Dom doanh nghiệp Việt Nam  hu mbaok tame danak dak ka drak pasa xuất-nhập khẩu

Bruk pahadar bhap bini saong urang jakar, urang lin metai, lahik dalam jit praong Covid-19 kayua UBTWMT negar Việt Nam saong Ủy ban bhap bini Ban raya Hồ Chí Minh pambuak gauk ngak hu peih tabiak di maong 8 melam ni (19/11) di 2 akaok lac Hà Nội saong Ban raya Hồ Chí Minh. Jeng dalam tukvak nan, di dom tinh, bal hu rilo bhap bini metai jeng hu dom jalan ngak lagaih piah pachreih tui danak dak. Dalam jaik 2 thun tapa, jit praong Covid-19 tamuh tabiak ngak khat lahik biak trak damak ka dunya, dalam nan hu taneh ia drei. Yaom lac abih urang Đảng, abih urang lin, abih rahra khang hatai tame bruk, caik prein yava saong salamat di bhap bini tagok mangaok di abih, dahlau di abih, min jit ruak biak trak damak, ka oh bhian mboh. Labaih 1 triệu urang njom Covid-19; jit ruak ngak ka labaih 23 ribau bhap bini, urang jakar saong urang lin metai, lahik.

Danak dak langyah, pabak khau tin ka tỉnh ban, hiệp hội, doanh nghiệp Việt Nam ka drak pasa xuất-nhập khẩu kayua mintri Công thương peih ngak gam gam dalam sa bilan, meng harei ni (19/11) tal harei 30/12. Danak dak hu 20 mbang langyah tui jalan tapak pambuak song jalan online – pataom tame tong abih dom drak pasa prong meng châu Phi, châu Âu, châu Mỹ song châu Đại Dương). Dom mbang langyah hu peih ngak tui jalan tapak pambuak song jalan online. Yaok mbang rah tabiak dalam sa harei, pataom tame klah rabha ilamu ngak mbang pablei salih xuất-nhập khẩu, patagok drak pasa song langyah cambaih laih ka dom bruk doanh nghiệp caik hatai sangka

Hadei di tuk Ban raya HCM brei pacadu bruk paatah di gauk, hu 96% doanh nghiệp di dom labik ngak kong, labik chế xuất saong labik công nghệ glaong ngak bruk veik. Labaih 230.000 urang ngak jeng mai ngak veik, samu haong 80% dom urang ngak di ni dahlau di tuk hu jit ruak. Min jaik di ini, dom urang njom COVID-19 di ni jeng daok tagok. mBan khik ramik dom labik chế xuất – labik ngak kong di Ban raya HCM (Hepza) hu padang viek labik taduan urang ruak tame taong ruak COVID-19 di labik chế xuất Linh Trung 2, Ban Thủ Đức ngan haong 260 manieng ndih ka urang ruak. Hepza jeng hu ngak bruk haong po buh jien tame ngak piah padang ngak labik brei daok karei di Labik ngak kong Đông Nam di huyện Củ Chi, Labik brei daok karei di Labik ngak kong Hiệp Phước di huyện Nhà Bè… saong daok patui viek bruk pasang iek dom labik hu ginup prein piah padang viek dom labik brei daok karei.

Tui mban tacei jalan pacang caga jit Covid-19 ban Cần Thơ, jiak di ni ban hu urang F0 tagok rilo, tui kuhria hu labaih 500 urang dalam sa harei. Gam song bruk pasang iek, pataom tame padam jit. ban Cần Thơ jeng patagok bruk klauk vaccine pacang Covid-19 ka bhap bini. Min, kan kandah di ban Cần Thơ lac dom harei tapa hu jiak 500.000 urang hu klauk mbang ka 1 vaccine Vero Cell, urak ni tal tuk vak klauk atau tapa tuk klauk mbang ka 2, min oh ka ginup vaccine janih ni piah klauk, ban Cần Thơ hu mintri Y tế parabha 200.000 mbang vaccine Vero Cell yau nan ye oh khik hu bruk klauk mbang ka 2 ka bhap bini

Javap jaloi panuac tangi sua pambuak tal bruk lac urak ini, Ban raya HCM daok brei ka bhap bini diuk haong F0 halei oh, kayua hu labik ieu kakei F0 njauk nao tal bilai y tế piah mek jru, ba tal bruk F0 nao tabiak langiu, ong Nguyễn Hồng Tâm, Phó Giám đốc Pasak pasang iek ruak kik Ban raya HCM brei thau, urak ini, Ban raya daok raidiuk salamat, pasang iek jit ruak hu siam lagaih, oh njauk lac daok brei diuk rai haong F0. Aank meta, F0 saong abih tih dom urang F1 daok dalam 1 baoh sang haong gauk, brei daok karei di sang ginup 14 harei, oh nao mai rilo labik. Bruk F0 eng drei nao mek jru rahtabiak atah di ini sa adit kayua dom labik daok kurang manuac nao jao jru saong bruk ini hu ngak pasiam veik.

Harei 18/11, Hãng jru Pfizer (Mỹ) brei thau hu mbaoh tangin tame harak thỏa thuận 5,29 tỉ USD song karja Mỹ piah ngak tabiak 10 triệu mbang jru menyum Paxlovid iek ruak COVID-19, meng dalam thun ni. Paxlovid hu tong yaom lac “janih jru” hu sinya piah pacang veik jit ruak. Urang ruak meda menyum jru ni piah iek ruak di sang meng avar, dong klah nyaih ka urang tame sang iek ruak song mbuan si metai.

Dom urang njom Covid-19 bahrau di Prang dalam 24 maong tapa, daok yam tapa tanut 20.000 urang, tui nan bruk njom ruak tagok tal 4,1% dut saong tanut 1,1% atah di ini sa bilan. Hadei di tuk brei thau lac mbang tamuh jit Covid-19 ka 5 daok rahtabiak, dom urang kanja Prang daok paglaong bruk jak ba bhap bini tame klauk jru vắc-xin, ngak njauk tui dom adat pacang caga jit saong brei thau lac daok pamaong tal bruk klauk vacxin pacang caga Covid-19 ka ranaih di akaok thun anak tal.

Jit ruak COVID-19 di Bỉ dok di tanut báo động tuk dom urang ruak COVID-19 iek ruak di dom bilik pabak pren dak harei dak tagok, dalam tuk dom urang njom bahrau yam tapa tanut 10.000 urang dalam sa harei. Dom sang iek ruak hu ieu brei caik meteh dom papar ndik piah iek glang urang ruak COVID-19 meng harei ni . Dalam tuk nan, bol bala Bỉ sa mbang tra hu ba mai dong ka dom labik y tế dok dang anak bruk tapa prein. Kuhria tal harei 15/11, labaih 8,62 triệu urang hu klauk ginup, samu 87% urang prong di Bỉ./.

Urang lang: Thu Thao – Hani Pha – 19/11 10:37:22 AM