Ilamu doh tamia di urang bangsa pak Tay Nguyen hu Unesco brei angan 

Dalam jaik 16 thun harei di harei Ilamu kong chieng Tây Nguyên hu UNESCO pok brei angan lac Inem krung ilamu phi vat the di menuac sia dunya, Mintri Ilamu TT-DL, karja haong gah Ilamu 5 tỉnh Tây Nguyên hu peih ngak rilo danak dak piah khik ramik, patagok yaom glaong inem krung. Njauk biai di abih lac urak ini rilo adat cambat tanarakun meng kan jeng daok hu bhap bini dalam palei khik ramik, peih ngak dalam raidiuk yaok harei. Bruk nan hu khan brei thau dalam Nyaom ginum biai piah taong yaom bruk khik iek, patagok yaom glaong ilamu kong chieng Tây Nguyên hu Cục Inem krung Ilamu, Mintri Ilamu TT saong DL peih tabiak harei 12/4 di ban sit Kon Tum. Lingiu dom bruk ngak hu biak njuak uan tabuan, dom urang dalam nyaom biai jeng hu tacei tabiak rilo cuang kandah dalam bruk khik iek, patagok yaom glaong ilamu kong chiengTây Nguyên, yau ye: labik ilamu palei njauk palai tayah; dom menuac thau dom adat cambat meng kan dak harei dak takik nao dalam tuk rai hadei oh ka thau khin khik caga, talei pambuak bruk patagok kinh tế haong patagok ilamu oh ka hu langyah siam lagaih.

Brei panuac peih nyaom biai  mbang ka  5 Ban Chấp hành Đảng bộ TPHCM mbang  11 rah tabiak mesup ni 13-4, ong Nguyễn Văn Nên, Ủy viên mintri Chính trị, Bí thư Thành ủy TPHCM ndom lac, kinh tế TPHCM daok tagok veik dak harei dak cambaih laih tuk dalam  quý 1-2021, tong abih pandap panda dalam ban (GRDP) tagok 4,58%, glong jang rilo dut song tuk vak ini thun 2020 (tok tagok 0,42%); mek tame kadung jien karja tagok 15,43%  dut song tuk vak ni thun bloh. Di nyaom biai ni, urang pal akaok Thành ủy TPHCM jeng hu ba tabiak dom jalan ngak  prong dalam vaktu anak tal, dalam nan hu bruk lan taleik kan kandah, tavak tavaiy song hu panuac ieu buh jien tame ngak mbang, abih di nyu nan lac buh tame ban Thủ Đức, sonf dom danak dak prong di ban raya  HCM.

Tui Sarak parabha vắc- xin pacang Covid-19 mbang ka 2 di Mintri Y tế, 2 tỉnh Ninh Thuận saong Bình Thuận meda taduan hu 10.100 mbang vắc-xin Astra Zeneca  pacang COVID-19. Tui sarak ini, tỉnh Bình Thuận meda taduan 6.700 mbang vắc xin; Ninh Thuận taduan 3.400 mbang. Sở Y tế 2 tỉnh Ninh Thuận saong Bình Thuận hu tacei pato dom gah pambuak tal ba tabiak jalan taduan mek, khik piah vắc-xin tui njauk ilamu. Saong hu panuac ieu dom jabat, UBND dom huyện, ban sit, padang angan dom menuac dalam kapul hu klauk dahlau vắc- xin pacang Covid-19 tui njauk bruk ba tabiak di Sarak 21 di Rajaei.

4 # Công an tỉnh Bà Rịa – Vũng Tàu hu ba tame pandar danak dak  bruk nao mai siam mekre, pasang iek meng camera dalam tỉnh vaktu ka 1. Danak dak hu yaom jien buh tame ngak abih tih jiak 134 tỷ đồng, dalam nan vaktu ka 1 (2019-2021) caik song ba tame pandar  89 camera pasang iek angaok jalan roya 51, vak dom bruk suan yau: lih jalan, nao suan binah jalan, pataok suan hukum, oh tui gom tín hiệu giao thông. Danak dak meda pasang iek 6 jalan radeih dalam sa tuk song dut hu  tốc độ peih angaok jalan tal 300km/sa tuk, cih vak thoat binguk biển số radeih halei ngak suan dalam luac harei melam song dalam tuk langik oh siam  piah jabat chức năng tong phạt chip pak di labik atau taong phạt hadei meng bruk payua harak  phạt tal labik dok di urang lei ngak suan.

