Thaok binguk gah bruk jhik menyim

Ong Trần Thành Trọng, Tổng Yam ndoc Cty CP Sáng Ban Mai di ban sit Bến Cát, tỉnh Bình Dương brei thau, yau dom doanh nghiep karei di tỉnh Binh Duong, ong biak bui sambai tuk Quoc hoi brei tapa Hiệp định pablei salih tự do Việt Nam –Châu Âu saong  Hiệp định khik caga đầu tư: “Ndem ka gah blei pandap meng negar lingiu tame, khol dahlak caong lac tuk hiep ndinh ini hu ba tame pandar ye dom doanh nghiep Viet Nam hu lagaih  piah taduan hu cong nghe saong thiết bị di Châu Âu ngan saong yaom lap jang urak ini. Yau ye, jien kak je pandap blei tame trun jang dut saong jien je urak ini piah doanh nghiep mbuan taom gaok. Langiu di nan, doanh nghiệp hu pandap pablei tapa EU hu jalan lagaih piah pablei tabiak negar langiu rilo jang.”

Tui  ong Tim Evans, Akok Hội đồng quản trị di Kapol jien ndo HSBC Viet Nam, EU urak ini lac darak pasar pablei pandap tapa ralo dang dhi dua di Viet Nam. Hiệp định EVFTA hu ba tame pandar jeng hu makna lac bruk cakak klak 99% je thuế quan di pandap panda hu peih tabiak ngak. Dua angok klau jien je pandap meng EU meda klak chip hadei di tuk Hiệp định hu pandar, dalam tuk nan labaih 71% jien je pandap Viet Nam pablei tapa châu Âu hu cakak klak chip, daok veik hadom hu ba tame ngak tui meng 7 tal 10 thun.

Kayua yau nan ye, kein laba bo EVFTA ba mai ka bruk patagok kinh tế di Viet Nam lac biak praong, meda rik 0,1% tame bruk patagok GDP yaok thun. Dalam nan, jhik menyim saong kalik takhaoh nan lac dom gah hu mbang tui rilo di abih, kayua jien je di dom gah ini dahlau di tuk hiep ndinh hu ba tame pandar nan glong di abih.

Lac doanh nghiep bhian ngak tabiak pandap pablei ka darak pasar EU, ong Trần Văn Dũng, Tong Yam ndoc Cty CP ngak tabiak pandap meng kaya ikan dalam ia (Baseafood) tỉnh Bà Rịa – Vũng Tàu khan lac, Hiệp định EVFTA brei tapa hu ba mai rilo kein laba ka doanh nghiep dalam taneh ia, abih di nyu lac jien je pandap blei tame darak pasar EU: “Hiệp định hu brei tapa ye jien je pandap blei tame Châu Âu trun, drei meda pablei hu rilo pandap jang. Ka dua, yaom kaom meda meyai saong gah blei pandap pasang iek tagok yaom. Yau ye, dahlau diah blei nguyen lieu oh hu, jien ngak tabiak pandap rilo…khin tagok yaom ye oh hu, yau nan ye urang blei di darak pasar EU trun. Mbang ini, dahlau abih lac dom janih pandap mbang menyum, kaya nong, kaya ikan.”

Ong Nguyễn Chánh Phương, Phaok akaok Hội Mỹ nghệ saong ngak tabiak pandap meng kayau Ban raya HCM khan lac: Oh lac pabei pandap tabiak negar langiu bo tuk blei tame, doanh nghiep Viet Nam jeng hu mbuan blei nguyen lieu siam piah ngak kayau meng Châu Âu, yaom lap jangkayua jien je pandap blei tame trun lap. Meng nan, asar pandap ngak meng kayau di Viet Nam hu tagok. Doanh nghiep daok hu mbuan salih dom labik pabak pandap piah ngak, oh daok lac tha darak pasar Trung Quốc piah blei yau dahlau daih: “Dom pandap tamo siam piah ngak hu blei meng Châu Âu, dahlau daih kak je glong, bhian meng 10 tal 25% ye urak ini hu trun. Yaom lac,  Hiệp định EVFTA ye bruk trun je pandap blei meng negar langiu tame  di Viet Nam suai jang dom taneh ia Châu Âu, min drei brei roh duah piah plaih njauk kateik greik saong taduan hu kein lagaih  ini piah blei hu nguyen lieu, phụ kiện siam, yaom lap kayua trun jien je.”

  Dom Hiệp định: EVFTA, EVIPA brei tapa hu peih tabiak rilo jalan lagiah ka doanh nghiep Viet Nam cak rok patagok, abih di nyu lac jhul khang bruk pablei tabiak Châu Âu, min tui nan jeng hu ralo kan kandah. Piah pambak tame siam dom kein lagaih nan, doanh nghiep njauk duah thau cambaic laic dom quy đinh tui yaok gah ngak tabiak pandap, paglong asar siam di pandap saong dịch vụ pabak pandap panda piah pabak hatai caong di darak pasar dom taneh ia cak rok patagok./.

Urang lang: Aí Nghiêm  11/6/2020