Rilo urang hu ndom nyai tapak song urang jakar ban raya HCM 

Rajaei bahrau tabiak sarak 141 thun 2020 ka bruk pilihb ruah anek saih, SV bangsa takik, hu ba tabiak ngak tui meng 23/1/2021. Urang hu mbang tui sarak, lac: urang bangsa takik hu biak takik menuac, urang bangsa takik daok dalam bhum ngak mbang kan kandah, oh ka hu atau hu biak takik urang jakar, urang ngak bruk karja lac urang bangsa takik. Urang bac hu pilih ruah brei hu tukvak meng 5 thun tagok kuhria tal tukvak pilih ruah, daok dalam bhum biak kan kandah, hu amaik ame pajeng atau amaik ame raong daok di bhum ini, pabak hu dom tanut ka bruk pilih ruah, oh tapa 22 thun kuhria tal thun pilih ruah, hu ginup prein yava tui sarak urak ini.

Di mbang taom gaok cử tri di kapul urang HĐ bhap bini ban raya HCM di bier harei 15/12, urang dang akaok Sở Nội vụ ban raya brei thau: tui kuhria dalam adit ni, Ủy ban Thường vụ Quốc hội meda ba tabiak sarak ka bruk padang ngak ban Thủ Đức. Yaom lac daok labaih 1 bilan tra piah padang karja ban bahrau piah samu peih bruk pilih ruah urang ka Quốc hội saong HĐND dom pakat di harei 23/5/2021. Ngan saong taneh praong labaih 211 km2, ban Thủ Đức tui kuhria rik tame 1/3 abih tih pandap di ban raya HCM, samu 7% abih tih pandap di dalam taneh ia.

Meng ini tal puac bilan 2/2021,CSGT dalam negar brei patagok langyah bruk peih radaih suan hukum, pataom tame bruk menyum alak mbia saong jru phiel. Tui Cục CSGT,meng akaok thun tal ini, CSGT dalam negar hu mboh saong langyah labaih 3,2 mbang suan adat, phạt jaik 2.900 tỷ đồng,mek veik harak adat peih radaih di jaik 300.000 urang. Dalam nan hu 170.000 urang menyum alak mbia tuk peih radaih, 1.330 peih radaih dương tính haong jru phiel njauk langyah.

BHXH ban raya HCM saong BHXH dom quận, huyện bahrau payua harak gar likau langyah tui hukum 76 kapul ka bruk dauk đóng jien bảo hiểm. Dalam nan hu dom công ty suai abih yau ye Công ty CP jru tavao Pha No,Công ty CP padang ngak kong - Descon, Công ty CP langyah – palei salih -dịch vụ taneh riya Hoàng Quân...Hu 35/76 kapul hu ngak pasiam hadei di tuk payua harak gar likau langyah tui hukum ngan saong paok jien jaik 28 tỷ đồng; 59 kapul hu mayai haong jabat pasang iek saong 17 kapul daok brei ngak cambaih bruk. Tui BHXH ban raya HCM, kuhria tal urak ni jeng ka oh hu kapul halei njauk langyah tui hukum, dalam tuk nan rilo doanh nghiệp jeng daok plaik njaik, oh caik hatai tal bruk đóng bảo hiểm ka urang ngak bruk.

CA Bình Thuận bahrau họp báo brei thau ka bruk pametai menuac,blah mek drap ar di khu phố Song Thanh 1, ban sit Phan Rí Cửa, huyện Tuy Phong ngak brei menuac sia suh sah. Tapa 12 harei samar duah thau, dom trinh sát hu cap mek Lê Thanh Chanh (kumei, umo 48 thun, palei daok di Thừa Thiên - Huế) tuk daok nduac dauk dalam sa hotel di huyện Bình Chánh,TPHCM. Hu thau, mo Chanh nyu njin me-in mbia, mboh urang cuk ameh nan ye tamuh hatai hawa, pametai mek drap.Tuk cap mek, mboh hu sa mbaik to Chanh ba tui.Chanh khan lac kuhria harei hadei pametai mebnuac taduan tuai di hotel piah blah mek jien.

Sa mbang klauk jru praong abih piah pacang caga Covid-19 hu peih tabiak di taong abih dom bhum di negar Nga. Dahlau di nan, Tổng thống Nga Vladimir Putin hu tacei brei peih bruk klauk jru di grauk labik negar, dom urang hu klauk dahlau di abih lac dom urang mbuan njom mbak glaong yau ye gru pato, bác sĩ saong urang ngak bruk pahla. Pasak Gamaleya – labik ngak tabiak vaccine Sputnik-V brei thau, taong abih rahra negar Nga meda hu klauk jru pacang caga Covid-19 dalam thun 2021 saong jit praong meda trun khang. Tal urak ni, Nga mboh hu labaih 2 triệu 7 rituh ribau urang njom Covid-19, jaik 48.000 urang metai saong 2 triệu 1 rituh ribau urang thit ruak.

Sa Cty ngak pandap y tế hu jabat daok di Australia patagok hu jak jeng pandap dut iek Covid-19 biak siam, biak njauk saong brei thau bruk dut iek dalam 15 minit. Pandap nan yaom 40 đô la Australia, meda pandar di sang bo oh cang bác sỹ tacei pato. Cty Ellume brei thau, daok kuhria ngak 100.000 bộ dut iek yaok harei meng bilan 1 anak tal. Dalam meteh thun 2021,Cty meda pabak 20 triệu bộ dut iek ka darak pasar Mỹ.

Harei kabroi, Mỹ brei thau mbang camriep njom Covid-19 di anek athur raong tuk virus SARS-CoV-2 hu duah mboh di sa drei anek thuk gilai di bang Utah.Anek chồn hoang njom Covid-19 hu duah mboh dalam 1 danak dak pasang iek dịch tễ học di labik jaik sa var raong anek thuk hu urang njom SARS-CoV-2.Dahlau di nan,gah Y tế dunya brei thau virus SARS-CoV-2 hu duah mboh di anek thuk raong di 6 negar: Đan Mạch, Hà Lan, Tây Ban Nha, Thụy Điển, Italia saong Mỹ./.

Urang lang - Thu Thảo - Mousaphuong -16/12