Urak ni hu rilo tinh, bal hu peih bruk klauk vaccine Covid-19 ka urang kumei matain saong daok brei ka anek mum

Labaih 2 bilan dahlau, dom kumei matain njom Covid-19 biak takik, min jaik di ini dom urang tame sang iek ruak kayua Covid-19 di sang iek ruak Hùng Vương - ban raya HCM biak rilo. Urang matain njom Covid-19 mbuan trak tagok. Dom urang nan caong hu oxy rilo jang nan ye tuk njom Covid-19, phổi njauk kan kandah mbuan ba tal kan luai suan saong suak yava samar, mayah oh daong samu ye meda ngak kan kandah gam amaik saong anek dalam tain.

Urak ni hu rilo tinh, bal hu peih bruk klauk vaccine Covid-19 ka urang kumei matain saong daok brei ka anek mum.

Tui tacei pato di Mintri Y tế, urang matain meng 13 adit tagok njauk sahneng kuhria tal bruk klauk vaccine Covid-19, klauk di labik y tế hu prein taong ruak ka urang kumei matain. Dom janih vaccine urak ni hu di Việt Nam jeng meda klauk hu ka urang kumei matain saong urang daok blei anek mum, langiu di vaccine Sputnik V oh pandar hu ka dom kumei metain haong urang daok brei anek mum.

Dom gah jeng njauk khik tani tanat bruk iek ruak, taong ruak, sangka prein yava kumei manek, urang matain saong anek kaman, plaih klaoh dịch vụ dalam tuk jit ruak daok njom mbak.

Di tukvak klauk jru, urang y tế njauk sua tangi cambaih laih bilan matain, kein laba saong bala bhian gaok di bruk klauk vaccine Covid-19 brei ka urang kumei matain thau. Mayah njauk hatai, urang matain njauk mbaoh tangin sanya klauk jru, hadei di nan ba nao labik hu cấp cứu sản khoa piah klauk jru saong tui iek.

Mintri Y tế ieu kakei jabat klauk jru njauk cih vak, khik piah dữ liệu klauk jru di dom urang, dalam nan hu gam dom menuac chống chỉ định tame phần mềm khik ramik harak gar prein yava di rahra. Harak pasang iek ruak dahlau di tuk klauk jru saong harak sanya lac khin klauk jru hu khik piah di kapul klauk jru dalam 15 harei.

Langiu di nan, urang hadei di tuk klauk jru caong hu manuac daok jaik taphia luac harei melam, takik di nyu lac dalam 3 harei camriep. Oh manyum alak, bia saong janih kích thích takik di nyu lac 3 harei hadei di klauk jru. Mbang ginup dinh dưỡng. Meyah mboh brah, bhong, pandik, tagok baoh sit di labik klauk ye njauk caik hatai tui iek. Mayah brah praong samar ye nao iek ruak chip, oh luk, tauk hagait tagok labik pandik.

Abih di nyu nan lac, bhian duk iek pandiak dalam rup pabhap. Tuk pandiak ala 38,5 độ C ye taoh meneing khan ao, pacadu khan aw, tauk, uak meng khan ấm di thei, pa-ak, manyum ginup ia, oh caik ka rup la-an, dut iek veik rup pabhap hadei di 30 minit. Tuk pandiak meng 38,5 độ C tagok ye menyum jru pandiak tui panuac pato tacei di urang ngak gah y tế. Mayah oh cakak hu pandiak atau pandiak veik dalam 2 maong njauk pathau khan chip ka urang ngak gah y tế saong nao tal labik y tế jaik di abih./.

Uranga lang: Thu Thao – 26/08