Nao gam haong bruk cakrok patagok di doanh nghiệp Việt, tukvak tapa, rilo kan kandah tavak tavaiy di dom doanh nghiệp hu dom urang pan akaok ban raya Hồ Chí Minh caik hatai tui pang, langyah samar. Min tui dom doanh nghiệp, jeng daok hu rilo kadha oh ka hu langyah tal labik tal dhua, abih di nyu nan lac gah harak gar, adat hukum daok kan kandah, dui atah. Doanh nghiệp kan mesraiy hu phun jien pachreih patagok di ban reaya;pandap ja, pandap mblah tui oh ka hu pacang klaoh, ngak kan kandah tal bruk sản xuất. Ngọc Xuân – urang vak di rayo sap ndom VN daok di ban raya HCM hu kadha vak ndom tal dom kan kandah saong jalan ngak piah lang talaih dom paga pacang, daong ka doanh nghiệp cakrok patagok.

        Công ty Lê Thành, bhian ngak sang brei pah saong sang daok xã hội daok padang ngak dự án Lê Thành - An Lạc piah brei pah. Po doanh nghiệp brei thau lac hu ginup abih bloh dom adat cambat saong daok hu brei adat padang ngak min hadei di 2 thun nduac having, tal urak ini bloc camereip di abih padang hu tabung bloh min oh ka mesraiy hu jien yaom laba lap di gilang pariak tui adat. Dahalu di nan, Công ty hu gilang pariak njauk hatai brei mesraiy, dua gah hu nao ngak công chứng min tuk đăng bộ oh hu. Makna bo Jabat tut angan quyền pandar taneh ban raya ba tabiak lac doanh nghiệp ini oh ka hu UB bhap bini ban raya patabiak quyết định miễn jien pandar taneh, dalam tuk dự án sang daok xã hội lac bruk hu miễn. Ong Lê Hữu Nghĩa, Tổng Giám đốc Công ty Lê Thành duh hatai lac: Hu 1 bruk biak sit dalam harak gar adat hukum, nan lac dalam quyết định jao taneh oh vak lac hu miễn jien pandar taneh tui adat, bo vak lac “Cục thuế pambuak bruk haong Sở Tài chính, Sở Tài nguyên Môi trường. Kol dahlak njauk nduac tapa 3 sở saong payua rilo văn bản. Thủ tục hành chính hu rilo bruk njauk biai, caong ban raya pasang iek, daong dom adat hukum gah taneh riya)

Bruk harak gar, adat hukum daok ngak glaih doanh nghiệp, oh lac sa doanh nghiệp halei bo hu biak rilo doanh nghiệp gaok njauk. Anak bruk yau nan, rilo công ty hu pok panuac tagok ban raya caong brei salih bahrau rilo jang dom adat hukum tui jalan mek doanh nghiệp ngak pasak; salih bahrau bruk brei mesraiy pachreih patagok, ngak habar khik hu quy định min takik abih pren ka doanh nghiệp. Ong Nguyễn Văn Đực, Công ty Cổ phần địa ốc Đất Lành caong lac: Piah sarak hu siam lagaih njauk patrun patakik gah thủ tục hành chính. Ban raya njauk pok panuac tagok Trung ương, tagok dom mintri, dom quy định halei oh lagiah njauk klaak nao atau brei quyền ka dom sở, dom quận huyện)

Jeng hu hatai sahneng yau nan, ong Nguyễn Cao Trí, urang dang akaok Hội đồng quản trị Tập đoàn Capella mboh lac: di ban raya hu biak rilo doanh nghiệp praong daok ngak bruk, yaok doanh nghiệp jeng hu dom dự án praong daok peih ngak saong jeng daok tavak tavaiy rilo gah sarak chính sách, thủ tục hành chính. Nan ye, meyah urang pan akaok ban raya sangka langyah ka doanh nghiệp gah adat hukum daok biak rilo kan kandah ye nyu peih tabiak hu pren khang piah cakrok patagok, meng nan nyu jhul tagok bruk salih bahrau. Ong Nguyễn Cao Trí lac: Urak ini ban raya ba tabiak dom danak dak salih bahrau sáng tạo, ban raya thông minh lac dom bruk biak siam, min maong tui gah doanh nghiệp, kol dahlak caong hu dom tiêu chí biak cambaih laih. Pagap yau ban raya thông minh hu dauk ia halei oh? Khuah patuh ye dalam tukvak halei gah pacang khuah padam khuah mai tal? Likau adat padang ngak ye habian hu? Adat gah gilang pariak yau habar? Kol drei bhian ndom tal padang mbang ngui, lac bruk biak praong min “raong bruk” jeng lac biak praong, nan lac ngak habar daong ka doanh nghiệp lang talaih kan kandah piah cakrok patagok, kadha ini nyu pambak tal nền kinh tế di kol drei)

Brei mboh hatai sangka dalam bruk daong doanh nghiệp, di mbang taom gaok doanh nghiệp bahrau ini, karja ban raya hu panuac sanya daong palagaih ka dom doanh nghiệp Việt. Tui dom urang pan akaok ban raya, meng 5.943 doanh nghiệp khang hu phun jien labaih 100 tỷ đồng saong 403 doanh nghiệp hu phun jien labaih 1.000 tỷ đồng, dom doanh nghiệp praong ini meda klah rabha, ngak jeng bruk pambuak gauk haong dom doanh nghiệp pagap mbiah saong sit. Ini jeng lac bruk piah padang hu dom doanh nghiệp ginup khang, ngak jeng pren meriak gauk glaong. Ndom tal yaom glaong di chất lượng menuac ngak, ong Nguyễn Thành Phong, Chủ tịch UBND TPHCM brei thau, anak tal ban raya brei panuac ka Sở Lao động - Thương binh saong Xã hội pathau khan ka dom sang bac pato bruk ngak urak ini di ban raya saong mead brei padang Hội đồng hiệu trưởng dom sang bac pato bruk ngak, duah thau bruk caong khin di doanh nghiệp ka menuac ngak piah pato pakai tui caong khin di doanh nghiệp. Ong Nguyễn Thành Phong lac: Urak ini bruk pambuak gauk di dom doanh nghiệp haong dom Viện, sang bac đại học daok takik, anak tal njauk jhul khang jang bruk pambuak gauk ini. Bruk patagok khang kajap piah doanh nghiệp paglaong pren meriak gauk njauk tui jalan salih bahrau, pandar ilamu công nghệ tame bruk ngak. Ban raya meda padang dom kadung jien daong bruk pandar ilamu công nghệ, kadha ini jeng daok dalam bruk patagok di ban raya TP lac tui jalan salih bahrau, yau nan meng ngak jengchất lượng patagok khang kajap)

Karja ban raya Hồ Chí Minh jeng sanya caik hatai tui pang, nao gam, lang talaih dom kan kandah di doanh nghiệp, abih di nyu nan lac dalam bruk salih bharau thủ tục hành chính. Ban raya brei jhul khang bruk pasang iek veik dom thủ tục hành chính daok tavak tavaiy, piah ngak habar duh ka bhap bini saong doanh nghiệp dak harei dak siam jang. Anak meta, Ủy ban bhap bini ban raya hu brei bruk ka  Hiệp hội Doanh nhân TPHCM pilih ruah 10 bruk bức xúc di abih piah ban raya pataom tame lang yah tal labik tal dhua ka doanh nghiệp meng ini tal puac thun 2018./.