Bhap bini tabiak jalan brei hu the hijao

Di mbang họp báo mesup ini, mBan tacei jalan pacang caga jit COVID-19 TPHCM brei thau: tal harei 15/10, ieu taong abih dom jabat, labik ngak bruk di karja, dom labik ngak pandap, pablei salih, dịch vụ hu adat brei ngak bruk di TP brei quét mã QR di taong abih menuac mai taom gaok, pandar dịch vụ saong pandar ứng dụng di TP.HCM piah pasang iek, ngak bruk. Bhap bini tuk nao jalan brei pandar mã QR di ứng dụng VNEID haong ứng dụng Y tế HCM meda brei mboh bruk klauk vaccine. Dom radaih di menuac urang tok hu adat brei nao mai dalam TP.

Mesup ini, danak dak tatua Thủ Thiêm 2 hu pambuak veik, pagam dua gah takai kraong ban Thủ Đức haong Quận 1, TP.HCM. Hu ngak haong yaom jien 4.260 tỷ đồng, tatua Thủ Thiêm 2 atah labaih 1,4 km lac danak dak praong daok dalam bruk gam pacang jit gam patagok kinh tế-xã hội di ban raya. Ini lac sa dalam takik danak dak hu UBND TP.HCM brei adat ngak dalam tuk pa-atah di gauk. Hadei di tuk ngak blaoh, tatua hu pambuak jalan nao mai di kreh pasak urak ini haong labik đô thị bahrau Thủ Thiêm - ban Thủ Đức, ngak jeng prein khang patagok samar ka labik đô thị bahrau gah Timur.

Sở Lao động Thương binh saong Xã hội tỉnh Bình Thuận brei thau, harei 2/10, tỉnh meda raok 500 urang meng TP.HCM mai, nan lac dom urang nao iek ruak, menuac nao tui iek urang ruak; urang ngak gaok kan kandah; kumei metian…; hadei di nan meda raok 3.000 menuac meng Bình Dương, Đồng Nai. Tỉnh hu pambuak bruk haong dom puk palei padang jalan ngak cambaih laih dalam bruk taduan raok, brei daok karei, khik kajap bruk pacang caga jit COVID-19. Urak ini hu labaih 2.000 rahra daok di Bình Dương haong 1.000 urang daok di Đồng Nai tut angan mai palei. Kayua yau nan ye, Bình Thuận meda peih 2 mbang tra piah ba menuac di tỉnh drei mai veik palei.

Harei 30/9, Công an tỉnh Đồng Nai brei thau, jaik di ini mboh hu bruk  rahra, urang ngak dalam tỉnh pataom gauk rilo menuac piah ba gauk nao palei tui hatai. Yau ye melam 29/9, hu jaik 70 urang ngak nao radaih patuh tal bilai pasang iek di tatua Hóa An (TP Biên Hòa) piah nao palei, min urang jakar khik veik, ba nao veik labik daok. Dahlau dfi nan, jalan pandiak 29/9, jaik 200 urang ngak lac urang Chăm di huyện Vĩnh Cửu jeng pataom gauk piah nao palei tui hatai. Karja hu jak ba urang daok veik. Hu thau, dom urang ngak nan caong khin ba anek nao palei bac veik. 

Harei 30/9, UBND ban Cần Thơ brei peih ngak Sarak 15 ngan saong 6 phường daok veik di quận Ninh Kiều haong 3 phường di quận Cái Răng. Yau nan, ban Cần Thơ lac labik puac abih di bhum taneran kraong brei pacadu bruk pa-atah di gauk. Menuac sia jeng daok oh brei pataom gauk labaih 10 urang dalam labik ngak bruk, sang bac, sang iek ruak, oh brei nao tabiak truh ban atau nao tal labik mbuan hu jit ruak COVID-19. Karja tok brei adat dom labik pablei pandap pandar yaok harei, dom siêu thị ngak bruk, daok dom labik pablei salih pandap mbang menyum… bahrau brei adat pablei ba nao.    

Mintri Nội vụ Prang brei thau, hu pasang iek 30 dalam 89 labik agama  cực đoan saong tabiak adat brei kreik 6 baoh sang megik Islam. Gam haong nan, ieu klaak nhà xuất bản Hồi giáo Nawa kayua mboh lac pacuh pajarak pametai urang Do Thái saong preo puac menuac đồng tính, haong kapul LDNA – dang gah likuk bruk trun jalan mesuh veik haong cảnh sát di Paris bilan 6/2020. Thun anak tal, Prang meda brei klaak 10 kapul nyaom agama, saong oh brei adat daok veik ka dom urang pan akaok Islam di negar langiu.

Pabak veik panuac caong di Hàn Quốc, urang pan akaok Triều Tiên  lac Kim Jong-un bahrau hu panuac brei thau lac halan hatian pambuak veik jalan talei phone pandiak taom gaok 2 gah di akaok bilan 10. Ini hu maong lac bruk siam mekre dalam tuk bán đảo Triều Tiên jaik di ini gam gam pandiak tagok haong dom bruk cuh tên lửa di karja Bình Nhưỡng. Hội đồng Bảo an Liên hợp quốc dalam harei ini meda ginum biai ka bruk Triều Tiên hadei di tuk taneh ia ini khan lac ngak iek tên lửa siêu thanh bahrau.

Indonesia bahrau ba tabiak jalan ngak praong piah pacang cakak dom labik njaom mbak bahrau COVID-19 dalam sang bac. Di yaok sang bac, Mintri Y tế brei dut iek PCR yaok bilan 1 mbang ka 30 anek saih haong 3 gru pato. Meyah urang njauk ruak mala 1%, bruk nao bac di sang bac daok hu peih tabiak brei ka dom urang oh taom gaok haong urang ruak. Meyah urang ruak hu mangaok  5% ye brei bac veik online dalam 14 harei. Hu thau, hadei di jaik 1 bilan peih pabah mbang sang bac, Indonesia hu jaik 15.500 anek saih, sinh viên haong 7.284 gru pato njauk COVID-19./.

Urang lang: Mousaphuong -30/9