Jru Vacxin hu klauk mbang camereip ka urang likei di học viện quân y Hà Nội

Di mbang klauk vaccine Covid-19 camereip dalam mbang ka 1 ka urang halan hatian rah tabiak di Học viện Quân y (Hà Nội) mesup ini oh mboh hagait karei ngan saong 3 urang hu mbaok tame klauk iek. Tapa nan mboh lac siam mekre, brei mboh Việt Nam meda ngak hu vaccine dalam taneh ia piah pacang veik jit praong Covid-19. Cục ilamu Công nghệ saong pato pakai, mintri Y tế hu padang 3 kapul pasang iek piah khik kajap bruk ngak njauk tui jalan roh duah, ngak iek, duah mboh, samar langyah meyah mboh hu dom bruk oh lagaih rah tabiak, khik salamat ka urang klauk iek vaccine Nanocovax.

Dah page ni, 262 talang liệt sĩ urang lin halain hatain, chuyên gia matei dalam mbang masuh metak di Campuchia hu ba nao dar tui adat di bol lin di mblang kubo liệt sĩ Hà Tiên, tỉnh Kiên Giang. Nan lac dom talang hu duah mboh, pataom mek di Campuchia dalam bilan thu thun 2019-2020. UBND Kiên Giang brei thau: tukvak tapa hu rilo kham marat dalam bruk pambuak gauk duah, pataom min jeng daok rilo talang liệt sĩ halain hatain, chuyên gia Việt Nam metai di Campuchia ka oh hu duah mboh.

Tui Sở LĐTB-XH TPHCM, labik ngak ndam metai di TP daok di quận Bình Tân hadei di jaik 4 thun padang ngak hu ngak salah blaoh, hu ba tame pandar meng harei 29/12, salih ka labik ngak ndam metai di TPHCM labik 25 Lê Quý Đôn, quận 3, piah plaih bruk gar jalan dalam ban saong khik hu siam mekre, salamat, haci hacih. Labik ngak ndam metai bahrau daok di Bình Tân praong labaih 12.700 m2, meda ngak hu rilo ndam dalam sa tukvak haong gauk saong ngak hu ndam metai pakat karja, ba mbuan lagaih ka gauk gar urang metai dalam tuk kuhria bruk ka urang metai. Abih tih yaom jien piah ngak lac 207 tỷ đồng.

Công an ban sit Cần Thơ bahrau ngak salah bruk pasang iek pabak panuac, payua Viện kiểm sát bhap bini ban sit ieu langyah tui hukum Nguyễn Văn Tuấn, Phó akaok UBND quận Bình Thuỷ dahlau dieh ka duas “ngak suan dom adat ka bruk khik ramik taneh riya”. Dalam tukvak ngak Phó akaok UBND quận Bình Thủy, ông Nguyễn Văn Tuấn hu mbaoh tangin tame dom harak brei adat salih bruk pandar taneh 33 mblang taneh oh lagaih haong quy hoạch, praong abih tih labaih 10.800 m2, yaom labaih 5,1 tỷ đồng. Gam tui di nan hu mbaoh tangin tame harak brei adat salih bruk pandar taneh oh njauk haong sarak di HĐND ngan haong 6 mblang taneh, praong jaik 4.000 m2, yaom labaih 4,8 tỷ đồng.

CA ban sit Phan Thiết, tỉnh Bình Thuận bahrau mboh saong cap mek  3 urang brei mesraiy mek laba trak, mek khik rilo siphau vak bruk brei mesraiy saong yaok ratuh blah ba-ar yaih khan ka bruk brei mesraiy jien. Nan lac Nguyễn Văn Minh (palei daok di tỉnh Quảng Ninh); Nguyễn Văn Bắc saong Vũ Ngọc Minh, palei daok di tỉnh Hải Dương; taong abih 3 urang nan daok gam daok di xã Tiến Thành, TP. Phan Thiết. Tapa duah thau, Nguyễn Văn Minh khan lac, hu brei ngak 7.000 blah ba-ar yaih khan brei brei mesraiy jien, blah pandar radaih ô tô nao loa prai angaok dom jalan dalam TP. Phan Thiết. Tal urak ini, hu 80 urang sraiy, yaom jien 400 triệu đồng, laba meng 8 - 25%. CA TP. Phan Thiết daok duah thau piah ngak brei cambaih laih bruk ngak suan adat hukum di dom urang ini.

Hội đồng bảo an Liên hợp quốc di akaok adit anak tal meda ginum biai chip ka Tây Sahara hadei di tuk Tổng thống Mỹ jaik padieh ngak, ong Donald Trump taduan bruk ngak po di Ma-rốc ngan haong labik daok meriak gauk piah salih mek bruk taneh ia ini pambuak talei rohim siam makre haong Ixraen. Tui dom urang ngoại giao, panuac di Tổng thống Đô-nan Trăm lac sa bruk klaak nao dom sarak meng lavik mai di Mỹ ngan haong bhum taneh Tây Sahara. Tổng thống Mỹ bahrau hu pilih ruah lac ong Joe Biden, urang meda salih ka ong Trumph meng harei 20/1 thun tal njauk dang anak bruk lac taduan halei oh bruk nan di Mỹ saong Ma-rốc ka Tây Sa-ha-ra.

Hàn Quốc harei ini hu ,menuac metai dalam harei kayua Covid-19 glaong di abih,mbaun ngak kan kandah tal bruk caga taong ruak di dom sang iek ruak, kan kandah tal prein dut iek di dom jabat y tế. Tui jabat pasang iek saong pacang caga jit ruak Hàn Quốc, dom urang njom ruak bahrau dalam harei 16/12 di taneh ia ini yam tapa tanut 1 rabau urang, tui nan abih tih urang ruak tagok labaih 46.400 urang, dalam nan hu labaih 630 urang metai. Bruk njam mbak Covid-19 mbang ka 3 di Hàn Quốc tamuh tabiak meng rilo labik dalam ban Seoul hu rilo menuac, ngak kan kandah tal bruk kham merat duah pacang di karja.

Indonesia meda klauk jru vaccine Covid-19 oh mek jien ka bhap bini hadei di tuk kuhri kuhria kadung jien kanja. Dahlau di nan, Indonesia hu taduan 1 triệu 2 rituh ribau mbang vaccine Sinovac camriep meng Trung Quốc.Dom pok jru patui di nan meda mai tal negar ni di puac bilan 12 atau akaok thun 2021. Indonesia lac negar hu taneh riya praong,kayua yau nan ye dom urang ngak gah y tế saong dom bác sĩ klauk jru njauk kham marat biak rilo piah nao tal taong abih labik dalam negar./.

Urang lang: Thu Thảo -Mousaphuong- 17/12- 19:00:00