Dom dam dara halan hatain dalam bruk ngak ka mik va 

Sa-ai Lý Văn Nhẹ, Bí thư Xã Đoàn Sông Xoài, ban sit Phú Mỹ, tỉnh BR-VT brei thau, jaik 40% menuac dalam xã lac bhap bini dom bangsa yau: Hoa, Khơ me, Châu Ro… Kayua yau nan ye, dalam xã hu 138 urang đoàn dam dara ye hu 50 dam dara lac urang bangsa. Lac urang Châu Ro nan ye sa-ai Nhẹ thau cambaih ilamu, jalan diukrai, adat cambat di bhap bini drei. Tapa ndom biai, jak ba dam dara tame sinh hoạt, brei ka dam dara lac urang bangsa Châu Ro, urang Hoa… ngak bí thư, phó bí thư chi đoàn dom palei, sa-ai Nhẹ ieu pataom hu dam dara bangsa takik tame dom bruk, dom phong trào.

Dalam sa mbang puh ramik, pala bingu di “Jalan dam dara kiểu mẫu” di palei Cầu Mới, hu jaik 30 dam dara hu mbaok tame bruk ini, dalam nan hu meteh lac dam dara bangsa Hoa, Châu Ro. Hu mbaok meng aval, sa-ai Dương Văn Sơn (35 thun), bangsa Châu Ro ngak abih drei, tuk kuac taneh brei ka dom ayut pala bingu mười giờ, tuk buac hareik, pok ar bein bingu. Sa-ai Sơn brei thau, sa-ai tame sinh hoạt Đoàn meng thun 2012 saong hu kein laba meng bruk ini dalam thun nan. Meng hu bruk bảo lãnh di Xã đoàn, sa-ai hu mesraiy 15 triệu đồng di Gilang pariak Sarak Karja piah blei 1 drei limo binai. Tal urak ini, sa-ai bayar abih sraiy saong daok hu tapon limo 6 drei. Lingiu di bruk duah jien meng ngak thợ hồ saong raong limo, sa-ai Sơn daok kham merat hu mbaok tame dom bruk Đoàn, Hội dalam palei.

Thun 2017, sa-ai Đào Văn Lắm (ndih tapui thun 1979, urang Châu Ro, palei Tân Châu, xã Bàu Chinh, huyện Châu Đức) tame tổ chức Đoàn saong hu daong brei mesraiy 30 triệu đồng blei 2 drei limo pajaih piah patagok kinh tế. Urak ini, hadei di tuk bayar abih sraiy, sa-ai hu 3 drei limo. Sa-ai Lắm ngak Bí thư Chi Đoàn palei Tân Châu hu 3 thun ini mai. Sa-ai Lắm khan lac: “Tapa bruk peih dom mblang me-in valei, dit blong, caoh mbanh di Sang ilamu bangsa di Bàu Chinh atau dalam dom harei roya di urang Châu Ro, dahlak kham merat pathau khan brei ka dam dara thau jang ka tổ chức Đoàn, Hội saong tacei pato dom dam dara halei caong hu mesraiy phun jien piah ngak mbang. Meng nan, dam dara chreih chrai hu mbaok tame dom bruk puh ramik hacih hacih puk palei, pala phun hijao. Abih di nyu nan lac, dahlak tuk halei jeng ba akaok nao dahlau dom dalam bruk ngak piah ka dam dara ngak tui”,

Daok di xã Long Tân, huyện Đất Đỏ, jaik abih dom urang đoàn dam dara lac urang Châu Ro. Bí thư xã đoàn, bí thư chi đoàn dom palei jeng lac dom dam dara  Châu Ro. Dom urang dang akaok dom Đoàn, Hội ini tuk halei jeng ba akaok nao dahlau, abih drei haong dom bruk ngak piah ka dam dara dalam xã pachreih tui. Dom mô hình yau: kalup kapul kỹ năng, “Alin thẻ BHYT brei ka dom sang kathaot, kan kandah”, iek glang urang taha daok sa drei, “Padang jalan Dam dara tự quản”, tu khan ao “Labaih ye brei, kurang ye mek”, “Harei car halan hatian”, “Harei adit hijao”… dui pachreih hu biak rilo dam dara. Sa-ai Lý Hồng Nam, Bí thư Xã Đoàn daok hu padang kapul “daoh tamnia sap bangsa Châu Ro”. Kapul pataom gauk di harei puac adit di Sang ilamu palei Tân Thuận, hu dom ong taha lac urang bangsa takik dalam palei tacei pato. Tuk lễ, Tết, Xã Đoàn peih harei pataom dam dara bangsa Châu Ro ngan saong rilo bruk yau: Yaih khan pandap mbang Châu Ro, nao cà kheo, chat bao bố, chat sạp; peih dom mbang ndom biai brei ka urang đoàn dam dara thau jang ka yaom glaong ilamu di bangsa drei. Meng nan, dom dam dara bangsa tame tổ chức Đoàn dak harei dak rilo. Meyah dahlau thun 2014, dalam xã hu oh ka tal 50 urang đoàn dam dara bangsa takik, ye urak ini tagok tal 86 urang.

Sa-ai Nguyễn Minh Triết, Phó Bí thư Tỉnh Đoàn, Chủ tịch Hội LHTN Việt Nam tỉnh BR-VT brei thau: Tỉnh Đoàn pambuak bruk haong dom puk palei brei bruk dahlau ka urang jakar Đoàn lac urang bangsa takik, daong ka dam dara mesraiy phun jien, ba bruk ngak piah patruh kathaot, peih ngak dom bruk ilamu, daoh tamia, rija meng kan daong ka dam dara bangsa takik kak kajap jang haong bhap bini. Meng nan, bruk ieu pataom, jak ba, jum pataom dam dara bangsa takik hu rilo siam mekre. Tal urak ini, dalam tỉnh hu 60.115 urang đoàn, dalam nan hu 1.349 urang đoàn lac urang bangsa takik. Anak tal, Tỉnh Đoàn BR-VT daok duah dom labik piah daong ka dam dara, dalam nan brei daong dahlau ka dam dara bangsa takik padang mbang ngui, peih rilo mblang me-in tui hatai takre, pabak kỹ năng mềm… brei ka dam dara, meng nan pambuak pagam dam dara bangsa takik haong bruk Đoàn, Hội di puk, palei./.

Urang lang: Mousaphuong- 22/3