Đội K53 Kon Tum meng jalan duah đồng đội di bhum taneh Lào saong Campuchia

 
Tal akaok bilan thu, lac jaik puac bilan 10 tal bilan 11 yaok thun, Đội K53 tỉnh Kon Tum tagok jalan tapa bhum taneh Lào saong Campuchia ngak bruk thiêng liêng lac duah đồng đội. Piah ngak siam bruk praong ini saong negar, saong bhapbini jeng ye dom urang amaik, urang ame yaok pluh thun tapa daok cang anek, cang gauk gar mai sang, yaok urang jakar urang lin Đội K53 tỉnh Kon Tum jeng tagok jalan meng hatai kham merat di abih. Thiếu tá Lý Huỳnh Kiên, Chính trị viên Đội K53 brei thau:“taong abih adei saai dalam đơn vị jeng thau ini oh lac bruk ngak bo daok lac nghĩa cử, bruk tri ân dom anh hùng liệt sĩ. Meng nan, bruk duah mek hài cốt liệt sĩ lac adei saai jeng kham merat yam tapa abih dom kan kandah, ngak siam bruk. 

Angaok jalan oh thau glaih glan nao duah đồng đội, inem takai di urang jakar, urang lin Đội K53 tỉnh Kon Tum hu mboh grauk dom bhum ceik glai tỉnh Ratanakiri- taneh ia Campuchia. Blaoh nao atah tapa dom tỉnh: Attapư, Sêkông, Chămpasắc di taneh ia Lào.
- Thiếu tá Trương Văn Thọ, sa dalam klau urang dang akaok dhar kapul di Đội K53 tỉnh Kon Tum brei thau, oh huac ceik glaong kan kandah,  libik halei mehit lac hu tanum liệt sĩ lac adei saai dalam kapul ba gauk nao tal. Sa dalam dom bruk bo saai Thọ kan var hu di abih lac mbang nao 5 harei, duah hu 2 hài cốt liệt sĩ dalam sa libik glai di bhum tapeng negar di Campuchia saong Lào.

-Dalam tuk abih pandap mbang, hajan praong, ia sua glai oh mai veik đơn vị hu, ye lisei dahlau nan tahanek cúng dom liệt sĩ hu daong dom urang nan  yam tapa kan kandah. Thiếu tá Trương Văn Thọ drut drui lac, nan bruk neh rabha linh thiêng di dom urang đồng chí, đồđồngội “Tuk  ba adei asaai meng Campuchia nao 5 harei meng tal libik tapeng glai di Campuchia saong Lào hadei nan duah hu dua Wa hu angan cih angaok patau lac Hoàng Đình Du saong Lê Doãn Chỉnh. Dua Wa hy sinh thun 1967. Hadei di nan hu mek dua wa di lán trại tạm ye hajan praong oh tapa hu baok craoh, adei saai ndih veik. Ndih veik tal tuk abih pandap mbang lingik jeng daok hajan oh hu hagiat piah mbang. Tuk nan lisei tahanek cúng dom wa dahlak mek trun ngak bu piah mbang bloh adei sa-ai meng hu ba dom wa mai. 

-Lac urang kak kajap saong bruk duah, mek, hồi hương hài cốt liệt sĩ di taneh Lào saong Campuchia meng dom harei camereip bahrau apdang Đội K53 tỉnh Kon Tum tal ini, ngan saong Thiếu tá Trịnh Mạnh Đạt, Trợ lý chính sách, mbang nao halei jeng caik veik rilo kadha kan var hu.  Saong hu dom bruk biak kan var hu di dom urang daok diuk haong dom urang hy sinh ye mbang duah 5 liệt sĩ Đoàn đặc công 1A dalam 16 thun. Saai brei thau: “ jalan nao duah 5 liệt sĩ di Đoàn đặc công 1A hy sinh thun 1977 di bản Pêu, huyện Mun La Pa Mộc, tỉnh Chăm pa sắc meng thun 1998 tal thun 2014 meng duah mboh 5 liệt sĩ. Di tukvak nan, urang jakar di ayut, mban ngak bruk đặc biệt di ayut hu daong Đội K53 biak rilo. Thun 2000 dalam tuk kinh te daok kan kandah, ayut hu brei ka đội sa sruh kapal ahaok trực thăng meng Pắc sế- Chămpasắc nao tal huyện Mường Mun . Dalam pluh dom thun nan, urang jakar di ayut nao tapak tal libik adei saai Đội K53 ngak bruk piah pachreih ba”

-Angaok jalan ngak bruk đặc biệt di bhum taneh ayut, Đội K53 tỉnh Kon Tum hu duah, mek, pataom, hồi hương hu 1.259 hài cốt liệt sĩ, dalan nan hu 872 hài cốt liệt sĩ di taneh ia Lào saong 387 hài cốt liệt sĩ di Campuchia.

Caik veik gah likuk dom bruk ngak hu, gam dom thun bilan kan kandah, glaih glan ngan saong yaok ratuh rabau m3 taneh patau hu coh meng tangin piah duah đồng đội, dom harei tết atah di sang, atah palei negar daok dalam glai ram dalam tuk lingik jhak…urang jakar, urang lin Đội K53 tỉnh Kon Tum meng bilan hajan jeng peih bruk kuhria caga piah akaok bilan thu tagok jalan. 


-Ngan saong dom urang ini, nan lac bruk ngak biak praong biak hu yaom bo Đảng, karja saong bhapbini jao brei. Lac trách nhiem thieng thieng saong dom urang đồng chí, đồng đội var klak rup drei ndih trun  ka độc lập tự do di bangsa, kayua bruk ngak quốc tế cao cả oh ka hu mai veik haong taneh haluk palei negar./.