pambuak saong karja palei peih ngak pambak praong danak dak trun kathaot khang kajap di 6 mbon palei, kuhria tui jien abih tih 150 trieu dong ngan saong 13 baoh sang kathaot hu raong limo binai.  Tukvak peih ngak dalam 3 thun, meng bin 7 thun 2020 tal bilan 7 thun 2023. Meng phun jien daong di Gilang pariak sarak karja gam saong bruk kham merat ngak mbang raong glang , rilo bhap bini bangsa takik di tỉnh Phú Yên yam tapa truh kathaot. 

Mesup ni (21-9), yaok ribau công ty prong abih di dunya hu pachreih tui panuac ieu dom rajaei peih ngak rilo jang piah cagar veik bruk palai pajoa dak harei dak khang ngan song langik tsik song pachreih dong dom kham merat pacang caga biến đổi khí hậu. Labaih 560 công ty song abih tih jien mek tame 4 ribau  tỷ đôla dalam nan hu Uôn-mát, Xi-ti-grúp, Microsoft hu mbaoh tangin tame  harak tabiak panuac ieu peih ngak dalam  10 thun anak tal. Panuac ieu hu batabiak tuk Liên hợp quốc caga dang tabiak peih  Nyaom biai đa dạng sinh học dalam bilan 9 ni  piah pakhang pren pamong tal 1 Hiệp định dunya bahrau khik ramik langik tasik  dok njauk palai pajoa bo jiak di ni lac khuah glai di Amazon song Ca-li-phoóc-ni-a.

Akok metri Y tế Cộng hòa Séc A-đam Vô-tếch brei thau, dalam dom harei anak tal, rajaei meda tabiak bruk samar drah meyah dom urang ruak Covid -19 daok tagok rilo yau tukvak jiak ini. Urang ruak birau yaok harei di Séc dalam dom harei jiak ini tagok glong abih saong taneh hu 10,7 trieu bhap bini ini hu mboh abih tih labaih 48.300 mbang urang njom ruak. Dalam 14 harei tapa, Séc hu 193 mbang urang njom ruak dalam labaih 100 ribau bhap bini, glong ka 2 di ở châu Âu, hadei di  Tây Ban Nha.

Meng di bier harei 19-9, yaok ribau sinh viên hu mbaok dalam tuk hajan di labik học xá Tha Prachan di sang bac Đại học Thammasat di Bangkok, Thái Lan, piah trun jalan ieu  Thủ tướng padeih ngak  Tal melam, cảnh sát kuhria mboh lac hu yaok ribau  urang, pataom di mblang bein Sanam Luang. Dahlau di mbang patrun jalan rah tabiak  ye Hạ viện Thái Lan melam  18-9 njauk brei tapa hukum kadung jien  thun 2021 yaom  3.285 tỷ baht (labaih  105 tỷ USD) hu peih ngak meng bilan  10-2020 piah pasiam veik gah kinh tế njauk kan kandah trak damak kayua jit Covid-19./.

Urang lang: Ái Nghiêm – Hani Pha – 21/09 10:32:37