Urang Cham ngak bruk kinh te pak di puk palei drei

Dom thun tapa, meng hatai anit ranam rahra saong meng angan je di drei, ong Haji Jacky, akaok mban lambaok urang Islam tỉnh An Giang tuk halei jeng kham merat pathau khan, jak ba bhap bini bangsa Cam ngak njauk, ngak siam dom sarak, jalan ba di Đảng, adat, hukum di Karja; rik daong praong tame bruk peih ngak, jak ba “Abih rahra jum pataom dak padang raidiuk ilamu”, bruk padang ngak palei pala bahrau dalam puk palei.

Tui ong Haji Jacky, urang bangsa Cam di An Giang urak ini hu labaih 17.000 menuac, taong abih jeng tui agama Islam, daok pataom gauk vil val 12 sang megik, 16 surao di 9 puk, palei dalam ban sit Tân Châu saong 4 huyện An Phú, Châu Phú, Châu Thành, Phú Tân. Bruk ngak mbang di mikva rilo meng lac menyim khan bai, jhik, pứt, raong glang saong pablei salih sit sot. 

Tui jalan diukrai “siam ka dunya, mekre ka agama”, bhap bini urang Cam An Giang tuk halei jeng pachreih tui dom bruk kayua dom pakat ủy đảng, karja palei ba tabiak saong peih ngak. mBan lambaok bhap bini tuk halei jeng kham merat, patagok siam bruk pambuak talei rohim di urang Cam haong pakat ủy đảng, karja, caik hatai tui pang hatai caong di mikva, samar pasang iek, langyah dom bruk, dom kadha oh ka lagaih.

Ong Haji Jacky brei thau: “Kol dahlak hulin jia lac, meng bruk sagka di Đảng, Karja haong dom gah, dom pakat di tỉnh yau urak ini, oh suai lavik, mikva urang bangsa Cam di An Giang meda tagok biak glaong di abih gah”.

Gam haong bruk sangka jak ba mikva ngak mbang duah jien, ong Haji Jacky daok kham merat jak ba mikva urang Cam thau khik ramik saong patagok dom yaom glaong ilamu siam mekre di bangsa saong agama. Kham merat peih ngak, jhul khang dom bruk jak ba Bhap bini tame bruk dak padang jalan diukrai bahrau pambuak haong bruk “Abih rahra jum pataom dak padang raidiuk ilamu di pok palei”, “ Baoh sang Islam ilamu, palahik bruk mê tín dị đoan, bruk kanjah jhak dalam raidiuk./. 

Urang lang: Mousaphuong- 15/11