Rilo bruk main samnbai hu peih di grauk bhum palei hu urang Khmer 

Di tuk tame thun bahrau Chôl Chnăm Thmây thun 2021 di urang Khmer, Thủ tướng Rajaei Phạm Minh Chính hu payua Thư tadhau ayuh tal bhap bini saong dom ong bhik, dom acar bangsa Khmer. Lambaok urang pan akaok Đảng haong karja, Thủ tướng payua panuac salam, panuac tadhau ayuh siam mekre di abih tal bhap bini saong dom ong bhik, dom acar Khmer. Thủ tướng Phạm Minh Chính jia lac meng kham merat di dom pakat, dom gah saong bhap bini dalam bruk pacang caga COVID-19, bhap bini Khmer hu mbang Tết Chôl Chnăm Thmây dalam bui sambai, siam mekre, bak ilamu meng kan di drei. Gam haong nan, daok, patagok bruk anit ranam taeh ia, jum pataom gauk, kham merat bac megru, paglaong ilamu pakhang rup pabhap, tari taring ngak mbang, mek hu rilo jak jeng praong, gam haong taneh ia ngak brei jayah dom bruk patagok KTXH hu ba tbaiak blaoh.

Dom harei tapa, tuk Tết Chôl Chnam Thmay, Tỉnh ủy, HĐND, UBND, UBMT negar VN tỉnh Vĩnh Long peih dom kapul  nao rivang song brei pandap ka tong abih dom baha  Khmer dalam tỉnh. Di dom labik mai rivang, urang pal akaok tỉnh Vĩnh Long jeng pathau khan bruk peih ngak sarak bangsa di dom pakat karja pak ni, jang yau tadhau yhut mik va, ong bhik acha Khmer dalam tỉnh uan raok thun bahrau  siam mekre bui sambai song patak pataom.Langiu di bruk  nao rivang song brei pandap panda mbang tết,  Vĩnh Long dok peih bruk taom mbaok dom ong bhik acha song mban khik ramik  dom baha Phật giáo Nam tông Khmer, urang jakar, urang ngak lac urang bangsa  Khmer dok ngak bruk di dom  sở, dom mban, dom gah  di tỉnh tuk Tết Chol Chnam Thmay.

Harei 14/4, ong Trần Thanh Mẫn – UV Mintri Chính trị, Phaok CT  thường trực QH, hu nao pasang iek bruk kuhria caga ka bầu cử di Tiền Giang haong Long An. Tal urak ini, Tiền Giang haong Long An jeng peih ngak siam bruk kuhria caga tui njauk tacei pato, njauk tukvak saong jalan ba tabiak. Dua tỉnh ini hu ngak salah bruk padang dom Tổ bầu cử. Bruk mek panuac cử tri ngan saong dom urang tabiak ứng cử hu ngak biak siam. Phaok akaok QH Trần Thanh Mẫn hu panuac kakei dom tỉnh ini jhul samar bruk pathau khan, paglaong hatai sahneng di bhap bini ka yaom glaong di bruk bầu cử, quyền saong bruk di cử tri; ba mbuan lagaih di abih piah ka bhap bini hu nao pilih ruah.

Mesup  15-4, Việt Nam hu 4 urang njom Covid-19 bahrau. Dom urang ruak ni mai meng Japon tame mblang kapan haoh  Cam Ranh song hu brei dok karei chip di  Kiên Giang song Khánh Hòa.

Di sang iek ruak Nhi đồng ban sit Cần Thơ, tukvak jaik di ini, urang ruak di bhum taneran kraong CL njauk ruak tangin, takai, cambuai njauk tame sang iekdaok tagok samar saong karei jang yaok thun. Dalam 3 bilan akaok thun 2021, sang iek ruak hu 629 urang tame ndih iek ruak, 2.990 urang mai iek ruak blaoh mek jru nao sang menyum, tagok rilo jang 3 mbang duk saong tukvak ini thun blaoh. Dalam nan, rilo janih virus ba tal ruak bahrau ngak ka dom urang ruak oh mboh hagaitlac ruak, nan ye oh caik hatai sangka, ba tal ruak trak, ngak kan kandah dalam tuk iek ruak.

Tổng thống Joe Biden bahrau batabiak bruk ba bol bala  Mỹ tabiak truh Afghanistan, padeih veik sa bruk mesruh atah di abih di negar  Mỹ dalam harei pahadar mbang ka 20 harei rah tabiak bruk khủng bố 11 bilan 9. Tổng thống Biden ndom lac: “Mỹ hu ba bol bala tabiak puac di abih dalam harei  01 bilan 5 thun ni. Khol hulin oh peih ngak samar , bo ngak bruk nan ka nyu lagaih, tani tanat song siam mekre ”. Meyah vaktu ba bol bala di Tổng thống Biden hu ngak njauk, nyu kreih veik bruk mesruh atah di abih dalam dak rai negar  Mỹ, ngak ka labaih  2.400 urang lin metai song tui kuhria khat lahik tagok tal  2 ribau tỷ đô-la

Đan Mạch harei ini jeng taneh ia camereip di abih brei padeih pandar vắc xin Covid-19 di AstraZeneca piah klauk caga di taneh ia ini. Dahlau di nan, bruk klauk meng vắc xin của AstraZeneca njauk gah  y tế Đan Mạch brei padeih meng harei 11 bilan 3 hadei di tuk mboh hu dom urang khal darah biak trak, dalam nan hu sa urang metai. Lingiu Đan Mạch, dom taneh ia châu Âu jeng brei padeih pandar vắc xin AstraZenka. Min rilo taneh ia brei pandar veik vắc xin ini hadei di tuk Jabat jru tavao châu Âu (EMA) ba tabiak panuac lac siam. Tui EMA, bruk khal drah hadei di tuk klauk lac sa bruk biak kan mboh

Melam 14/4, Rajaei Campuchia tabiak bruk pacang cakak  ban ine Phnom Penh song ban Ta Kh_mau ( Ta khmao) tỉnh Kan Dal piah pacang cakak jit Covid-19. Bruk nan hu batabiak tui tacei pato di  Thủ tướng Hun Sen kayua jit ruak di Campuchia, abih di nyu nan lac di ban ine  Phnom Penh dak harei dak rilo song njom mbak khang. Bruk pacang cakak lac meng  0tuk  harei 15/2 tal abih harei 28/4/2021./.  

Urang lang: Hanipha- Mousaphuong -15/4