Danakdak paparsap Cam – uyut sahabat randap di urang Cam

Mikva urang pang rayo anit ranam,!

      Tabiak rai di thun 2005, tal urak ini Danak dak papar sap Cam di rayo sap ndom VN daok di ban raya Hồ Chí Minh hu jeng bhian randap ngan saong bhap bini urang Cam.   Lingiu di ngak siam bruk pathau khan sarak di  Đảng , hukum di Karja ngan saong bhap bini urang Cam di Nam Bộ, rilo meng lac di dom bhum Ninh Thuận, Bình Thuận tal An Giang, danak dak daok lac labik brei thau hatung hatian, dom hatai sahneng, dom caong khin saong bruk ngak mbang ngak huak di bhap bini tagok riyak lingik di taneh ia, daong ngak brei siam jang sarak di dom pakat ngan saong bhap bini. Kadha vak di Thúy Linh, urang vak di rayo sap ndom VN daok di ban raya Hồ Chí Minh:

-Jabat sap Cam di rayo sap ndom Viet Nam daok di ban raya Ho Chi Minh urak ini hu 6 urang vak, Bien tap vien saong sa chuyen gia tui che do hop dong. Dom bien tap vien, kiem thinh vien jeng lac urang Cam. Dom thun tapa, dom urang vak, bien tap vien di haduk Cam tuk halei jeng tui sát dom jalan adat, sarak di Dang saong karja ka bhapbini bangsa takik piah pathau khan ka bhapbini Cam di gah meraong, di dom bhum Ninh Thuan, Binh Thuan saong An Giang; brei thau raidiuk ngak mbang kinh te – xa hoi, dom bruk dan sinh, greih camin urang ngak bruk siam di bhapnini bangsa di drei.

  Saai Hanipha sa dalam 6 bien tap vien kak kajap saong danakdak sap Cam meng dom harei dak padang. Urak ini langiu ngak bruk bien tap, saai jeng bhian nao dom bhum palei, libik hu bhapbini Cam daok diuk rai piah duah mek asal kadha, pang ndom dom bruk ngak kheih; vak veik dom khoẳng khắc, thoat binguk ngak mbang ngak huak di bhapbini. Hadei nan, gun pataom veik, bien tap veik dom chi tiet, so lieu taduan mek hu ngak jeng dom trang tin, kadha vak ngak phong phu ka chuong trinh. Saai khan lac : "Dahlak nao vak, tuk halei jeng sahaneng dom de tai jaik taphia saong bhapbini, nao trun tal libik bhapbini daok ye An Giang, Dong Nai. De tai dahlak takre abih nan lac bruk khik ramik palei ngak. Taphia nan, njauk lac sangka tal dom de tai thoi su.."

Danakdak sap Cam hu paparsap yaok harei ngan saong tukvak papar lac 30 minit, hu: Trang tin-kadhavak saong tamat lac kadha ( urak ini danakdak hu 6 kadha ye: greih camin palei negar, sarak saong bhapbini, urang ngak hamu caong thau…karei harei adit saong harei lễ lac tạp chí chuyen de, ilomo xa hoi atau tap chi doah pake tui kadha camabih, pagam tui thời cuộc saong dom bruk menuac sia sangka. Dalam nan sangka roh duah dom yeu to ilimo, adat cambat di urang Cam. Danakdak hu papar gilac 4 mbang, di riyak 657AM ( papar di riyak VOV1) di jalan papar negar. Kuhria yaok thun, dom bien tap vien kham merat ngak tabiak labaih 200 tin, kadhavak, phỏng vấn atau kịch truyền thanh piah paparsap; taphia nan, ba tin, kadha vak ka dom hệ paparsap, kenh papar binguk VOV, Báo điện tử (VOV Online), Báo vak VOV di rayo sap ndom Viet Nam. Tapa nan, rik daong ngak phong phu ka jalan riyak paparsap negar ka sap bangsa; paglaong raidiuk hatai pang rayo di mikva Cam.

Saai Nguyen Hong Hải – akaok haduk sap Cam rayo sap ndom Viet Nam di ban raya Ho Chi Minh brei thau: “ Phòng chu dong dalam bruk duah de tai piah ka urang vak, bien tap vien hu jalan nao vak tin, kadha vak ndung bak hơi thở di bhapbini; brei thau dom bruk ngak di palei Cam, ngak phong phu danakdak; ka dua lac phòng jeng chủ dong pachreih dom bien tap vien ta eng bac, paglaong trinh do piah vak tin, tap chi chuyen de gam hap dan gam hu thoi su jeng ye dom bruk ba tabiak dalam raidiuk piah pabak caong khin ba asal kadha ka mikva; adei saai bien tap vien jeng hu hu pachreih salih bruk dẫn chuong trinh tui jalan tuong tac piah urang pang maong mboh danakdak jaik taphia jang.

  Oh lac sangka ngak tabiak danakdak, nao trun cơ sở, dom bien tap vien, bien dich vien danakdak sap Cam jeng duah thau, pilih mek dom rik daong di urang pang rayo di bruk dien dat danakdak;  ngak sổ từ sap Cam, roh duah akhan Cam meng sap latinh piah lang dom bản tin, danakdak sap Viet tabiak sap Cam mbuan si thau, xuc tich, njauk saong libik, bhum Binh Thuan, Ninh Thuan saong An Giang piah daong urang pang rayo thau rilo asal kadha meng danakdak piah ba tame raidiuuk. Saai Mousa Phương kak kajap labaih 10 thun hieu dinh ka danakdak sap Cam di rayo sap ndom Viet Nam daok di ban raya HCM brei thau: " Danakdak hu urang vak, lang sap mai meng dom puk palei karei di gauk, min urang ngak danakdak tuk halei jeng caong khin ngak tabiak danakdak yau habal ka mikva di Phan Rang, Phan Rí, krong, Jai thei thei jeng pang hu danakdak. Kayua nan lac sap bangsa Cam drei"

  Nhac sy Amu Nhan daok di Ninh Thuan brei thau ka danakdak ye ini: " Dahlak bhian pang danakdak sap Cam di rayo sap ndom Viet Nam, pang di tuk mesup, mboh danakdak biak phong phu. Abih di nyu nan lac, hadei dom khaw tin, kadha vak hu dom kadha daoh, dalam nan hu dom kadha daoh di dahlak. Dahlak mboh, dom urang vak, bien tap vien di danakdak hu sang kien, duah pataom dom kadha daoh klak, barau di angaok mạng ngak ka danakdak phong phu jang" 

Urak ini, dom bien tap vien, urang vak, bien dich vien danakdak sap Cam di rayo sap ndom Viet Nam daok di ban raya HCM daok ngak tabiak danakdak sap Cam dak harei dak hap dan, ndung bak hoi tho raiduk urang Cam rilo jang piah pabak caong khin pang rayo di urang pang; njauk lac tatua dui pagam bhapbini Cam meng grauk libik taneh ia; dang tagok saong dom danakdak karei di rayo sap ndom Viet Nam dalam jalan mbeik drei tame dunya./. 

Thúy Linh