Kuhria meng harei 18/5 mbiah tal ini, Ban raya HCM hu 433 urang njom Covid-19 dalam bhap bini, 207 urang tame negar. Daok sruh jit ruak labik nyaom urang truyền giáo Phục hưng hu duah mboh meng melam 26/5 mbiah tal ini hu 326 urang ruak hu Mentri Y te brei thau. Tui Yam ndoc Sở Y tế TP.HCM Nguyễn Tấn Bỉnh, urak ini pacang caga hu dom sruh jit ruak, yau nan min daok hu dom urang F1 oh ka khan atau suai khan y te, ba tal bruk duah urang pambak ruak gaok rilo kan kandah ngak ka dom urang ruak Covid-19 daok rah tabiak dalam bhap bani.

Mesup ni  7/6, urang pal akaok  UBND quận Tân Bình brei thau hu  5 urang njom COVID-19 di sa sang  trọ angaok jalan Lê Văn Sỹ (Phường 1, quận Tân Bình). Yau nan tal urak ni , labik sang  trọ ni  hu  7 urang njom COVID-19. Meng di tuk thau hu bruk 5 urang hu dut iek mbang ka  2 mboh dương tính song  SARS-CoV-2 pak di sang trọ nan, Pasak  Y tế quận Tân Bình pambuak bruk song gah chức năng ba 5 urang ni nao iek ruak pak di sang  iek ruak Dã chiến Củ Chi.

Jaik di ini, jit Covid-19 rah tabiak sraw kadau, Mentri Pato megru  brei thau, meda gam saong dom palei peih bruk Pakacah  tamat THPT thun 2021 yau ini: Meyah jaik tal harei 7-8/7, daok hu dom labik njuak pacang veik atau brei pa-atah tui Sarak di Thu tuong ka bruk pacang caga jit Covid-19 ye bruk pakacah harei 7-8/7 njauk brei peih ngak di dom labik hu salamat saong brei ka dom anek saih langiu F0, F1, F2. Mentri Pato megru gam saong dom tinh ban peih bruk pakacah mbang ka dua ka dom anek saih oh ka hu pakacah mbang ka 1.

  Gilang pariak karjaViệt Nam (NHNN) bahrau hu panuac ieu  NHNN dhar dom tỉnh – ban  song dom kapul brei mesraiy, dhar gilang pariak negar langui patui bruk dong lang taliak kan kandah ka urang mesraiy  njauk kan kandah kayua jit  COVID-19 yau ramik veik tuk vak bayar sre, patrun yaom laba, jien, brei mesraiy bahau... tui hukum yau urak ni. Taphia di nan gilang pariak karja pandar dom gilang pariak  pablei salih peih bruk cakak tal tanut glaong di abih dom janih jien cai pandar piah parilo jien dong ka tuai damuai, bhap bini, doanh nghiệp.

UBND tỉnh Tây Ninh pambuak saong tỉnh Prey Veng (Campuchia) birau brei thau bruk peih pabah mbang negar Tân Nam (Tây Ninh) - Meun Chey (tỉnh Prey Veng).Yau nan, urak ini tỉnh Tây Ninh hu 3 pabah mbang negar pakat dunya lac Mộc Bài, Xa Mát saongTân Nam; 3 pabah mbang negar pakat negar lac Kà Tum, Chàng Riệc, Phước Tân saong 10 pabah mbang sit taphia negar. Pabah mbang negar Tân Nam hu Tây Ninh padang ngak pambuak haong dulịch sinh thái, anak tal  meda pambuak saong dom bruk dulich sinh thai Bein pakat negar Lò Gò - Xa Mát saong dom labik dulich di tỉnh Prey Veng… 

Sa bala jalan pasei  rah tabiak di saboh mesup  ni  (7/6) di 2 radeih pasei  nduac samar di gah merong  Pa-kít-xtan (Pakistan) ngak takik di abih  25 urang metai. Khaw tin di cảnh sát brei thau, bala rah tabiak tuk radaih pasei Min-lát (Millat) blait kong saong radeih nduac samar Xơ Xi-ét (Sir Syed) hadei di nan ginuh tame radeih pasei  ni . Urak ni ka oh thau makna ba tal bruk blait kong radeih pasei  Min-lát. Gah dong duah urang gaok bala song bhap bini pak ni kham merat ba dom menuac metai tabiak gah langui song pajeng dom urang njauk rambuac tal sang iek ruak. Dom bala jalan radaih pasei bhian rah tabiak di  Pa-kít-xtan kayua dom gom tín hiệu di jalan oh daok siam , takik hu pasiam veik song dom radeih pasei biak klak.

Meng harei ini 7/6, Thái Lan brei peih bruk klauk vaccine pacang ruak Covid-19 praong abih meng dahlau mai kham merat brei klauk jru ka pahu 70% bhap bini di puac thun ini. Tukvak camereip, Rajaei Thái Lan brei pabak vaccine ka Thủ đô Băng Cốc (Bangkok) rilo jang dom tỉnh karei kayua bhap bini di ban ine ralo saong bruk pambak ruak Covid-19 daok glaong. Nyaom urang hu brei klauk jru dahlau lac urang umo taha saong dom urang hu ruak dalam rup dahlau. Rajaei Thủ đô Băng Cốc padang 25 pasak kalauk jru saong iew bhap bini tut angan brei klauk jru tapa online.

Quảng Châu, ban hu jaik 19 triệu menuac di  tỉnh Quảng Đông, gah merong negar Trung Quốc brei dut iek abih menuac dalam ban  dalam 3 harei  kayua hu labaih  100 urang njom SARS-CoV-2 hu mboh kuhria tal harei kabroi (6/6). Ni jeng lac mbang jit dalam bhap bini camereip abih rah tabiak di Trung Quốc kayua anek virus duah mboh di Ấn Độ. Jeng dalam tuk nan, piah patrun bruk njom mbak di jit ruak , ban brei ngak catang jang dom bruk patakik nao mai. Meng ala pandiak ni , tuia tabiak truh Quảng Châu brei hu  harak dut iek  âm tính dalam 48 mon  salih ka  72 mon  yau bruk batabiak  dahlau di nan sa adit./.

Urang lang: H.Pha –A.Nghiem