Dom urang jakar pal akaok dok tuiu pang sarak pak di Nyaom biai 

Di Nyaom biai Trung ương 14, Ban Chấp hành Trung ương Đảng hu tabiak bruk iew pataom Nyaom roya mbang XIII meng harei 25-1-2021 tal harei 2-2-2021 di ban ine Hà Nội.Brei panuac di var tamat Nyaom biai mbang ka 14, Tổng bí thư, Akok negar Nguyễn Phú Trọng ndom lac: Trung ương njauk guak mboh lac bruk caga dom harak gar pok tagok Nyaom roya XIII di Đảng hu salah blaoh njauk tui bruk bruk ba tabiak.Ban Chấp hành trung ương jeng hu ginum biai dân chủ, tani tanat, buh phiếu brei mboh bruk njauk hatai glaong ka urang tame ngak dalam Mentri Chính trị,Ban Bí thư mbang XII, dalam nan hu gam urang ngak bruk di Mentri Chính trị,Ban Bí thư mbang XII palih ruah tame veik saong urang ngak bruk mbang camereip di Mentri Chính trị,Ban Bí thư.

Harei 23-12, Cục Khik ramik sron mbon (Mintri Quốc phòng) pambuak bruk song sang iek ruak Quân y 175 peih pato pasram ngak iek dom bruk sang iek ruak dã chiến pakat 2 ka 3 hu mbaok tame bruk khik ramik sron mbon di Liên Hiệp Quốc di  Cộng hòa Nam Sudan.Ni hu mong lac bruk kuhria caga prong ka yaok janih, dalam nan hu ilamu ngak bruk, pan akaok, khik ramik, bruk chuyên môn di sang iek ruak dã chiến dahlau di tuk tagok jalan hu mboak tame khik ramik sron mbon salamad ka dunya di Cộng hòa Nam Sudan.

“Meyah oh hu hagait salih karei ye mbiah tal puac quý I/2021, khol drei meda ngak hu vaccin jit tả pabui châu Phi”. Nan lac panuac brei thau di urang lambaok Công ty Cổ phần thuốc Thú y Trung ương (Navetco), bo daok hu Thứ trưởng Mentri Ngak nong saong patagok palei Phùng Đức Tiến brei thau dalam tuk mai rivang saong ngak bruk haong Công ty Navetco di Akok Mentri Ngak nong saong patagok palei Nguyễn Xuân Cường birau ini. Dalam 10 thun tapa,  Cty roh duah saong patagok hu rilo janih vaccin, pandap sinh học saong jru thú y hu asar siam pabak sumu bruk pacang caga ruak di taneh ia.

Mblang kapan haoh dunya Tân Sơn Nhất, Nội Bài,Đà Nẵng bahrau taduan hu harak chứng chỉ khik kajap hacih saat  dịch tễ pacang caga g COVID-19 kayua Gah Hội đồng mblang kapan haoh dunya  (ACI) pok brei. Tapa nan brei mboh bruk khik kajap siam mekre salamat song bruk pacang caga jit COVID - 19 di mblang kapan haoh . Dom kadha hu ACI tong yaom lac bruk ngak hacih saat song pametai anek ruak, dom bruk brei paatah di gauk, danak dak khik caga pren yava di urang ngak, bruk taom gaok song tuai damuai,pandap khik caga brei ka tuai damuai.

Dalam chreih chrai bui mbai salam uan Noel 2020, bhap bini katolit  gauk labik dalam tỉnh Nghệ An hu pandang ngak  rilo danak dak biak ghieh, brei mboh bruk hadah krah, gheih tangin ngak piah ba mai sa bilan Noel salamat, bui sambai saong rilo siam mekre. Mikva công giáo di giáo xứ Bố Sơn, xã Nghi Vạn, huyện Nghi Lộc (Nghệ An) ngak eng phun thông Noel glong jaik 21m, meng labiah 1.000 ndon pagam gauk veik saong labaih 1.000 baoh gom haong baoh cầu sit. Phun thông Noel biak gheih nan pachreih hu biak rilo bhap bini mai maong iek, thaot binguk ngak brei bruk uan raok Noel hu chreih chrai , bui sambai jang.

Hadei di sa tuk vak atah kandang joa, Thái Lan dok dang anak  bruk njom mbak khang di jit prong  Covid-19 tuk  22 tỉnh di negar ni hu urang dương tính. Panuac meng cục pasang iek jit ruak Thái Lan harei 23/12 brei thau, hu 46 urang ruak njom dalam bhap bini. Tong abih urang ruak hu pagam tal labik pandiak Samut Sakhon.Dahlau di nan dalam,2 harei 21 song 22/12 hu labaih 1000 urang ngak lac urang negar lingiu dương tính song Covid-19 kuhria taeng di tỉnh Sa-mụt Sa-khôn.

Kuhria mbiah tal harei 23/12, Mỹ hu klauk jru vaccine caga ruak Covid-19 ka labaih 1 triệu urang.Yau nan min, taneh ia ini meda oh ngak hu bruk daok pamaong tal lac klauk hu 20 trieu mbang dahlau di tuk tame thun birau.Tui urang ilamu gah dịch tễ học dang kaok di Mỹ Anthony Fauci, meyah bruk klauk jru vaccine rah tabiak dalam mbuan lagaih, taneh ia ini hu siam mekre veik yau tuk oh hu jit ruak di bilan hè thun hadei.

Noel song thun bahrau lac tuk piah ka dom doanh nghiệp meda pasiam  binah halei bruk pablei salih. Min,bruk daong cang maong nan nyu tayah nao tuk daok peih dom bruk patakik nao mai. Tui pasang iek bahrau ni di công ty pasang iek drak pasa NPD Group (Pháp), drak pasa pandap main Noel thun ni di negar ni oh mek tame hu labaih  770 triệu EUR.Hu thau,piah caga ka harei Noel song Tết Dương lịch, urang blei pandar di Prang blei abih tih  81 triệu pandap main (dalam jiak 2 bilan) piah ngak pandap alin hadaih puac thun.Jien mek tame meng pablei pandap main harei Noel hu labaih 1,7 tỷ EUR./.

Urang lang: Hanipha- Bhumi - 19:00:00