Yaok thun dom jabat, kapul nyaom, song bhap bini hu khan brei thau takik di abih 2 mbang ka hukum, sarak likei kamei samu gauk

Page ini, ginum biai di tổ ka danak dak Hukum pablei salih bảo hiểm (pasiam veik), dom urang quoc hoi caong khin bruk ramik pasiam veik njauk lang talaih dom labik daok tavak tave, cuang kandah, jhul darak pasar bảo hiểm patagok khang kajap jang. Ndem ka bruk pacang độc quyền, urang QH caong khin ngak brei cambaic laic, plaik bruk dom labik pablei bảo hiểm cap tangin gauk tagok jien blei, trun jien bayar ngan saong dom janih bao hiem. Tui nan, caong khin brei pabak asar kadha bruk pacang độc quyền dalam sa paka karei atau ba mai dom bruk njauk pakauk.

Danak dak brei thau ka bruk likei kamei samu gauk thun 2030 bahrau hu Phó Thủ tướng Vũ Đức Đam mbaoh tangin brei adat ngak. Ini lac mbang camereip abih Viet Nam hu 1 danak dak brei thau ka bruk likei kumei samu gauk tui jalan maong tal thun 2030. Tui nan, jalan ngak tal thun 2025 hu taong abih dom mintri, gah, tỉnh ban padang jalan ngak, peih bilan ngak ka likei kamei samu gauk song pacang caga bruk tong paoh. Yaok thun dom jabat, kapul nyaom, song bhap bini hu khan brei thau takik di abih 2 mbang ka hukum, sarak likei kamei samu gauk.

Mentri Jalan mbak pajeng ba birau iew Cục pajeng ba jalan kapal haok Viet Nam saong Cục Jalan pasei Việt Nam brei padeih bruk ieu tuai nao kapal haok saong radaih pui ngak harak sanya pacang caga jit Covid-19. Tukvak ngak tui meng harei 25/10. Piah khik salamat bruk pacang caga jit, Mentri Jalan mbak pajeng ba iew tuai damuai brei khan bruk y te online di labik PC-Covid saong peih ngak catang dom jalan pacang caga bruk njom mbak jit ruak karei. Dom đơn vị pambuak tal brei pasang iek, padang ngak, pagam tame dom asar kadha di harak sanya pacang caga jit Covid-19 tagok ứng dụng PC-Covid piah plaih lahik tukvak di tuai.

Sở jalan mbak pajeng ba tỉnh Đồng Nai khan lac hu brei ka dom jalan radaih buýt, taxi dalam tỉnh hu peih nduac hadei di rilo bilan brei padeih kayua COVID-19. Tui nan, meng harei 25/10, taxi song 6 jalan radaih buýt dalam tỉnh hu peih nduac veik. Ruk pajeng ba pandap panda, tuai damuai meng radaih ôtô pajeg ba urang ngak, hu peih gilac veik. Daok bruk pajeng ba tuai meng Đồng Nai nao dom tỉnh, ban; pajeng tuai jalan kraong tapa tỉnh Bình Dương oh ka peih mbiah tal tuk hu jalan ngak yau gauk di Sở pajeng ba dom tỉnh ban.

Dom tỉnh bhum tameran kraong Cuu Long daok trun pajaih labaih 1,5 trieu ha padai bilan đông xuân 2021 -2022. Min, tukvak jiak ini yaom khak tagok gam gam ngak kandah tal bruk ngak nong. Di Long An, yaom khak Urê meng 6.700 đồng/kg tagok tal 17.000 đồng/kg, DAP meng 8.500 đồng/kg tagok 20.000 đồng/kg. Tui yaom nan, jien blei khak drah meblah 1/3 yaom jien buh tame ngak padai. Cục pala drak di Mentri Ngak nong saong patagok palei pala brei thau, brei tacei pato salih janih khah drah ka nyu lagaih saong brei pasang iek , langyah sumu dom bruk pablei salih khah ja ngak khat lahik ka urang ngak nong.

Liên hợp quốc bahrau hu panuac lac, yaok triệu rahra Afghanistan, abih di nyu nan lac uranaih, meda njauk eik lipa meyah karja taneh ia ni oh hu dom bruk ngak samar piah pasiam veik gah kinh tế dok jaik jaleih. Gam haong nan, hu panuac ieu dom taneh ia klaak bruk pacang veik drap ar daong palagaih ka bruk ngak pahla. Urak ni hu labaih jaik 23 triệu menuac, meblah labaih dom menuac sia Afghanistan dok dang anak bruk oh hu pandap mbang, tui kuhria yaok bilan brei hu 220 triệu đôla để piah pabak pandap mbang ka jiak 23 triệu rahra di negar ni.

Mentri Thông tin Sudan birau brei tahu, bol lin tame labik ngak bruk di Rayo Papar sap saong Papar binguk Sudan, chap khik rilo urang ngak bruk. Mblang kapal haok Khartoum njauk kareih pabah mbang. Dahlau di nan, bol lin oh thau cambaic angan je di taneh ia ini chap khik 4 akaok mentri dalam rajaei saong sa urang di hội đồng pakat glong pan karja. Sa kapul urang lin jeng pacang vil val saong tame sang di Thủ tướng Xu-đăng Abdalla Hamdok saong khik iek di ong.

Sa mbang jit COVID-19 dalam bhap bini trak di abih meng bilan 7 tal ni dok pambak khang di Trung Quốc tapa dom kapul du lịch. Dalam sa adit, hu 157 urang njom ruaik di 11 tỉnh, ban. Rajaei Trung Quốc hu batabiak hukum oh brei dom công ty lữ hành peih dom mbang du lịch meng tỉnh ni tapa tỉnh daih di dom labik mbuan si njom glong. Gam song nan, dom tỉnh, ban tabiak panuac khan ka bruk klauk vaccine pacang COVID-19 ka uranaih umo meng 3-11 thun./.

Urang lang: Ai Nghiem – Hani Pha – 25/10 4:19:34 PM