Bhum palei Đồng Nai labik hu rilo bhap bini tui agama công giáo 

Di tuk uan Noel thun 2020, muk Trương Thị Mai - ủy viên Mentri Chính trị, akok mBan Dân vận trung ương saong kapol rajakar mai rivang, tadhau ayuh Tòa giám mục Giáo phận Xuân Lộc, Ban Long Khánh,  tỉnh Đồng Nai. Lambaok Đảng, Karja, Ủy ban MT negar Việt Nam, muk Trương Thị Mai payua panuac tadhau ayuh  siam mekre di abih tal Giám mục Tòa giáo phận Xuân Lộc Đinh Đức Đạo, dom urang ngak bruk agama, tu sĩ saong bhap bini công giáo hu sa bilan Giáng sinh salamat, haniem siam. Tui akok Ban Dân vận trung ương, tukvak tapa, mikva urang công giáo ala tacei ba di dom urang ngak bruk agama hu ngak siam bruk tacei pato di karja. Đồng Nai lac bhum palei pacang caga Covid-19 biak siam, yaom lac hu kan kandah min oh ralo, khik hu salamat raidiuk ka bhap bini.

Di nyaom biai tapak patagok bruk pacang caga jit ruak Covid-19 rah tabiak harei kabroi di Hà Nội, Akaok mintr Y tế Nguyễn Thanh Long suh sah ka bruk biến chủng di virus SARS CoV2 ba tal  ruak Covid-19 humboh di Anh dalam tuk vak meng bloh.Tui akaok mintri Y tế Nguyễn Thanh Long, bruk biến chủng di  virus ba tal ruak Covid-19 di negar Anh meda tagok tanut njom mbak di jit ruak ni  tal  70%.Dahlau deih di negar drei hu bruk biến chủng di virus ruak Covid-19 di sruh jit  Đà Nẵng, song bruk njom mbak oh khang yau  biến chủng di  virus di Anh, min tuk nan Việt Nam njauk pacang cakak biak glaih glar.Kayua yau nan ye bruk pacang caga  virus biến chủng njom tame lac bruk njauk ngak chip.

Hadei di jaik 1 bilan tui iek, harei 22/12, Cục cảnh sát môi trường di Mentri Công an pambuak saong Jabat cảnh sát Môi trường di Công an Ban raya Hồ Chí Minh,Cục pacang buôn lậu,Tổng cục hải quan,Chi cục Hải quan pabah mbang mblang kapal haok dunya Tân Sơn Nhất pasang iek dua lô pandap medil lac take tê giác trak labaih 90kg.Tapa duah thau tuk camereip, jabat chức năng mboh  lac dom takaiy tê giác nan hu pajeng meng châu Phi mai tapa Việt Nam piah ba nao tal dom taneh ia dalam bhum Đông Nam Á saong châu Á.Tui kuhria,yaom darak pasar langiu, pandap nan labaih 40 tỉ đồng.

Melam  23/12,Sở Ilamu song Thể thao ban  Đà Nẵng peih danak dak nghệ thuật negar langui “Salam uan thun bahrau 2021- Amazing Night”.Ni lac danak dak dok dala dom bruk ngak uan raok thun bahrau  2021,peih pabah mbang brei ka bhap bini song tuai damuai tame iek saoh.Di danak dak,labaih 20 kadha parang tabiak, meng jack hiện đại, tamia Ấn Độ,jack Flashmob tui Japon, Parang me-in tamia pui di dom nghệ sĩ Philippines,parang main di dom mban nhạc negar langui dom kadha doh Giáng sinh, salam uan thun bahrau.Thun ni,danak dak hu mbaok  di mban nhạc Bức Tường song dom kadha doh rock chreih chrai, bhian randap di rilo urang ranaih umo.

Bộ duah pataom pandap Giáng sinh meng kanduh baoh manuk biak mekre kayua gru pato bac padeih hưu Nguyễn Thành Tâm umo 70 thun, daok di quận Gò Vấp, Ban raya Hồ Chí Minh ngak tabiak. Thaok binguk njauk caik hatai di abih dalam bộ pandap Giáng sinh nan lac thaot binguk ong taha Noel ndik sa sruh radaih nao angaok ia khan hu ngak meng kanduk baoh ada kangan, gah anak hu 2 drei tuần lộc katung radaih hu ngak meng nduk baoh cim vak.Abih di nyu nan lac,thaot binguk ong taha Noel cuh pataik pacang pabah idung brei mboh bilan jit ruak  Covid-19.

  Anh hu mboh gac sa biến thể bahrau di virsu Sars CoV-2 dalam dom urang taom gaok song  urang ruak mai meng Nam Phi. Ni lac panuac batabiak harei kabroi di akaok mintr Y tế Anh Matt Hancock dalam tuk vak negar ni dok glaih glar pacang cakak biển thể virus Sars CoV-2 mbuan si njom mbak glong.Tui akaok mintri  Mát Han-cốc, biến thể meng  Nam Phi lac biak caik hatai sangka kayua nyu mbuan si njom jang song đột biến glong jang dut song biến thể bahrau duah mboh di Anh. Rajaei Anh dok saheng kuhria ba tabiak jalan ngak catang meng harei 26/12 meyah biến thể bahra njom mbak tapa dom bhum karei  song dom urang njom Covid-19 daok tagok rilo.

Takik di nyu 21 urang njauk rambuac dalam mbang patuh di page harei 23/12 di sa jabat di ban Baltimore thuộc bang Maryland, Mỹ. 23 urang hu daong saong 21 urang hu ba tame sang iek ruak. Oh hu thei metai dalam mbang patuh nan. Dom urang njauk bala lac dom urang ngak daok ngak bruk uak camin sang glaong rilo tal saong gal tavak di sang glaong rilo tal labaih 30 minit dahlau di tuk hu daong ba tabiak. Urak ini, bruk patuh nan daok hu duah thau kayua halei.

Harei 23/12,Ong taha Noel Santa Claus song dom drei tuần lộc tabiak meng sang di drei di bhum Bắc cực, peih bruk nduac vil val dunya song jao brei pandap Giáng sinh ka dom adei sit.Ni jeng lac thaot binguk hu cong mong di abih dalam thun di dunya.Brei panuac pak di sang drei,dalam pui hadah,khan aow meriak bhong bhian randap song bilau kan atah patih,ong taha Noel hu sa kadha biak krei ndung bak makna payua bhap bini di dunya.Oh lac dom panuac taduan yhut Giáng sinh haniem phol siam mekre, bo dok lac panuac taduan yhut ka bruk salamad khang kajap song pambuak gauk./.

Urang lang: Hanipha- Bhumi -24/12