Thủ tướng Rajaei Phạm Minh Chính ndom lac, sa dalam dom jalan ngak dalam tukvak anak tal lac jhul khang bruk peih ngak sumu, siam lagaih 3 Danak dak pakat negar

Di mbang nyaom ka 2 QH mbang 15, bruk bangsa saong bruk cak rok patagok kinh te-xa hoi bhum urang bangsa takik saong bhum ceik hu dom urang quoc hoi biak sangka. Thủ tướng Rajaei Phạm Minh Chính ndom lac, sa dalam dom jalan ngak dalam tukvak anak tal lac jhul khang bruk peih ngak sumu, siam lagaih 3 Danak dak pakat negar, dalam nan hu Danak dak pakat negar cak rok patagok kinh te - xa hoi bhum urang bangsa takik saong bhum ceik vaktu 2021-2030. Dalam tuk jit ruak Covid-19, cử tri pok meyaom Đảng saong Karja tacei pato dom pakat, dom gah, palei sangka, samar peih bruk daong ka urang bangsa takik, oh caik ka urang bangsa kurang mbang kayua jit ruak.

Harei jao giải Báo chí pakat negar mbang ka 15 thun 2020 rah tabiak di melam kabroi hu 9 giải A, 25 giải B, 45 giải C, 32 giải khuyến khích song sa giải đặc biệt. Mbang camereip hadei di 15 thun peih ngak, hu tác phẩm hu jao giải đặc biệt, nan lac phim tài liệu truyền hình: Việt Nam saman Hồ Chí Minh - Biên niên sử truyền hình (harak mbao Nhân Dân). Di harei jao giải, akaok negar Nguyễn Xuân Phúc batabiak bruk di báo chí dalam tuk va anak tal, dalam nan bruk pathau khan hu peih prong, njauk tuk vak hatai sahneng, jalan ngak ka bruk pacang caga jit dalam tuk vak bahrau.

Tui Mentri Y te, dự thảo tabiak yaom dut iek ruak birau, tui kuhria hu ba tame pandar meng harei 1/11 anak tal. Urak ini, yaom dut iek drah samar hu biak rilo yaom karei di gauk, hu labik mek yaom 350 đồngsa mbang test samar, hu labik mek yaom 83.000 đồng, pandap test samar pablei di labik pablei jru yaom 145.000 đồng sa pandap. Dut saong yaom urak ini di rilo sang iek ruak di karja bhian meng 200 ribau đồng tagok, yaom bahrau trun hu takik di abih lac meng 20%. Meyah yaom test njauk thầu lac 300.000 đồng/test, jien dut iek PCR lac 494.000 đồng sa mbang ka sa urang. Yaom jien ini meda trun daok meteh dut saong yaom pandar dahlau harei 1/7/2021.

TP.HCM hu 9 quận huyện dalam bhum hajao, meblah 41%; 12 labik bhum katam , meblah 55%; taeng quận Bình Tân dalam bhum kanjik. UBND TP brei thau , hadei di tuk brei thau tanut di jit, dom quận huyện iek tui nan piah peih dom dịch vụ, mbang menyum pak di labik, tui jalan ngak "siam mekre tal halei , peih pabah mbang tal nan" piah dak harei dak pasiam gah kinh tế, dong ka bhap bini duah hu jien. Bruk tong yaom tanu jit , TP.HCM hu peih ngak yaok adit.

Danak dak uan raok tuai damuai mai padeih padei di Bình Thuận birau hu Sở Ilamu - Pandih saong Du lịch tỉnh gam saong dom doanh nghiệp peih ngak di harei 24/10. Ini lac bruk ngak peih mbaok piah pasiam veik bruk dulich salamat dalam tukvak siam mekre birau. Dalam mbang peih ngak iek ini, Binh Thuan hu 3 labik papah ka urang ndih daok hu adat brei taduan tuai nan lac, Anantara Mũi Né, Centara Mirage Mũi Né saong Pandanus Resort ngan saong labaih 120 urang mai meng Ban raya.HCM.

  Urang ilamu ka ruak njom mbak dang akaok di Mỹ, Anthony Fauci brei thau, hu vaccine pacang COVID-19 ka uranaih meng 5 tal 11 thun meteh akaok bilan 11, tui kuhria rilo uranaih hu klauk ginup dahlau di tuk tamat thun bac. Jabat khik ramik pandap mbang song jru tavoa Mỹ dok pasang iek vaccine 2 mbang ka uranaih sit di hãng Pfizer và BioNTech. Meyah hu brei adat, hu 28 triệu uranaih di Mỹ ginup pren piah klauk vaccine pacang COVID-19.

Pasak Roh duah Dịch tễ học saong Vi sinh Negar ba tabiak panuac lac, brei khik mã QR kalauk jru vaccine Covid-19 di Nga mbiah tal tuk pacang hu jit ruak dalam bhap bini sumu 80%, khik brei pa-atah di gauk tani tanat meng urang hu klauk jru saong urang oh ka klauk jru. Bruk njom ruak Covid-19 di Nga daok jeng srau kadau kayua bruk klauk jru oh ka ginup saong urang oh ngak tui dom jalan pacang caga. Adit dahlau, urang njom ruak di negar ini tagok tal 15,5%.

Rajaei quân sự pal karja di Myanmar hu panuac sinya pambuak bruk rilo di abih tui jalan siam mekre salamad hu ASEAN brei tapa. Dahlau di nan dom ngoại trưởng ASEAN njauk gauk oh daa urang dang pal rajaei quân sự Myanmar lac Tướng Min Aung Hliang hu mbaok di nyaom biai pakat glong ASEAN 38 song 39. Quân đội Myanmar ndom lac rajaei urak ni lac njauk adat, saong brei thau veik jalan ngak 5 paka piah pasiam veik gah dân chủ bo urang hu khan brei thau blaoh.

Urang lang: Ai Nghiem – Hani Pha – 25/10 10:38:11 AM