Meng bhum taneh CM Cao Bằng, sa-ai Ngân Thị Hoàng Yến, bangsa Tày, Bí thư Huyện Đoàn Thông Nông brei thau, dam dara dalam tỉnh biak hadah mbaok meta ka Pắc Bó, labik Wa Ho hadei di 30 thun nao duah jalan daong taneh ia gilac veik mai saong palih ruah bhum taneh ini ngak labik ngak bruk cach mang. Bac megru saong ngak tui panuac Wa pato, tukvak tapa, dam dara Cao Bằng kak kajap saong dom bruk pathau khan mai labik inem mek sajarah Pắc Bó, piah dam dara urang đoàn hu thau jang, mboh hadah mbaok meta jang saong kham merat piah njauk haong angan lac dam dara rai HCM di bhum taneh Cao Bằng, labik hu ceik Các Mác, hu craoh Lênin…

“Yaok thun urang đoàn dam dara hu jhul khang dom bruk nao duah thau halau gha, peih dom mbang nao ramik pasiam veik, jeng yau rik prein yawa pasiam dom inem mek piah ngak brei Pắc Bó jeng labik ka dam dara khol drei nao tal nan piah bac megru…Nao tal piah brei mboh prein khang di drei saong piah bac megru  ngak tui panuac Wa Ho.”

          Thượng uý Nguyễn Thị Ngọc Linh, Bí thư chi đoàn, urang lambaok ka dam dara naih gheih dalam negar mai meng tỉnh Lâm Đồng brei thau: Urang đoàn dam dara Công an tỉnh tuk halei jeng bac megru saong ngak tui Wa Ho meng dom bruk sit di abih, pambuak saong bruk ngak di drei saong meng abih hatung hatian dam dara. Urang đoàn dam dara abih hatai daong ka dom bhum atah bayah, halan hatain nao pak halei jeng nao, bruk hagait jeng ngak.. Ta-eng Bilik Hồ sơ nghiệp vụ di Thượng uý Ngọc Linh hu ngak rilo danak dak, dui katut panak tukvak piah ngakdom roh duah birau ngak bruk brei samar, salih birau thủ tục hành chính. Meng nan daong ka bruk vak tame, khik piah, thong ke hồ sơ hu drah samar, tani tanat.

“Khol dahlak bac megru saong ngak tui Wa Ho lac bac megru meng jalan sahaneng tal bruk daok dang ngak bruk di Wa Ho. Bac tui Wa meng bruk biak sit. Khol dahlak bhian pagam saong bruk chuyen mon, kham ba abih prein khang dam dara ngak siam bruk ngak di drei sumu, samar.”

 Meng huyen Năm Căn, tỉnh Cà Mau lac labik puac abih di taneh ia, sa-ai Trần Quốc Đủ, Bí thư Đoàn xã Đất Mới brei thau, Chi đoàn xã bac megru saong ngak tui panuac Wa Ho meng rilo jalan sahneng hadah ba mai siam lagaih, hu đảng bộ, kraja saong bhap bini dalam bhum taong yaom glaong. Nan lac bruk Khang brah anit ranam – piah patak pataom brah daong ka urang taha umo labaih 70 thun kathaot rambah, atau bruk Nao gam haong uraniah kan kathaot, yaok thun alin  500 paok pandap ka anek saih nao bac…Sa-ai Trần Quốc Đủ lac:

“Bac megru saong ngak tui panuac Wa Ho meng dom bruk ngak mboh di anek meta yaok harei di khol drei yau ye: nao ngak njauk mong, ngak rilo bruk daong xa hoi, daong rilo urang kan piah urang hu jalan patagok dalam raidiuk…Ini lac dom bruk ngak di dom dam dara bhum puac abih di taneh ia tuk halei khol dahak jeng pamaong tal Wa Ho.”

  Piah pabak bruk di urak ini, meng bruk salih birau công nghiep 4.0, rilo urang đoàn dam dara dalam taneh ia tuk hakei jeng nao dahlau dalam bruk bac megru, roh duah ialmu khoa học, saong oh var klak dom bruk ngak daong ka puk paga. Thành Đoàn Ban raya HCM dom thun tapa tuk halei jeng ba akaok negar dalam dom bruk yau ye: Bilan he hijao, Kỳ nghỉ hồng, atau Xuân halan hatian…daong ka dom labik langiu ban raya, pamaong tal dom urang daok ralo kan kandah. Tui sa-ai Tất Quang Minh, urang lamaok dam dara naih ghieh dalam negar di Ban raya HCM ye bac megru saong ngak tui pamuac Wa Ho lac sa bruk  oh tuk halei padeih veik, đơn vị hlei, bruk hagait, labik halei jeng hu jalan ngak gheih meyah dom dam dara labik nan sahaneng kuhria saong oh padeih roh duah:

“Tuk hu taom gaok dom adei sa-ai ye dahlak mboh drei biak sit sot. Dahlak bac hu rilo bruk meng dom cơ sở đoàn di ayut dom tỉnh, ban dalam taneh ia. Dahlak mboh drei oh ka ngak hu dom bruk bo drei njauk kham merat jang piah daong hu rilo jang.”

 Caong khin ngak hu rilo bruk jang daong ka taneh ia, ka puk paga di sa-ai Tất Quang Minh, sa dalam dom urang dang akok kapol dam dara di Ban raya angan Wa jeng lac caong khin di yaok urang đoàn dam dara dalam taneh ia. Nan jeng lac jalan pasram megru, halan hatian daong piah hu jeng dom urang jakar “gam joi bruk ngak, gam diuk rai siam mekre” ka taneh ia yau Wa Ho caong khin./.