-Pathau mikva saong grauk yut! Pachreih tui bruk jak ba “urang Việt Nam dahlau di abih njauk pandar pandap Việt Nam”, dom doanh nghiệp tỉnh Ninh Thuận ndom lac hu buh jien tame salih barau dây chuyền công nghệ ngak pandap, rilo mẫu mã, abih di nyu nan lac paglaong chất lượng pandap pabak hatai caong di urang blei, padang angan pandap Việt di puk palei. Kadha vak di Khánh Vinh saong Thành Nhân urang pambuak bruk saong rayo sap ndom VN brei thau ka dom kham merat salih barau piah paglaong angan pandap Việt :

-Saai Nguyễn Thị Ngọ, po cửa hàng tạp hóa Đức Ngọ, tỉnh Ninh Thuận ka bruk pablei salih pandap Việt Nam chất lượng glaong khan lac: Dahlak pablei pandap di labik ini dom pluh thun, dahlau diah dahlak pablei di darak klak, dahlak barau salih tagok darak barau hu 6 bilan ini paje. Dahlak pablei abih pandap lac pandap Việt Nam, dahlak oh pablei pandap lậu, dom janih pandap lậu urang huac lac pandap Trung Quốc nan ye urang oh pandar.

-Oh ta-eng hagait cửa hàng di saai Ngọ, bo tapa pasang iek darak pasar mboh lac, jaik abih dom darak, siêu thị, quầy bách hóa tổng hợp, doanh nghiệp praong dalam tỉnh Ninh Thuận jeng parang pablei rilo meng lac pandap Việt Nam. Dom pandap Việt dalam bruk pandar di urang bhapbini meblah labaih 80% saong jeng janih pandap pablei salih, pandap piah pandar, piah ngak mbang ngak huak yaok harei di urang bhapbini. Gam saong nan, bruk hu rilo mẫu mã, kadung pandap kayua doanh nghiệp ngak tabiak gheih mekre saong mbuan pandar nyu pachreih rilo urang blei pandap Việt.

-Piah ka urang bhapbini pandar pandap Việt, dom doanh nghiệp dalam tỉnh Ninh Thuận duah jalan jhul khang bruk pablei pandap ye: ba pandap mai bhum palei pala, khik tani tanat yaom kaom, pablei pandap lưu động... Amuk Huỳnh Thị Thiện Thảo, Giám đốc Doanh nghiệp alak vang nho Thiên Thảo brei thau: Meda lac meng chất lượng drei caong ba tame hatai urang blei pandap Việt Nam pandar pandap Việt Nam lac drei tuk halei jeng paglaong chất lượng pandap. Doanh nghiệp di drei lac tuk halei jeng salih barau chất lượng, mẫu mã kadung, pandap tuk halei jeng salih barau, yau ye pak ini drei hu dom janih alak vang hu ngak meng nho nan lac vang mbon, khai vị hu ngak meng nho sirap.

-Lac talei pambuak pagam peih bruk jak ba “urang Việt Nam dahlau di abih njauk pandar pandap Việt Nam”, tukvak tapa, Ủy ban Mặt trận negar dom pakat di tỉnh Ninh Thuận pambuak bruk khang kajap saong dom gah thành viên, gah chức năng pambuak pablak pathau khan peih ngak bruk jak ba “ bhapbini jum pataom padang ngak palei pala barau, đô thị văn minh” saong dom bruk pakacah gauk anit ranam taneh ia, ngak jeng bruk pachreih tui glaong dalam xã hội. Ông Phan Hữu Đức, akaok Ủy ban Mặt trận negar Việt Nam tỉnh Ninh Thuận brei thau: Dahlau di abih lac pasang iek dalam dom pakat ủy Đảng maong lac peih bruk jak ba ini yau habal, blaoh bruk pathau khan pato pakai peih ngak, patagok ngak mbang blaoh ba pandap Việt mai bhum palei pala, di dom pakat tỉnh lac nao pasang iek dom doanh nghiệp dalam tuk ngak pandap, pablei pandap, dut iek gah chất lượng, pasang iek tukvak ngak pandap.

-Meda lac, hadei di 9 thun ba tabiak, bruk jak ba “ urang Việt Nam dahlau di abih njauk pandar pandap Việt Nam” di tỉnh Ninh Thuận hu tame dalam saong hu pren pambak khang. Bruk jak ba hu rik daong tame bruk paglaong akaok sahaneng di bhapbini dalam bruk pilih ruah, pandar pandap Việt, tabhia nan daong ka doanh nghiệp ngak tabiak pandap hu chất lượng, hu angan je, khik hu pren meriak gauk, pabak bruk pandar saong hatai takre di urang bhapbini”./.

Thúy Linh