Sang daok hu phun hijao biak mekre

  Sa dalam dom makna ngak ka darak pasar sang danaok taneh riya nao trun lac kayua dom sarak kinh tế vĩ mô di Raja-ei "kak catang" brei mesre bất động sản saong bruk cakrok patagok oh neh tabiak hu haong dom gah karei di bruk ngak mbang kinh tế. Darak pasar sang danaok taneh riya prong abih dalam negar drei nan lac bal raya Hồ Chí Minh daok dang veik dalam taong abih dom phân khúc. Meyah 6 bilan akaok thun, bahrau hu labaih 4.100 baoh sang hu peih pablei angaok darak pasar bal raya Hồ Chí Minh – tanut biar di abih kuhria meng tuk darak pasar hu pasiam veik di thun 2014, ye tal quý 3, dom sang hu peih pablei di bal raya ini hu rilo jang, labaih 17.000 baoh. Yaom lac sang pablei oh hu rilo, min yaom baoh sang chung cư di bal raya Hồ Chí Minh oh tagok khang. Ong Nguyễn Quốc Anh, Phaok Tổng Giám đốc kênh thông tin Batdongsan.com brei thau: Kasa, manuac urang sangka tal chung cư mboh biak siam, kadua nan lac yaom chung cư di bal raya Hồ Chí Minh patagok di kreh quý 3 saong quý 2 jaik 3% saong kreh quý 3 thun ini dut haong quý 3 thun bloh lac jaik 11%. Dom sang bahrau hu padang ngak rilo gam haong yaom kaom siam daok pachreih bhap bani blei di tuk puac thun.

Pak bal raya Hồ Chí Minh, oh hu rilo salih bahrau meng jalan ngak, sarak, nan ye sang padang ngak bahrau meng dom dự án meda takik jang dut haong quý 3 meng bloh. Abih di nyu lac darak pasar bal raya Hồ Chí Minh kurang rilo phân khúc sang daok yaom lap. Chung cư hu yaom gap mbiah di bal raya Hồ Chí Minh daok pachreih rilo urang blei, khik kajap di tanut labaih 90% saong daok hu rilo urang sangka. Meyah mek tanut yaom ala 25 triệu đồng/m2 piah dak tame janih baoh sang yaom lap ye ta-eng di bal raya Hồ Chí Minh, dalam 3 bilan oh hu dự án halei. Baoh sang yaom lap hu jhul yaom tagok tapa tanut 25 triệu đồng/m2 saong hu jeng phân khúc trung cấp. Meng bruk daok rah tabiak yau urak ini, rilo urang caong khin blei sang piah daok biak kan si blei hu sang. Giáo sư Đặng Hùng Võ, urang dahlau diah ngak Thứ trưởng Mentri Tài nguyên saong Môi trường brei thau: Dahlak saneng lac, bruk di nyu jeng daok lac ngak yau habar ka urang hu jien mek tame biar blei hu sang daok biak laghaih, oh njauk lac Karja bao cấp piah ngak brei patrun yaom di nyu. Daok gah taneh riya, khaol drei njauk patrun hu jien buh tame. Kadua nan lac bayar yau habar piah laghaih haong jien duah hu di urang.

Thun 2019 hu taong yaom lac thun darak pasar hu rilo ảnh hưởng meng sarak, adat bahrau. Yau nan min, ini jeng lac dom sarak piah pamaong tal dak padang darak pasar patagok tani tanat, khang kajap, plaih dom “cú sốc” saong dom tác động oh siam tal urang buh jien tame ngak, tal kinh tế - xã hội. Dom chuyên gia brei thau, tukvak puac thun 2019 saong akaok 2020, darak pasar sang danaok taneh riya hu dom salih bahrau siam jang. Bruk pablei salih sang daok meda rilo jang quý 3 min oh samu tukvak ini thun 2018. Yaom kaom oh tagok khang, tok tagok jaik 1-2%./.

Urang lang: Jasi - 12/11