Kadha daoh meng bloh nan angan “Ông dahlak" hu paneh tabiak meng 1 urang dalam kapul sinh viên bangsa Cam sang bac Đại học y dược ban raya HCM. Kadha daoh nan hu daoh dalam Show Guitar kadha daoh Chăm bilan 11 camereip abih di quán cà phê Coffee The Wall, 520 Ngô Gia Tự, Phường 9, quận 5, TPHCM. Melam nhạc pachreih hu labaih 100 sinh viên mai meng dom sang bac Đại học dalam ban raya. Pak ini, dom ayut hu ba mai sa melam me-in Guitar biak gheih, brei mboh hatai takre âm nhạc di dom ayut daok ranaih umo. Kadha praong di melam nhạc nan, lac yaih khan dom kadha daoh Chăm bahrau kayua dom urang dalam kapul paneh tabiak.

 Thành Minh Hiếu – sinh viên thun ka 4, sang bac Đại học Y dược ban raya HCM – urang padang show guitar kadha daoh Chăm khan lac: "Dom ayut khol dahlak birau paneh rilo kadha daoh min oh ka hu lagaih piah pathau khan brei ka rilo urang pang thau tal yau na  ye dahlak padang kapul nyaom ini..."

     Thành Minh Hiếu jeng brei thau: Melam Show Guitar di dom sinh viên Chăm  sang bac Đại học y dược ban raya Hồ Chí Minh lingiu di bruk ba mai ka dom ayut sinh viên hu taom gaok gauk, nyu daok pachreih bruk paneh kadha daoh Chăm dalam dom sinh viên urang Chăm.

     Đồng Cao Nguyên – sa urang anek bangsa Chăm palei daok di tỉnh Bình Thuận, urak ini lac sinh viên thun ka 4 khoa Y đa khoa, sang bac Đại học y dược ban raya HCM. Yaom lac oh hu bac tapa gah âm nhạc, min meng hatai takre me-in Guitar, tuk lahaiy, Đồng Cao Nguyên duah thau saong paneh tabiak dom kadha daoh ka drei. Ngan saong Nguyên, bruk bac paik capi, oh lac hatai takre bo nyu daok ba chreih chrai ka Nguyên paneh kadha daoh. 2 kadha daoh Chăm patui gauk tabiak rai brei mboh hatung hatian, hatai sahneng, meta maong ka raidiuk siam mekre di urang likei dam ini. Kadha daoh camereip lac “ong dahlak” brei mboh hatai anit ranam urang ong sup meta; kadha daoh ka 2 lac “ Veik mai” ndom ka urang anek atah palei nao bac ngak bác sỹ, tuk bac tamat khin mai veik palei piah ba ilkamu bac megru hu daong ka palei drei. Ndom ka jalan ba tal paneh kadha daoh, Nguyên brei thau: "Dahlak takre main giutar nan ye breo pasram guitar eng..."

      Oh lac pachreih dom sinh viên dalam sang bac paneh kadha daoh Chăm, kapul daok hu pachreih dom sinh viên Chăm di rilo sang bac Đại học dalam ban raya roh duah dom kadha daoh nhạc trẻ Việt piah lang tapa sap Chăm.  Tapa nan, jeng pakhang sap Cam daok dak harei dak lihik nao dalam sinh viên, anek saih jeng ye rairah dam dara urang Cam harei ini.

    Urak ini, dom urang dalam kapul lang hu 10 kadha daoh Yuan saong hu daoh meng dua-dua sap Cam-Yuan. Dom kadha daoh ini hu dom sinh viên Chăm biak takre. Lưu Hoàng Điệp - sinh viên khoa Báo chí, Sang bac Đại học Khoa học xã hội saong Nhân Văn ban raya Hồ Chí Minh lac:" Dahlak mboh kadah daoh Cam biak takik yau nan ye mboh kadah Yuan hu panuac bingi pang dahlak lang tapa sap Cam daoh....piah pachreih dom ayut bac akhar Cam."

      Dalam sa xã hội yau urak ini, âm nhạc bahrau meng negar lingiu tame dak harei dak rilo, rairah ranaih umo atau sinh viên Chăm daok ba drei tame haong dòng nhạc trẻ Việt. Min urang jeng oh var hu ilamu meng muk kei di drei, abih di nyu nan lac sap ndom panuac puac di bangsa. Caong lac, anak tal, dom adei daok pambak praong Show Guitar kadha daoh Chăm di rilo sang bac đại học saong cakrok patagok dalam bhap bini urang Chăm di Nam bộ./.