UBND tỉnh Ninh Thuận bahrau patabiak danak dak patagok sang daok di tỉnh vaktu 2021 – 2025 saong pamaong tal thun 2030; dalam nan biak caik hatai sangka tal bruk paglaong siam mekre sang daok ka dom urang kan kandah, urang sarak karja dalam tỉnh. Vaktu 2021 – 2025, Ninh Thuận kuhria mboh dahlau lac abih tih phun jien piah peih ngak danak dak patagok sang daok lac labaih 9.878 tỷ đồng; dalam nan, phun jien TW jaik 125 tỷ đồng, kadung jien karja tỉnh jaik 38 tỷ đồng, daok veik lac phun jien mesraiy di gilang pariak sarak karja saong phun jien meng dom kapul nyaom, gah ngak kinh tế, baoh sang, menuac urang. Ninh Thuận daok pamoang lac tal thun 2025, sang daok dalam tỉnh hu 25m2 sàn brei sa urang, sang khang kajap tagok labaih 62%, sang mbiah hu labaih 37,2%, sang daok sit sot trun daokn 0,8%.

New Zealand jeng sanegar camereip di dunya batabiak sa danak dak hukum ka Pathau khan bruk biến đổi khí hậu song dom công ty dalam gah jien ndua  daok ngak bruk di negar ni.  Danak dak Hukum bahrau ieu dom gilang pariak, Cty BH song dom urang khik ramik  ngak mbang pathau khan yaok thun dom bruk di biến đổi khí hậu song bruk pablei salih di drei. Ngan song dom gilang pariak song Cty BH hu drap ar abih tih labaih 1 tỷ đôla Niu Di-lân (labaih 700 triệu USD) pathau khan ka biến đổi khí hậu brei cambaih laih

Harei 12/4, Anh khan lac mek hu bruk praong daok pamaong ngak dalam bruk klauk vắc- xin pacang Covid-19 pakat negar tuk taong abih rahra umo mangaok 50 thun di taneh ia hu klauk vắc- xin mbang canereip di harei 15/4. Bruk bui sambai ini jeng hu brei thau njauk di harei negar Anh brei pacadu dom jalan pacang cakak catang, brei adat peih pabah mbang veik dom bruk ngak yau ye cakak mbuk, pablei pandap menyum hu cồn. Bruk daok pamaong ngak patui di nan lac, klauk vắc- xin mbang ka 2 njauk tukvak ba tabiak saong klauk mbang camereip ka taong abih menuac bak dam bak dara dahlau di bilan 8 tal.

Mintri Tư pháp Hàn Quốc harei ni hu tabiak sarak brei dui atah vaktu dok veik ka labaih  115.000 urang ngak negar langiu sa thun gac, dalam nan hu dom urang ngak  Việt Nam, piah ptrun bruk kurang urang ngak  di dom doanh nghiệp sit song urang ngak nong song tong ikan. Bruk dui atah ni hu pandar ka dom urang ngak hu  thị thực E-9 song dom urang hu thị thực ngak bruk lavik thun H-2 abih vaktu meng harei  13/4 tal harei 31/12 thun ni. Sarak nan hu batabiak tui jalan pasang iek dom bruk patakik nao mai kayua jit prong COVID-19 bo urang ngak  nhập cảnh dang anak song bruk kurang urang ngak  di dom doanh nghiệp ngak cong, ngak nông song tong chap ikan di Hàn Quốc./.

Urang lang: Mousaphuong- Hanipha- 13/4