Lakhah tuk umo daok sit raidiuk kan kandah

Sang bac bangsa Gam bac gam daok  THCS huyen Di Linh, tỉnh Lâm Đồng urak ini hu 350 anek saih bangsa K’ho, Cil, Mạ. Dom adei daok dalam umo jaik jeng dam jeng dara, yau nan ye bruk pato padar giới tính likei kumei, Hukum Hôn nhân saong Gia đình tuk halei jeng hu sang bac sangka. Adei Cil Thủy, anek saih tal 9B, Sang bac bangsa Gam bac gam daok  THCS huyen Di Linh lac, yaok adit mai sang, thei jeng khin dahlak padeih bac tok pasang. Hu urang khin Cil Thủy tok pasang gauk gar drei veik piah khik drap ar, khik taneh di but pajaih drei.

“ Meyah amaik ame chap tok pasang lac gauk gar saong drei bo oh katapa klau rai ye dahlak oh khin saong meyai ka amaik ame pang bruk oh lagaih siam kayua lakah dalm gauk gar sa rilo darah. Anek bik harei hadei oh hu hadah krah, ndih tapui anek jaoh jo saong prein yava urang maik oh hu kahng kajap.”

Mboh dom ayut dalam palei hu anek tuk umo daok sit, oh thau raong anek, raidiuk kan kandah, nao ngak apah jeng oh thei pah kayua umo daok sit. Adei K’Nhiên anek saih bac tal 9C caong khin bruk lakhah umo daok sit, lakhah dalam gauk gar sa rilo darah hu kadun likuh  piah dom adei oh padeih bac meteh dhi.

“Lakhah umo daok sit, lakhah dalam gauk gar sa rilo darah lac adat klak suan hukum njauk  brei atah klak. Dahlak hu bac saong thau dom sarak, hukum Lakhah umo daok sit, lakhah dalam gauk gar sa rilo darah  nan ye dahlak mai palei kahn veik ka mikva saong abih di nyu lac dom baoh sang  hu urang lakhah tuk umo daok sit saong lakhah dalam gauk gar sa rilo darah.”

Oh lac pathau khan ka saih bac, dom gru pato di Sang bac bangsa Gam bac gam daok THCS huyen Di Linh daok tame tal dom puk palei pathau khan ka mikva thau dom bruk oh siam kayua lakhah umo daok sit, lakhah dalam gauk gar sa rilo darah. Anai gru Mo Lom Thúy lac: Mboh anek saih halei  padeih bac, gru saong dom ayut sahabat nao tal sang duah thau saong jak ba dom adei klak bruk khin tok likei, kumei umo daok sit. Dom gru pato daok hu pambuak bruk haong urang jakar tư pháp, akaok palei, taha palei nao tacei pato ka baoh sang dom adei.

“Meyah amaik ame chap dom adei padeih bac piah tok diuk tok pasang ye dom adei oh ngak tui saong khan brei gru patao thau. Gru saong dom adei nao ndem meyai haong amaik ame saong langyah ka urang dalam baoh sang pang piah thau bruk ngak nan oh njauk saong ba tal bruk oh siam lagaih, jeng yau ngak suan hukum.”

  Meng gru pato saong dom pakat karja pathau khan jak ba, rilo baoh sang thau lakhah tuk umo daok sit lac suan hukum. Sa-ai K’Hường  daok di palei 3, xã Đinh Trang Thượng, huyện Di Linh hu anek kumei bac Sang bac bangsa Gam bac gam daok THCS huyen Di Linh lac: “Dahlak bhian pato anek bik oh tok pasang tuk umo daok sit, brei pataom tame bruk bac da-a, piah harei hadei  duah hu bruk ngak. Lakhah pasang thei jeng lakhah hu, min duah hu bruk ngak tani tanat, blaoh tok pasang ye siam jang.”

Gru Nguyễn Văn Dũng-Akok Sang bangsa Gam bac gam daok  THCS huyen Di Linh brei thau, dahlau diah bhian hu anek saih klak bac tok pasang. Min urak ini bruk lakhah umo daok sit, lakhah dalam gauk gar sa rilo darah hu padeih abih. Pato ka anek saih  thau sahaneng njauk  piah dom adei ndom oh saong bruk lakhah umo daok sit, lakhah dalam gauk gar sa rilo darah. Tui nan, dom adei hu jeng dom urang pathau khan, jak ba baoh sang, but pajaih di drei atah klak abih adat klak oh siam nan./.

Urang lang: Aí Nghiêm -9/12