Hadei di 20 thun peih ngak, Danak dak“Daong prein bilan pakacah” hu brei mboh makna siam mekre, yaom glaong pato pakai, rik daong rilo tame jak jeng di dom mbang pakacah, lac labik pambak tame oh kurang hu dalam mbang pakacah tame đại học di dom anek saih dalam taneh ia. Danak dak hu daong ka jaik 20 triệu anek saih mai pakacah saong amaik ame gauk gar di dom anek saih nan dalam taneh ia di dom mbang pakacah đại học, cao đẳng, mbang pakacah THPT negar, ba tabiak labaih 58 rabau kapul halan hatian dom pakat ngan saong bruk hu mbaok di labaih 1 triệu dam dara, sinh viên halan hatian. Abih tih yaom jien ieu pataom hu jaik 200 tỷ đồng.

Giải thưởng prong – Kayua hatai ranam Hà Nội mbang 14 - 2021 hu jao ka nhạc sĩ Hồng Đăng kayua hu rilo rik dong biak gheih ka  ragu ragam ban  ine, dalam nan hu dom kadha doh brei mboh ka  Hà Nội yau "Hoa sữa", "Kỷ niệm thành phố tuổi thơ"...Giải thưởng Bùi Xuân Phái - kayua hatai ranam Hà Nội hu mbao Thể thao song ilamu  (TTXVN) hong sang aruah  họa sĩ Bùi Xuân Phái padang tagok meng thun 2008, piah jao ka dom urang paneh, ka dom kadha, dom hatai sahneng, dom bruk ngak hu yaom gah ilamu, nghệ thuật glong, ndung bak hatai ranit ranam Hà Nội.

  Hadei di labaih 2 bilan ba tabiak Danak dak “Klah rabha haong gru pato”  thun 2021 (lac meng harei 01/8 tal harei 15/10/2021), Mban peih bruk taduan hu 116 kreih camin cei gru, anai gru kayua dom tỉnh, ban saong dom kapul nyaom yaih khan. mBan peih bruk pilih ruah hu 50 kreih camin gru pato hadah krah pok meyaom di tuk pahadar Harei Gru pato Việt Nam 20/11 di ban ine Hà Nội. Ini lac dom cei gru, anai gru daok pato, daok ngak bruk di dom sang bac, lac dom gru pato hu rilo hatai sahneng bahrau, salih bharau dalam bruk pato pakai, daong ka anek saih bac da-a hu siam jang dalam tuk kan kandah yau gaok bala meng langik tasik, ribuk, ia sua, jit ruak Covid-19 di bhum atah bayah, bhum ceik, pulao kaoh, bhum hu bruk ngak mbang biak kan kandah, bhum gaok trak damak kayua jit Covid-19.

  Kayua jit ruak di tỉnh Sóc Trăng, Bạc Liêu song An Giang dok rah tabiak srau kadau  . Ban raya HCM hu ba  3 kapul  y tế salih gauk piah dong ka dom tỉnh nan taong ruak ka urang ruak COVID-19. Tui nan: sang iek ruak Bệnh nhiệt đới ban raya .HCM nao tal Sóc Trăng, sang iek ruak Trưng Vương tal  An Giang song sang iek ruak  Nguyễn Tri Phương tal  Bạc Liêu. Langiu di bruk daong menuac, daong prein tapak ka dom  tỉnh hu jit ruak catang, ban raya dok hu  dong ka dom tỉnh dom bộ test samar  song vắc xin ka dom tỉnh dom sang iek ruak tuyến cuối Ban raya jeng hu dong pato pasram tapak, klah rabha ilamu taduan taong ruak, brei dok karei  F0 pak di sang ka dom tỉnh.

Tukvak ini dom thun dahlau, urang pala bingu kiểng di quận 12, huyện Củ Chi, Hóc Môn, TP.Thủ Đức...jar var trun pajaih piah pablei Tết ye thun ini rilo sang bein brei pala takik veik. Ngak takik veik lac jalan piah cakak khat, khik yaom darak pasar tuk prein blei  di tuk Tết thun 2021 tui kuhria mboh dahlau lac trun khang kayua jit ruak COVID-19. Di TP.HCM hu jaik 2.000 bein pala bingu kiểng, rilo meng pala lan, mai, dom bingu nền haong dom bonsai. Meng bruk pala takik veik, brei mboh mikva daok hu jalan nao lagaih dalam tuk kan kandah yau urak ini.

Meng bruk dut iek umo thun taha trun kayua jit  Covid-19 song umo thun taha tui kuhria di dom urang metai, nyaom roh duah ndom lac anek menuac lahik labaih 28 triệu thun taha dalam thun 2020. Ni lac brei mboh tapa sa mbang roh duah kayua dom urang ilamu di sang bac đại học Oxford (Anh) peih ngak di  31 taneh ia  song bhum taneh .Bruk njauk biai nan lac, urang likei trun umo thun taha rilo jang urang kamei .

  Lít-va daok padang ngak dom binah camereip di bruk padang daning paga kavat di bhum tapen negar haong Bê-la-rus piah pacang menuac tuh tame taneh ia ini. Liên minh châu Âu daok hu panuac lac Bê-la-rus ba menuac tame dom taneh ia Liên minh châu Âu yau Ba Lan, Lít-va, Lat-vi-a yau sa jalan ngak piah tagok prein kateik greik tagok Liên minh. Min Bê-la-rus hu rilo mbang tah klaak panuac ndom nan . 3 taneh ia: Lát-vi-a, Lít-va saong Ba Lan jeng ngak talei pacang rah tui jalan tapen negar piah pacang menuac mai rilo meng Bê-la-rus.

Sa nyaom dom urang roh duah di Prang song Ả-rập Xê-út urak ni dok pataom tame kuac raok  5 labik taom dar jaik labik  Al Ula hu mong lac hu pagam tal  ilamu  Đa-đan  song Li-yan. Dom inem mek ni hu duah mboh  di dom bang Tabasco song  Veracruz urak ni, dalam nan hu labik dok dahlau deih di urang   Olmec song dom bhum taneh dhaong di urang Maya. Hu mbaok meng thun  900 tal thun 100 dahlau Công nguyên, dom taneh ia nan jeng hu pasang iek biak praong rilo jalan pablei salih. Min hu biak takik khaw tin ka dom taneh ia klak ni, nan ye nyu daok njauk var klaak ./.

Urang lang: Thu Thảo & H.Pha – 6/11/2021