Kapul dama dara pakat negar pambuak bruk song Tổng công ty Dịch vụ viễn thông VNPT – VinaPhone ba tabiak danak dak  “Thank you Việt Nam!” thun 2021. Danak dak piah jhul patagok, pambak tabiak dom bruk ngak siam mekre, gheih ghang dalam raidiuk, brei mboh hatai thau dar phol tal rai rah nao dahlau, song dom kapul nyaom, menuac urang hu buh pren yava, rik dong ka bhap bini, dong padang ngak bruk bhain randap siam ka dam dara urang daok ranaih. Piah patui ngak panuac thau dar phol, urang đoàn, dam dara song bhap bini  tame blah website: thankyouvietnam.com.vn piah payua panuac thau dar phol di drei tal dom urang ngak abih drei dalam rai duik. Danak dak hu peih ngak meng harei  27/5, tui kuhria hu tamat song jao kadung jien dalam harei 15/8. Tui kuhria padang kadung jien 5 tỷ đồng piah padang  60 boh sang anit ranam dong ka dom sang hu rai duik kan kandah.

Mintri apto megru brei thau lac dom tỉnh ban hu ramik labik pakacah karei ka dom anek saih F1 saong bilik pakacah karei ka F2. Tui nan, anek saih F1 hu brei pakacah di labik karei. Meyah labik pakacah nan atah di labik daok brei daok karei, anek saih pakacah nan hu pajeng nao mai meng radaih ôtô saong hu jalan pacang pambak tapa urang karei. Gru saong anek saih meda cuk khan ao khik caga rup pabhap, dreih yau di Đà Nẵng thun blaoh.  Daok dom anek saih F2, dom labik pakacah hu ngak bilik karei. Dom adei F0, oh pakacah hu mbang ini, hu pasang brei tamat dreih yau njauk ruak kik atau njauk bala. Mbang pakacah tamat THPT 2021 hu peih tabiak di harei 7-8/7, hu mbaok di labaih 1 triệu anek saih.

Tui Sở Công thương ban raya Hồ Chí Minh, piah khik ginup pandap panda  pablei ka bhap bini  dalam tuk jit ruak , dom doanh nghiệp hu mbaok tame bruk khik tani tanat drak pasa hu caga ginup pandap panda rilo jang meng 30 - 100% dut song yaok harei tui bruk jit ruak; caga pabak tal dom labik pablei tani tanat drak pasa, saong caga pandap tamo piah ngak, pabak pandap rilo jang meng 50 - 100% meyah jit ruak rah tabiak srau kadau jang. Sở Công thương jeng hu pachreih doanh nghiệp patagok bruk pablei pandap  tapa jalan pablei salih điện tử piah khik caga siam mekre bruk pacang caga jit ruak.

Yaom lac menuac sia daok caong di mbang tacei ba ini, 2 mintri Công thương – Jien padai meda brei patrun yaom xang manyek, min hadei di tuk kuri kuhria dom janih, dua mintri nan brei khik tamo yaom yau adit meng blaoh. Dalam dom mbang tacei ba jaik ini, piah daong ka dom bruk ngak mbang, pablei salih di doanh nghiep saong bruk nao mai di bhap bini, takik brei tagok yaom xang manek, dua mintri hu brei pandar gam gam kadung jien khik tani tanat yaom kaom. Tui nan, mbang tacei ba meng harei 12-5 tal harei 27-5 daok brei buh tabiak di tanut glaong lac meng 400 đồng – 1.900 đồng/lít/kg ka dom janih xang manyek.

Tui yaok pataom di jabat chức năng, bruk uranaih metai kayua palung ia  di negar drei dok glong, meblah  22,6% (dalam nan uranaih umo ala  15 thun lac 70%), dang hadei bruk metai lahik  kayua radeih paok gau. Dalam tuk vak anek saih padeih bac kayua jit COVID-19, mbuan si gaok bala kayua palung ia  biak glong.Di dom tỉnh ban, bruk pathau khan ka bruk pacang caga palung ia di uranaih ka oh gam gam, abih di nyu nan lac di dom puk palei, bhum kan kandah, bhum atah  bayah. Tong abih dom sang bac hu peih bruk pato caluai ia song bruk sơ cứu ka urang njauk palung ia  min jeng lac  dok  lý thuyết, takik brei caluai ia kayua takik danao caluai ia.

Rajaei Nhật Bản brei dui atah tukvak samar drah ka Covid-19 tal harei 20/6 dalam tuk daok oh ka tal dua bilan tra lac harei peih thế vận hội saong dom manuac njom jeng daok di tanut glaong. Ni lac mbang ka pak Nhật Bản brei dui atah tukvak samar drah, mbang jaik di abih lac harei 5/5.

  Takik di abih  2 hãng kapan haoh châu Âu njauk karja Nga oh brei adat par tal  Matxcơva hadei di tuk dom hãng ni hu pandar sa jalan par  vòng piah pliah bhum langik di Belarus. Bruk ngak ni di Nga, brei mboh bruk pachreih tui di Matxcơva song kajra Tổng thống Belarus Alexander Lukashenko, hadei di tuk Liên minh châu Âu ba tabiak dom bruk tong phạt bahrau di abih ngan saong Belarus pagam tal bruk kateik greik kapan haoh di Hãng Ryanair (Ireland) par trun chip.

Baoh muo tuak di In-đi-a-na Giônx (Indiana Jones), camin mata di Ha-ri Pót-tơ (Harry Potter) daok dalam angan labaih 1.200 pandap njauk kanar hadar dalam dom phim praong jaik hu ba tabiak pablei to yaom dalam bilan 6 tal di Pờ-róp Xto (Prop Store) di Ca-li-phoóc-ni-a (California) Mỹ. Ni lac jalan siam lagaih ka urang duah pataom hu hatai takre haong phim ảnh, truyền hình. Bruk njauk mayai nan lac taong abih jien mek hu meng dua janih ba tabiak to yaom nan hu pandar piah ngak pahla. Yaok janih pandap hu ba tabiak yaom meng 30.000 tal 50.000 đôla Mỹ ./.

Urang lang: H.Pha – M.P - 29/5/2021