Darak melam Đà lạt : Ấm cúng dalam melam la ar cao nguyên

Pathau mikva saong grauk yut !

          Di palei rabau  bingu Đà Lạt, tỉnh Lâm Đồng, tuk ia takon melam laik trun, menuac urang di grauk canah jalan mboh takik jang, ye hu sa libik hu peih tabiak,  chreih bui saong hữu tình. Nan lac darak melam Đà Lạt. Urang vak Tuấn Long hu ba drei tame saong menuac sia di labik darak chreih chrai ini saong brei thau hatai  sahaneng di drei gam dom urang tuai damuai tuk mai tal darak melam di bhum glaong cao nguyen ini. Da a mikva saong grauk yut tui pang :

Tui jalan praong ba tal pasak ban sit, nao tapa dom baoh tatua mekre di hồ Xuân Hương saong jalan Nguyễn Thị Minh Khai hadah menyek, mboh di anak meta tuai damuai lac bruk pachreh chrai di darak melam Đà Lạt. Pak ini oh mboh urang nao sa drei. Rilo meng lac dom yau (dom gu) pan tangin gauk, dom kapul nyaom 5, 6 urang. Urang nao duah blei pandap len, bingu that, njam patam, baoh kraoh…atau mbang dom pandap mbang melam, pandap mbang halei jeng mboh pren pachreih di Đà Lạt. Saai Hà Diễm My daok di quận Thủ Đức, ban raya Hồ Chí Minh saong adei sa-ai dalam sang tagok mein di puac adit brei thau :“Yaok mbang tagok Đà lạt jeng biak takre nao darak melam, nyu hu sa bruk hagaiyt nan biak karei di Đà lạt, meda blei pandap lưu niệm ngak meng len. Blaoh drei meda blei njam patam, baoh kraoh mai alin ka gauk gar yau ye: Bông cải hijao, cà rốt saong bei prang, lac dom pandap oh tuk halei kurang saong yaom biak lap,  that bingi, biak rilo duk saong ban raya Hồ Chí Minh.” 

Daok saai Phạm Bích Duy daok di quận Bình Thạnh, ban raya Hồ Chí Minh, mboh lac“Dahlak mai ini mbang ka 4 paje, yaok mbang mai jeng mboh nyu hu hagaiyt nan dui pachreih  ye akhar ao, ndon len, tất takai, móc ane chin, yaok mbangnao  adei jeng blei. Langiu pandap lưu niệm, kol dahlak daok blei dom janih pandap mbang menyum đặc sắc ye : biak rilo janih mứt, ia menyum ngak meng dâu blaoh dom janih ia ép. 

Yaom lac bhum cao nguyên min darak melam Đà Lạt jeng dui pachreih hu tuai damuai kayua dom pandap mbang bhum tasik. Dom kaya ikan pak ini hu ngak jeng rilo janih pandap mbang, yaom oh glaong bo bingi, gam hacih saat. Abih di nyu nan lac janih pandap mbang halei jeng pandiak, biak bingi piah mbang dalam tuk lingik melam la ar. Sa-ai Nguyễn Đức Tình daok di Mê Linh, tỉnh Vĩnh Phúc, khan lac “darak melam Đà Lạt hu rilo janih lẩu biak bingi, nyu pataom rilo pandap gah Brak,gah kreh negar. Gia vị meng dom phun thảo dược biak  lạ, njam hacih bingi. Lingik li-an bingi,  mbang dom pandap  am di đà lạt jeng biak bingi, alak ye biak đặc biệt saong hu rilo janih.” 

Pandap hu biak ralo janih, yaom grap mbiah, duh abih hatai lac dom kadha bo gah du lịch Đà Lạt daok pamaong tal piah ngak bui hatai tuai damuai. Gam saong nan, bruk ba jalan ka pandap du lịch di urang dang akaok puk palei, ba mbuan lagaih ka dom urang pablei salih sit duh tuai du lich jeng lac bruk bo đà lạt daok ngak biak siam. Saai Lê Thị Hồng Nhung po cửa hàng ka 35A Nguyễn Thị Minh Khai di darak melam ban sit  Đà Lạt brei thau :“Karja di Đà Lạt lac tuk halei jeng daong, pachreih bhapbini ablei pandap siam, peih praong pandap phong phú tuk halei jeng ba mbuan lagaih ka bhapbini pablei salih. Dahlak pablei dom pandap di Đà Lạt hu : njam patam, baoh kraoh, mứt, tea, cà phê saong Atisô, taong abih jeng hu ngak di Đà lạt ini. Bhian di nyu tuai du lịch rilo meng nao di tuk melam, doak tuai Đà Lạt lac ye nao hamiet  

Peih pablei taong abih dom harei dalam adit, darak melam Đà Lạt dak harei dak pachreih rilo tuai damuai. Ini oh lac labik urang duah mboh saong blei mai alin ka gauk gar dom janih pandap lưu niệm Đà lạt, mbang dom pandap mbang bingi di tapen ging apui bo daok lac labik nao mein, mboh hu bruk rap ar tuai damuai di bhum glaong Tây Nguyên./.

Thúy Linh