Rilo urang negar langui hu klauk jru pacang caga Covid 19 

Biar harei 31/3, hadei di tuk brei tapa bruk brei padeih 3 Phaok akaok Quoc hoi, UBTVQH hu pathau khan angan urang 3 urang piah Quoc hoi palih ruah ngak Phaok akok Quoc hoi birau, nan lac:  Ong Trần Thanh Mẫn - Ủy viên Mentri Chính trị, Akok Ủy ban Trung ương Mặt trận Negar Việt Nam; Ong Nguyễn Khắc Định - Ủy viên Trung ương Đảng, Bí thư Tỉnh uỷ Khánh Hoà; Ong Nguyễn Đức Hải - Ủy viên Trung ương Đảng, Akok Ủy ban Jien padai – Kadung jien karja di Quốc hội. Phaok Akok Đỗ Bá Tỵ daok veik ngak bruk mbiah tal Mbang nyaom ka 1, Quốc hội mbang XV tuk hu urang ngak bruk.

Di mbang  họp báo rajaei bier harei 31/3, pambuak tal bruk  "hộ chiếu vaccine", Thứ trưởng mintri  Y tế Trương Quốc Cường brei thau: urak ni "hộ chiếu vaccine" dok lac bruk dok kamlah gauk di rilo negar di dunya. Mintri Y tế dok ngak bruk song dom mintri, dom gah roh duah, pathau khan mban tacei jalan pakat negar pacang caga COVID-19, pathau khan rajaei piah gam khik siam mekre ka bhap bini, gam peih pabah mbang kinh tế meng bruk peih veik dom jalan par dunya. Min, bruk pandar  "hộ chiếu vaccine" njauk sahneng kuhria meng kein laba song khat lahik. Kein laba lac bruk peih veik  jalan par dunya piah patagok kinh tế taneh ia, min jeng mbuan njom mbak  jit  Covid-19 tabiak bhap bini.

Danak dak pahadar 20 thun harei nhạc sĩ naih gheih Trịnh Công Sơn oh daok di dunya (1-4-2001/1-4-2021) thun ini ngan saong kadha “Dom harei page Viet Nam”. Danak dak pahadar hu peih tabiak meng 19h30 melam ini 1 bian 4 mbiah tal dah page harei 2 bilan 4 di taneh kubo Gò Dưa, Thủ Đức, Ban HCM. Langiu di nan, rilo bruk ngak nghe thuat pahadar aruah nhạc sĩ Trịnh Công Sơn hu peih tabiak di rilo tỉnh, ban dalam taneh ia. Dom bruk ngak pahadar thun ini oh lac dom melam daoh bo daok hu rilo bruk ngak karei biak chreih chrai.

Urak ni, hadei di sa adit iek ruak, uranaih angan N.T.N. pametai rup eng kayua njauk ayut sahbah ngak melau mbaok metaoh daok hu siam tagok, oh daok suak yava meng jamriak, mbak meta salah salai. Uranaih ruak nan jeng hu bác sĩ tâm lý daong piah hu hatai chreih chrai, bui sambai. Tui panuac khan di ame, uranaih lac  lớp phó học tập tal bac 7 di sa sang bac di  Long An, kayua hu kam lah gauk song dom ayut dalam tal bac, lavik lavik harei, N. njauk ayut sahabat oh iek mbaok, oh ndom biai nao mai song ba gauk puac angaok Facebook. Dom  bác sĩ brei thau, jiak di ni  gam gam rah tabiak rilo bruk pametai rup eng dalam umo bahrau prong, kayua kan kandah dalam rai duik, bruk ngak, bac daa, njauk tong paoh rup pabhap song pandik harao hatai sahneng... Uranaih njauk hu bac rilo jang bruk anit ranam ka rup drei, iek prong rai duik di drei jang, jhui kayua makna hagait bo palai klaak rai duik di drei.

Hãng jru di Mỹ Pfizer harei 31/03 brei thau vaccine pacang Covid-19 di hãng nan  hu siam lagaih taong abih ngan saong ranaih umo  12 thun tal 15 thun. Tui panuac khan di Pfize saong cong ty pambuak bruk BioNTech lac, hadei meng roh duah labaih 2.200 uranaih, vaccine  hu siam 100% dalam bruk khik caga rauk Covid-19 ka rup pabhap. Dom urang roh duah jeng oh ka mboh hagait karei di vaccine dalam roh duah ini. Pfizer brei thau caong khin dom jabat khik iek di Mỹ peih praong bruk klauk jru caga ruak Covid-19 ka uranaih umo meng 12 tal 15 thun dalam dom adit anak. Meyah hu mbaoh harak, bruk nan hu daong ka uranaih di Mỹ hu klauk jru caga ruak dahlau di tuk atme thun bac birau di akok bilan Thu thun ini.

Jit Covid-19 rah tabiak lac makna dang akaok ngak ka rilo menuac metai di Prang dalam thun 2020 glong di abih dalam 70 thun tapa, tapen di  jit cúm mùa yaok thun song langik pandiak.Tui Viện yaok pataom roh duah kinh tế pakat negar Prang brei thau bahrau ni, negar ni hu urang metai dalam thun 2020 glong di abih meng labaih 70 thun tapa. Tui dom yaok pataom, dalam thun 2020, Prang hu 668 ribau urang metai kayua tong abih dom makna, glong jang 55 ribau 500 urang dut song thun 2019, samu song tanut tagok labaih 9,1%. Bruk metai di urang likei glong jang urang kamei, song abih di nyu nan lac di dom urang  labaih 70 thun.

Rajaei Ô-xtrây-li-a harei kabroi brei thau meda buh tabiak 1 tỷ đôla Ô-xtrây-li-a ka danak dak ngak tabiak tên lửa ba jalan yau sa binah di paok jien biak praong ralo dalm 10 thun ka bruk quốc phòng saong công nghiệp quốc phòng. Dom tên lửa ba jalan ngak tabiak dalam taneh ia meda pabak ka gilang công nghệ vũ khí urak ini di Ô-xtrây-li-a./.

Urang lang: Hanipha- Ái Nghiêm -1/4