Dalikan sa urang bangsa takik ngak mbang naih joi di ấp Suối Dzui.

       Lac urang hu angan je dalam bhum  bangsa takik, oh lac ba akaok nao dahlau dalam dom bruk ngak di puk palei, ông daok lac urang ngak mbang naih joi bhian daong urang kathaot. Nan lac ông Đinh Công Tâm, bangsa Mường daok di ấp Suối Dzui, xã Túc Trưng, huyện Định Quán, tỉnh Đồng Nai. Jasi – urang vak di rayo sap ndom VN daok di ban raya HCM hu kadha vak ndom ka ông :

          Di ấp Suối Dzui, xã Túc Trưng, huyện Định Quán, tỉnh Đồng Nai thei jeng thau ông Đinh Công Tâm kayua ông hu angan ngak mbang naih joi bo daok abih hatai ka mikva kathaot dalam ấp. Sang ông lac sang kathaot. Meng hatai kham merat ngak kaya meda di taneh ini, ông hu duah thau cambaih taneh riya, lingik tasik bloh buh jien  pala pa ok 3 bilan. Lac urang tari tarieng, takre bac megru, nan ye ông ba alamu barau tame beir pa ok di drei ye : padang jalan pruh ia patak pataom, drak khak tapa jalan ống, pruh jru pametai halak njauk nan ye nang suat glaong saong chất lượng baoh siam. Kuhria rah tapa yaok hecta hu 30 tấn sa thun, jien mek tame meng 150 tal 200 triệu đồng. Langiu patagok pala drak, ông daok jak ba dom sang dalam ấp halan hatian padang tổ daong sang daok hu 10 urang (yaok urang rik 3 triệu đồng sa thun), meng yaom jien ini, tổ ginum biai, pilih ruah, tacei brei padang saong ramik pasiam sang daok ka dom urang. Ông Đinh Công Tâm brei thau:

Patak pataom meng bruk yaok sang rik daong tame hasit saong brei ka dom sang kan kandah nyim payeng gauk piah daong gauk ngak mbang, dalam nan pilih ruah sang halei kan kandah di abih brei padang dahlau blaoh tal sang karei. Meng di nan, pataom jien veik blaoh brei ka urang hadei.

               Gam lac akaok kapul urang nong xã gam lac Chủ nhiệm kalup kapul pa ok nang suất glaong, yau nan ye, mikva bhian duah mai taom ông piah bac megru. Ngan saong dom sang dalam ấp, thei caong khin daong ilamu ka phun pa ok, ông Tâm jeng abih hatai nao tal beir pasang iek, tacei pato tapak. Kalup kapul pa ok năng suất glaong ngak bruk hu kein laba glaong, samal khan brei thau dom asal kadha ka pajaih, yaom, alamu, pasang iek ka dom urang. Taphia di nan, meng angan je di drei, ông khang hatai dang tabiak bảo lãnh ka klau sang bangsa takik kathaot mesraiy jien meng phun jien “ kayua urang kathaot” di huyện Định Quán piah raong limo binai ngan saong yaom jien abih tih 30 triệu đồng. Saai Điểu Văn Lẩm – urang hu ông Tâm bảo lãnh mesraiy jien brei thau “ biak ndua dhar phuan ông Tâm, hu ông Tâm bảo lãnh mesraiy jien saong tacei pato jalan glang iek limo, yau nan ye limo sang dahlak raong menek hu 1 drei anek. Sang dahlak thun ini hu tabiak truh kathaot. Dahlak biak uan. Daok ông Điểu Văn Na – sa dalam 3 urang hu ông Tâm bảo lãnh mesraiy jien biak chreih bui oh karei di ông : Njauk ndom lac meng tuk hu karja daong brei mesraiy jien ye blei hu drei limo amaik, raong hu sa tukvak ye nyu menek hu sa drei limo anek, blaoh urak ini limo amaik nyu litran veik saong urak ini lac limo anek nyu jeng tui tano paje.Meda ndom lac mboh biak bui sambai “

-       Ndom ka bruk ngak siam mekre di ông Đinh Công Tâm, saai Đoàn Thanh Hoàng – Phó akaok Ủy ban bhapbini  xã Túc Trưng, huyện Định Quán, tỉnh Đồng Nai brei thau : Ông urak ini lac urang hu angan je dalam bhapbini bangsa takik di xã. Yau kol drei hu thau ông tame kalup kapul daong gauk piah daong gauk ngak mbang. Dalam ngak mbang pablei salih ye saai nan urang nao dahlau, dang tabiak tacei pato mikva alamu pala pa ok suan bilan hu kein laba. Langiu bruk ngak kaya meda ka sang, saai daok daong mikva dalam ấp ba gauk patagok kinh tế.

    Menek tabiak meng sa sang kathaot, yau nan ye, ông Tâm biak thau ka raidiuk di urang kathaot, hu taneh min oh hu jien ye oh ngak mbang hu. Hu jien bo ngak tui phong trào jeng oh kein laba. Ông Tâm lac : Tapa taong yaom di dom phòng, ban di huyện ye mô hình ini biak kein laba saong siam di puk palei. Yau nan ye, dahlak jeng hu panuac likau dang tabiak tín chấp ka dom sang kathaot  tame dự án ini. Dom sang bhapbini bansga daok pala dom phun pala  chủ lực dalam danh mục di huyện ye likau hu daong meng phun jien sự nghiệp kinh tế di huyện piah daong ka mikva .

     Tui jalan ngak di ông Tâm, rilo sang bhapbini bangsa takik dalam bhum oh padheih kham merat pakacah gauk ngak mbang pablei salih naih joi, jum pataom gauk patruh eik patrun kathaot, yam tagok ngak kaya meda meng pren yava di drei.

Thúy Linh