Jalan roya 1A hu peih ngak nao tapa rilo tinh ban di bhum taneran krong CL 

434 urang lambaok ka jaik 200 ribau urang hoi di labaih 220 kapol nyaom D.N dalam taneh ia hu mbaok tame Nyaom roya pakat negar Jabat Thương mại saong Công nghiệp Việt Nam mbang VII, vaktu 2021 – 2026 page ini(31/12), di Hà Nội. Nyaom roya nan lac bruk hu makna biak dalam ngan haong dom doanh nghiep, abih di nyu lac dalam tuk kinh te Viet Nam daok dang anak dom bruk njauk ngak brei patagok dalam tukvak birau, dom lagaih saong kan kandah oh ka bhian mboh, abih di nyu nan lac bruk jhak di jit ruak Covid -19. Langiu di nan, bruk kuhria pataom iek, taong yaom bruk ngak vaktu 2015-2020, Nyaom roya  nan lac var ndem biai nao mai piah ka dom D.N Viet Nam brei mboh jalan sahaneng, hatai caong khin saong kham merat yam tagok piah rik daong bruk cak rok patagok di taneh ia.

UBND TP.HCM bahrau hu harak payua Mintri Kế hoạch saong đầu tư piah pathau khan bruk taong yaom kan kandah di jit COVID-19 thun 2021 dalam ban raya. Tui nan, abih tih yaom jien buh tabiak ka bruk pacang caga jit COVID-19 di TP.HCM lac labaih 9.100 tỉ. Dalam nan hu labaih 4.100 tỉ kadung jien karja palei saong labaih 5.000 tỉ meng dom kadung jien karei. Hu 292.000 urang ngak di dom tỉnh ngak bruk di TP nao veik palei dalam tuk TP brei pa-atah di gauk. Taphia di nna,  TP.HCM taduan hu bruk daong labaih 6.700 tỉ đồng lac jien mbaok saong pandap y tế.

Danak dak salih birau, pasiam jalan roya 1A, meng ban Ngã Bảy, tỉnh Hậu Giang tal huyện Châu Thành, tỉnh Sóc Trăng birau hu peih ngak. Danak dak hu ngak meng kadung jien karja kuhria abih tih phun jien buh tame ngak labaih 1.680 tỷ đồng, dalam nan, jien padang ngak labaih 960 tỷ đồng. Kuhria abih tih jalan nan atah jaik 20km. Tukvak peih ngak tui kuhria dahlau lac 1 thun, ngak salah di bilan 12-2022. Danak dak salih birau, pasiam jalan roya 1A, meng ban Ngã Bảy, tỉnh Hậu Giang tal huyện Châu Thành, tỉnh Sóc Trăng tuk ngak blaoh salah ba tame pandar brei pabak tame jalan mbak pajeng ba hu siam jang jeng yau rik tame ngak brei cak rok patagok kinh te- xa hoi di dom tỉnh nan lac Hậu Giang, Sóc Trăng saong dom tỉnh dalam bhum taneran kraong Cuu Long.  

Rilo tatua dân sinh, jalan nao mai meng jalan praong tal hamu puh hu daong ka raidiuk mikva bangsa takik di Ninh Thuận hadah hadai tagok. Huyện Ninh Phước (labik hu rilo urang bangsa Cam daok), raidiuk bhap bini hu rilo salih bharau kayua  karja hu ngak jalan nao mai praong, daong ka mikva patagok bruk ngak mbang kinh tế. Dom salih harau nan, hu meng bruk daong di Trung ương, di tỉnh gam haong bruk rik prein tame di bhap bini dom bangsa dalam dom thun tapa. Meng nan, mbaok meta pala bahrau di bhum bhap bini bangsa takik daok dak harei dak salih bahrau.

Tui panuac khan di bhap bini, yaok harei, hu yaok pluh mbang radaih pajeng tapa prein biak trak tame, tabiak labik mỏ patau ngak sraw kadau jalan mbak, ngak nerak alma moi truong di jalan  ĐT746 tapa dua xã Tân Mỹ, Thường Tân, huyện Bắc Tân Uyên, tỉnh Bình Dương. Ban Yam ndoc Công an tỉnh tacei bruk ka Phòng Cảnh sát giao thông padang bruk pambuak saong Jabat Cảnh sát pasang iek bruk ngak suan gah alam moi truong, Công an dom palei, dom mban, dom gah pambuak tal pasang iek, langyah catang dom bruk ngak suan di labik ini, khik brei salamat an ninh trật tự jalan mbak saong rik tame khik caga alam moi truong di bhap bini. Bruk pambuak tal bruk ini, Mentri Jalan mbak pajeng ba brei thau hu harak payua UB bhap bini dom tỉnh, ban;  Tổng cục Jalan mbak Việt Nam; dom Cục khik iek gah jalan mbak pajeng ba pakhang  bruk psang iek radaih pajeng ba tuk puac thun 2021 saong akok thun 2022.

Rilo palei di labik gah tasik negar Japon, hu gam bhum taneran daok njauk langik la-an biak khang haong tuyết laik kapal labaih 1m, hu labik tal 1 mét 7 tấc 4, yau di ban sit Tsunan, tỉnh Niigata. Kuhria tal kreh melam 31/12, hu 41 mbang par tal dom mblang kapal haoh praong di Japon brei padeih, rilo jalan cao tốc njauk gar radaih rilo mon kayua langik jhak.

Thủ tướng Iraq Mustafa Al-Kadhimi brei thau hu sa kapol urang jakar tacei pato gah quân sự birau di liên quân dunya kayua Mỹ ba kaok hu tal Iraq harei 30/12 piah daong dom gah bol lin di taneh ia ini mesruh pacang khủng bố, sa harei hadei tuk karja Baghdad brei thau đơn vị bol lin negar langiu hu tabiak truh negar drei. Thủ tướng Kadhimi jeng khan lac oh daok urang lin negar langiu halei daok veik Iraq piah taong mesruh.

Cao ủy Liên hợp quốc ka urang tị nạn (UNHCR) harei ini brei thau, labaih 100 urang tị nạn Rohingya gaok bala di langiu tasik tỉnh Aceh hu lin tasik Indonesia daong ba tame gah. Dahlau di nan, harei 26/12, urang taong ikan mboh 105 urang tị nạn Rô-hin-ga gaok bala di langiu tasik tỉnh A-chê. Tuk camereip, urang jakar In-đô-nê si-a tok brei pabak pandap mbang ngak pahla. Min tuk thau bruk gaok bala di baoh kapal saong panuac ieu di Cao ủy Liên hợp quốc ka urang tị nạn saong dom tổ chức nhân quyền, karja In-đô-nê si-a brei kapal lin tasik ba tame gah, taduan dom urang tị nạn ini./.

Urang lang: Ái Nghiêm-Mousaphuong- 31/12