Meng akaok thun 2020 tal urak ini, tỉnh Đắk Lắk mboh hu 40 bruk pala kacha suan adat hukum

Danak dak “dong pren bilan pakacah” thun 2021 ba tabiak bruk ngak di mbang tabung glong meng harei 6/7 tal 9/7 tal tong abih dom labik pakacah di mbang pakacah tamat THPT di 63 tỉnh, ban. Tui nan, Mban peih ngak danak dak brei pataom tame jhul pakhang bruk pathau khan, yaih khan dom kênh ôn luyện tapa jalan online hu angan song đăng tải dom video ôn tập, pasram pakacah tamat Trung học Phổ thông angaok dom kênh truyền thông. Taphia di nan, ba tabiak dom bruk ngak halan hatain tapa jalan online song cổng thông tin trực tuyến, pambuak urang halan hatain song dom anek saih pakacah caong hu dong; padang jalan dong ka anek saih hu rai duik kan kandah di bhum atah bayah, bhum palao, kaoh, bhum biak kan kandah.

Mintri LĐTB saong XH bahrau hu harak pathau khan tagok Thủ tướng Rajaei ka bruk alin hadiah pandap ka urang hu buh prein ka CM di tuk pahadar 74 thun harei TBLS (27/7/1947-27/7/2021). Tui kuhria, abih tih yaom jien piah blei pandap alin hadiah lac labaih 480 tỷ đồng.Tui nan, pandap alin hadiah hu 2 yaom lac 600.000 đồng saong 300.000 đồng. Hu thau, 2 yaom nan jeng tagok jang 50% duk saong dom thun dahlau.

Ninh Thuận urak ni hu 124 urang hu angan je di dom bangsa Chăm, Raglai, K’ho, Nùng song Chu Ru hu Ủy ban bhap bini tỉnh mbaoh tangin tame harak brei angan lac dom taha palei, akaok pajaih, akaok palei, dom urang jakar padeih bruk, dom halau janeng, gru pato, gru jru, nhân sĩ, urang ngak mbang naih joi, urang đảng, urang hu buh rilo pren yava dong ka bruk patagok di puk palei. Piah paglong bruk ngak di urang hu angan je, pakat ủy, karja dom pakat di Ninh Thuận tuk halei jeng caik hatai sangka di abih, tacei jalan ka urang hu angan je piah gam song puk palei pathau khan, jak ba mik va ngak tui dom sarak hukum di Đảng, song karja, kham merat hu mbaok tame dom bruk pakacah gauk anit ranam taneh ia, rik dong patagok kinh tế - xã hội, khik ramik ilamu bangsa.

Meng akaok thun 2020 tal urak ini, gah chức năng tỉnh Đắk Lắk mboh hu 40 bruk (hu 46 urang) pala kacha suan adat hukum, pataom mek hu labaih 12.000 phun kacha that, rilo jang labaih 29 bruk duk saong tukvak meng thun 2017- 2019. Bruk pala phun kacha suan adat hukum nan rilo meng mboh di dom huyện Cư M’Gar, Ea H’Leo, Krông Búk, Krông Năng saong ban sit Buôn Ma Thuột. Dom urang pala kacha bhian pala pablak haong dom janih phun karei dalam bein, dalam puh di sang piah plaih urang mboh.

Thun ni, tỉnh Trà Vinh salih labaih 1.550 ha taneh pala padai song labaih 500 ha taneh pala tabau takik kein laba tapa pala phun yaok thun , phun lavik thun atau pala padai pambuak bruk rong kaya ikan . Piah pachreih urang nong salih janih phun pala, tuk vak 2021-2025, tỉnh Trà Vinh parabha phun jien labaih 390 tỷ đồng piah peih ngak sarak dong rami ramik veik bruk ngak nong .

Rajaei Hàn Quốc hu tabiak dom bruk daong ka urang hu klauk blaoh vắc-xin, piah patagok parilo menuac tame klauk caga. Tui nan, meng 1/7, dom urang hu klauk vắc-xin blaoh oh njauk ngak tui bruk patakik menuac pataom gauk dalam sang. Yau nan tui bruk paatah di gauk yau urak ini, dalam sang hu 2 urang praong thun hu klauk blaoh vaccine meda peih bruk taom gaok dalam sang rilo abih lac 10 urang. Lingiu di nan, meng bilan 7, dom menuac hu klauk blaoh 1 mbang meda peih ngak dom bruk langiu langik bo oh cang cuk pataih pacang mbaok; hu tame labik hu rilo menuac saong dalam dom labik ngak adat di agama.
Jabat Hàng không liên bang Mỹ (FAA) brei thau gah ngak kapan haoh Boeing njauk hatai buh jien phạt 17 triệu USD song ngak catang dom adat ka bruk ngak tabiak song dom bruk pabak hadei di tuk kapul ni caik thiết bị ka oh hu brei adat tagok yaok rituh sruh kapan haoh. Dahlau di nan , dalam 5 bilan meng puac thun 2018 tal akaok thun 2019, 2 sruh kapan haoh Boeing 737 MAX laik di Indonesia song Ethiopia ngak takik di abih 346 urang metai. Dom bruk pasang iek dunya brei thau 2 mbang bala nan jeng gam tal phần mềm khik brei kapal haoh oh mbleing mblang.

Sa gu dưa lưới mekre, bingi abih di Japon hu ba tabiak pablei to yaom tal 24.800 USD, glaong jang 22 mbang duk haong thun 2020. Gu dưa lưới chit jien hu pala di pulao Hokkaido daok di gah brak negar Japon. Labik ini urak ini daok dalam bruk kan kandah kayua jit COVID-19 gam haong 9 labik karei, dalam nan hu ban ine Tokyo. Janih baoh kayau quý abih di Japon lac dưa lưới. Nyu hu yaom samu haong dom klaok alak vang dane angan saong hu maong yau sa pandap alin hadiah biak hu yaom. Rilo urang ilamu ndom lac, tapa nan brei mboh daok hu siam veik bruk ngak mbang kinh tế vaktu hadei di jit COVID-19./.

Urang lang: M. Phương – Hani Pha – 28/05 14:30:33