Yaom lac mbang camereip sa-ai Huỳnh Hoàng Thiên Tài, urang tuai di ban raya HCM nao rivang, padeih padei di Đà Lạt, min abih bruk mbang menyum, ma-in sambai, labik rivang iek, yaom pah labik ndih padeih padei saong dom dịch vụ du lịch karei hu rah tabiak siam saong njauk tui bruk kuhria caga dahlau. Hu mbang nao rivang main, padeih padei yau hatai caong khin yau nan, lac dahlau di tuk nao sa-ai hu duah thau abih dom bruk tapa phần mềm Dalat City angaok phone pan tangin: Dalam ứng dụng hu biak rilo janih, hu pandap mbang, hu dom labik dulich saong brei thau ka dom bruk hu peih ngak…Ini lac bruk bo dahlak mboh biak pachreih hatai, kayua drei oh cang duah thau di labik halei ngak lahik tukvak, tok tame ứng dụng ini jeng hu ginup abih. Dahlak sahaneng dom tỉnh karei njauk pandar phần mềm yau ni, tuk nan urang mai tal hu bruk biak, oh huac lah pachot atau tagok yaom jien ini daih…”

 Dreih yau nan,  sa-ai Châu Gia Bảo, urang tuai mai meng tỉnh Đồng Nai jeng biak njauk hatai ka phần mềm ini. Langiu di bruk thau dahlau yaom kaom dom dichvu, jalan atah jaik di dom labik nao tal, radaih pajeng ba, sa-ai Bảo daok padang tour dulich lagaih ka eng drei  dalam luac 3 harei main, padeih padei di Da Lat:“ Hu khan brei thau ginup abih, yau labik ndih, labik daok, kuan mbang huak biak lagaih daong ka urang tuk mai tal Da Lat, oh lahik tukvak duah thau bo daok jia tame hu”

Ứng dụng Dalat City lac phần mềm pandar hu di taong abih phone tangin hu hệ điều hành Android atau IOS kayua ban Da Lat pambuak bruk saong dom sở, ngành di tỉnh Lâm Đồng padang ngak saong ba tame pandar, piah ngak ka Da Lat  jeng sa ban dulich thông minh, siam mekre, ngak brei njauk hatai tuai damuai. Hadei di tuk tải App Store atau Google Play, ứng dụng Dalat City meda daong ka tuai damuai thau ginup saong cambaih laih ka labik drei nao tal jeng yau yaom dom labik drei daok, rivang main, blei pandap, mbang menyum; thau ka bruk khuyến mãi, trun yaom saong dom labik iek ruak, công an, radaih pajeng ba, ATM, labik tuk xăng, sang jaman công cộng…

 Langiu di bruk daong ka tuai damuai hu thau, phần mềm ứng dụng Dalat City daok hu daong ka doanh nghiệp Đà Lạt – Lâm Đồng yaih khan, brei thau cambaih laih ka dich vu dulich di drei. Sa-ai Nguyễn Thanh Giang, lambaok Khách sạn Đà Lạt Plaza brei thau, meng harei tame ứng dụng ini, dom bruk ngak di doanh nghiệp nao tal tuai damuai hu samar drah saong lagaih jang:“ Drei mboh phần mềm ini biak lagaik, dom bruk di doanh nghiep nao tal tuai hu samar jang, yaih khan hu siam jang.”

       Tui muk Nguyễn Thị Bích Ngọc, Phó akok Sở Văn hóa, Thể thao saong Du lịch tỉnh Lâm Đồng, phần mềm ứng dụng ini daok brei thau leik phone iew drah samar, hu labik ka tuai brei panuac ka chất lượng dịch vụ, dom bruk oh siam, yaom kaom, bruk kan kandah… tal dom jabat chức năng piah daong saong langyah drah samar, daong pasiam bruk ngak mbang yau blah , pachot,, kateik yaom tuai damuai bhian mboh di urak ni:“ Tuai damuai hu rilo kein lagaih, meda kakei dahlau labik ndih, blei vé trực tuyến abih takik tukvak. Tuai damuai meda thau hu cambaih laih dom labik rivang main. Tame ứng dụng thông minh ini, tuai damuai meda padang ka drei jalan rivang main, dom harei, yaom jien yau nan mbang, ndih labik halei, main labik halei ứng dụng ini hu tacei pato ginup abih.”

          Tui jalan pamaong tal dak padang Da Lat jeng sa labik du lich thông minh iek praong anek manuac, ngan saong 3 gah lac doanh nghiep, tuai damuai saong jabat karja, phầm mềm ứng dụng Dalat City lac sa janih kein lagaih, rik daong ka Đà Lạt jeng labik padeih padei biak chreih chrai, kandaong veik dalam hatai saong ngak bui hatian ka taong abih tuai damuai dalm saong langiu negar./.