Hadei jit Covid-19, DN taneh riya di TPHCM salih jalan ngak pasiam veik

Tui pathau khan di Mentri Xây dựng ka bruk sang daok saong darak pasar taneh riya quý 1 thun 2020, dom sang danaok saong taneh riya bahrau pablei hu jaik 14% dut saong dom sang danaok taneh riya daok hu di darak pasar, biar di abih dalam 4 thun tapa saong bahrau sumu 40% dut saong tukvak ini thun 2019. Di Ban raya HCM, dalam quý 1 thun ini, bruk pablei salih sang danaok trun labaih 70%, jien mek tame  trun 80%.

  Muk Nguyễn Hương, Tong Yam ndoc Công ty cổ phần sang danaok taneh riya Đại Phúc Land brei thau: kayua jit ruak, doanh nghiệp ini brei ramik veik bruk ngak mbang pablei salih piah dui pachreih bruk sangka di tuai damuai khin blei sang daok atau khin buh jien tame ngak mbang. Đại Phúc Land palih ruah brei patagok parabha tui sang daok ka urang blei piah daok, gam saong dom sarak bayar jien mbuan, lagaih: “Hadei di jit ruak praong, khol dahlak brei ngak tui sarak bayar lagaih jang. Nan lac urang blei bayar dahlau 30%, hadei di tuk mek hu sang 24 bilan ye bayar abih yaom jien daok veik. Ini lac jalan langyah gah jien padai biak siam, tapa nan, khol dahlak mboh tagok hu bruk pablei salih di puac bilan 4, akaok bilan 5 meng blaoh.” 

  Ong Bui Ngọc Đức, Yam ndoc điều hành Tập đoàn Đất Xanh brei thau: salih ka bruk pablei taneh riya, sang daok tapa dom nyaom biai praong, pataom rilo manuac ye urak ini doanh nghiep ini sangka patagok gah cong nghe. Tuai damuai saong urang pablei salih hu pambuak bruk rilo jang tapa dom jalan ngak di phần mềm: “Meng cong nghe ini langyah hu meneing dom bruk caong khin, mbuan lagaih duah tuai blei. Tapa nan, hu samar drah jang, palagaih ka tuai damuai taom gaok haong kol dahlak drah samar saong mbuan lagiah jang”.

  Ong Lê Hoàng Châu, Chủ tịch HoREA brei thau: darak pasar daok kandang joa yau urak ini lac tuk caik ka doanh nghiep gah sang danaok taneh riya rami ramik veik bruk ngak tui jalan siam, lagaih, sangka patagok sang daok mbiah haong kadung jien, pabak hatai caong khin di ralo rahra.

  Piah palagaih ka doanh nghiep sang danaok taneh riya pasiam veik hadei di jit ruak Covid-19, ong Châu hu panuac caong khin jabat bảo hiểm brei kadun veik tukvak kak jien BHXH ka doanh nghiep meng bilan 3 tal bilan 6 thun 2020. Gilang Karja brei pasang iek, tacei pato dom gilang pariak pablei salih kadun tukvak bayar jien laba ngan saong sre dalam 3 bilan yau angaok nan. Bruk ngak harak thủ tục piah padang ngak ngan saong dom danak dak sang daok hu taneh hỗn hợp jeng brei langyah samar jang: “Yau TPHCM hu 126 danak dak daok tavak kayua bruk ngak harak gal, yau nan ye brei padeih piah langyah hồ sơ di doanh nghiep dalam tukvak  meng blaoh. Khol dahlak jeng caong khin Rajaei tacei pato brei lang talaih dom kan kandah ngan saong dom taneh kayua Karja khik iek, daok pablak tame taneh dự án di doanh nghiep.”

Gah jabat khik iek, ong Lê Trần Kiên, Phaok Yam ndoc Sở Xây dựng TPHCM mboh lac:Langiu di bruk gaok kan kandah kayua jit Covid-19, sa dalam dom bruk ba tal trun takik sang daok, taneh riya di ban raya nan kayua doanh nghiệp tavak gah harak gar tui hukum: “Dom quy định di hukum tukvak ini mboh kateik angaok gauk, ba tal bruk brei ngak bruk ini dahlau, bruk diah hadei. Jabat khik iek di Karja  dalam tuk peih ngak, pasang iek harak thủ tục hành chính jeng mboh bruk tavak tavaiy nan. Urak ini, oh lac tavak tame tukvak bo tavak tame bruk halei ngak dahlau, bruk halei ngak hadei.”

Birau ini, UB bhap bini Ban raya HCM hu tacei pato dom sở, gah chuyen mon duah jalan lang talaih dom tavak tavaiy di dom doanh nghiep gah sang danaok taneh riya, pataom tame bruk peih ngak danak dak, salih bruk pandar taneh saong buh jien tame padang ngak. Urak ini, Ban raya lang talaih hu 30 danak dak gaok kan kandah, palagiah ka doanh nghiep peih ngak veik hadei di jit Covid-19.

Daok gah doanh nghiep, tukvak kan kandah kayua jit ruak jeng hu maong lac mbang “ hlang” darak pasar sang danaok taneh riya. Dom daonh nghiệp ngak mbang biak bai, hu angan je saong samar darah meda daok veik saong cak rok patagok. Dom doanh  nghiep njauk eng drei pakhang gah chuyen mon, buh jien tame bruk ngak mbang pablei salih suai lavik tui njauk hukum./.

  Urang lang: Aí Nghiêm - 12/6/2020