Tui jalan ba tabiak di Sở LĐTB-XH bal raya HCM hu 6 nyaom urang hu daong meng pok jien daong mbang ka dua. Dalam nan, nyaom urang ngak dalam dom DN, labik sản xuất, pablei salih, yaom daong hu ba tabiak lac sa mbang 3 triệu đồng sa urang, tui kuhria hu jaik 42.567 urang. Urang ngak brei padeih ngak bruk min oh hu mbang jien daong lahik bruk ngak hu daong sa mbang 2 triệu đồng sa urang. Daok  urang ngak lac urang kumei daok metian, daok raong anek umo oh ka ginup 6 thun hu daong pabak 1 triệu đồng sa urang…

Ini lac bruk daong prein biak hu yaom ngan saong urang ngak dalam tukvak urak ini. Liên đoàn Lao động bal raya HCM hu harak tacei pato bruk daong samar drah tal urang ngak dalam bal raya HCM, tui Sarak 2606 di Tổng Liên đoàn Lao động Việt Nam. Cambaih laih nan lac, tuk đoàn viên, urang ngak hu jien mek tame ala 5 triệu đồng, urang kamei đoàn viên daok metian atau daok raong anek umo ala 6 thun, njauk ruak kan kandah, daok ndih iek ruak atau njauk bala tuk ngak bruk dalam tuk vak brei daok karei, lac menuac ngak tabiak jien dalam sang daok raong amaik, ame, diuk atau pasang haong anek oh ngak hagait hu jien meda taduan hu bruk daong brei.

Langiu di nan, urang ngak njauk padeih bruk kayua oh daok bruk ngak, kayua labik ngak bruk njauk pacang cakak kayua jit Covid-19; urang ngak padeih bruk, labik bruk ngak bo oh hu mbang jien bảo hiểm lahik bruk ngak; urang ngak hu amaik, ame, hadiuk, pasang njauk brei daok karei sa labik di sang atau sa urang lac F0, F1 lac daok dalam gah hu sangka iek daong. Yaom jien daong glaong abih lac 500.000 - 3 triệu đồng/sa urang. Liên đoàn Lao động bal raya HCM jeng ba tabiak jalan daong ka urang ngak di DN tuk labik daok trọ njauk pacang veik, tui yaom daong lac yaok urang 25.000 đồng sa harei saong oh tapa 500.000 đồng sa mbang brei daok karei.

Kuhria meng akaok bilan 6-2021 tal ini, dom pakat công đoàn bal raya HCM hu buh jien tabiak daong ka jaik 2.000 urang. Bruk daong ini daok hu peih ngak, piah tuk tamuh tabiak urang bahrau ye dom urang nan samar hu daong brei, trun meneing kan kandah kayua jit Covid-19. Dom harak gar piah hu daong hu Liên đoàn Lao động bal raya HCM brei thau tal công đoàn cơ sở, lac mbuan ngak. Abih di nyu lac dom urang daok brei daok karei di sa labik praong atau di labik njauk pacang veik, công đoàn cơ sở meda lambaok ka urang ngak piah ngak dom harak gar. Urang ngak meda taduan mek jien tapa tài khoản. Dalam danak dak daong bo Liên đoàn Lao động bal raya HCM hu ba tabiak ngak, dom menuac lac F0 hu daong 3 triệu đồng sa urnag, F1 hu daong 1 triệu meteh sa urang.

Gah công đoàn daok hu panuac caong Bảo hiểm Xã hội Việt Nam samar hu jalan tacei pato bruk ngak harak gar piah urang ngak hu blei bảo hiểm lahik bruk ngak hu ba-yar jien mbang 80.000 đồng sa harei tuk brei daok karei di labik pataom gauk (di labik y tế, doanh trại bol lin, labik karei kayua jabat karja palih ruah).

LĐLĐ bal raya HCM jeng caong brei pa-mbuan gah harak gar. Tui nan, tok hu harak ba nao brei daok karei pataom sa labik kayua akaok UB bhap bani phường, xã mboh tangin brei thau cambaih labik saong tukvak brei daok karei pataom sa labik; harak di DN brei thau lac urang ngak hu blei bảo hiểm lahik bruk ngak lac hu daong. Dalam tukvak brei daok karei pataom sa labik, urang ngak oh taom gaok gah langiu hu nan ye dom harak gar ini hu công đoàn cơ sở daong ngak./.

Urang lang: Jasi  24/6/2021