Dom gilang di bhum taneran kraong Cl bak brah 

Labik  An Cư - Bà Đắc dalam huyện Cái Bè, tỉnh Tiền Giang nan lac pasak pablei salih Padai brah prong abih di bhum taneran kraong CL ngan haong jaik 30 sang mac sai padai, uak jangaih asar brah, gilang brah prong sit. Di tuk vak ini, dom po gilang, urang pablei salih oh thau ngak hagiat, daok cang urang mai blei brah. Amuk Nguyễn Thị Bé Bảy, sa urang pablei salih brah di xã Mỹ Thành Nam, huyện Cai Lậy mai pak ini piah cang pablei BRAH brei thau, dom harei jaik di ini yaom lac brah oh tagok min bruk pablei brah biak suai damuai. Yaom brah IR50404 (asal vin) urang blei salih pablei tabiak yaom meng 11.000 đồng tal 11.500 đồng sa kg, brah pahe ST 25 yaom 20.000 đồng sa kg, trun 500 đồng sa kg dut haong bilan dahlau. Dahlau di nan, di tukvak ini padai bilan Đông Xuân, urang nong di bhum taneran kraong CL yuak jaik abih nan ye biak kurang padai, yaom tagok meng 500 - 700 đồng sa kg, dut haong bilan dahlau. Amuk Nguyễn Thị Bé Bảy daok brei thau lac: Yaom brah urak ini trun, daok padai ye tagok. Urang nao blei padai di mblang hamu yaom glaong ba mai ini sai brah pablei yaom biar, rilo urang blei khat blaoh tavak sraiy.

Urak ini, jaik abih dom gilang padai brah di tỉnh Tiền Giang jeng khik hu bak abih. Yaok gilang, hu takik di abih jeng dom ribau tấn. Daok Công ty TNHH Phước Đạt, xã Bình Đức, huyện Châu Thành hu labaih 7.000 tấn; doanh nghiệp tư nhân Tấn Vinh (xã An Cư, huyện Cái Bè) hu 13.000 tấn;  Công ty TNHH Việt Hưng (xã Hậu Thành, huyện Cái Bè) hu labaih 20.000 tấn. Padai brah ini kayua dom urang pablei salih duah blei meng grauk labik dalam bhum taneran kraong CL mai pabak ka dom doanh nghiệp. Thau lac Raja-ei brei adat pablei tabiak negar langiu 400 ribau tấn brah dalam bilan 4, dom doanh nghiệp pablei salih padai brah bhum taneran kraong CL mboh biak bui sambai. Yau nan min, kayua “tavak tavaiy” di labik ngak harak gar hải quan nan ye bruk bui sambai nan oh ka bak abih. Amuk Bùi Thị Nữ, po doanh nghiệp sai brah di xã An Cư, huyện Cái Bè brei thau: Dom harei ini brah pablei biak suai, yaom laik, brah rilo. Urang pablei salih blei padai mai sai tabiak brah pablei njauk khat jien, padai yaom glaong bo brah pablei yaom lap.

Tui dom doanh nghiệp pablei salih padai brah saong urang nong, tok hu pablei brah tabiak negar langiu, anak meta nan lac bilan 4 saong bilan 5 meng langyah hu jalan tabiak ka asar brah di bhum taneran kraong CL. Kayua lac brah urak ini daok pataom mbuk dalam gilang biak rilo; dalam tuk nan padai Hè thu dom bilan hadei lac tal tuk yuak. Amuk Nguyễn Thị Bé Mười, urang nong daok di huyện Tân Hưng, tỉnh Long An bahrau yuak 03 ha padai brei thau: Di Tân Hưng padai yuak abih paje, daok drak gilac. Padai rilo rilo, mbuan pablei. Padai pablei di hamu yaom labaih 5.400 đồng sa kg, yaom ini hu laba. Padai brah urak ini biak rilo, caong khin hu pablei tabiak negar langiu ka mikva nyu uan”.

Jalan tabiak di asar brah daok gaok kan kandah, brah daok dalam  gilang biak rilo, ba tal labaih brah saong yaom glaong biar di brah saong padai, doanh nghiệp pablei salih khat lahik meda ngak kan kandah tal bruk pablei padai di urang nong bilan padai hadei. Ini lac kadha njauk hu dom Mentri dom gah di Trung ương sangka, langyah, abih di nyu lac peih talaih dom tavak tavaiy dalam bruk ngak harak gar di jabat hải quan./.

Urang lang : Jasi - 23/4