Urang Van kieu hu adat drak padai mboh biak karei di dom bangsa karei 

Adat drak padai meng kan mai di urang  Bru Vân kiều bhian hu peih ngak di bilan  7 saka ia bilan. Binah lễ prong prang song ndung bak ilamu, tapa nan, bhap bini khin payua hatai cong ka phun bak bingu, asar siam saong pala njauk, pala hu rilo.

Bhap bini palei Khe Cát, xã Trường Sơn huyện Quảng Ninh, tỉnh Quảng Bình khan lac, adat drak padai Quảng Bình tuk halei jeng hu peih ngak di ala takai ceik Pasang. Di pak ni hu rilo phun prong lavik thun, mangaok tabung lac 3 baoh ceik glong. Khám thờ hu caik mbaiy ka-ing tame ceik Pasang, mbaok mbaiy nao gah ceik  Khe Cát (urang pak ni dok ieu lac ceik Diuk.

Dahlau di abih lac adat paling pabui. Tuk ia harei camereip bahrau caroi trun, 2 urang likei khang kadang di palei cakon mai sa drei pabui mbong patih, caik trun tapen jalan ia nduac. Tuk ni, menuac sia dalam palei dang vil val drei pabui song taha palei tabiak panuac peih ngak adat. Taha palei dang kreh dom menuac urang, tangin ieu pal klaoh alak tuh bak cavan thủy tinh di tangin gah hanuak song pok sap khang likau dom po yang brei ka asar pajaih hu tamuh tagok jeng phun padai, phun ratak, phun tangei… khang kadang., hajao mekre, oh brei cim brim, halak halin mai palai kaik, piah ka bilan pala hu siam mekre, rai duik di bhap bini hu trei si, haniem phol.

Hadei di tuk kamroi likau bloh, bhap bini dalam palei bara bak gùi, tangin pan gai jarak trun jeng gilaong vil val mblang taneh piah ngak adat drak asar. Taha palei pan ca-ngoa caik hasit padai pajaih, gam chat rup dreih yau daok tapei padai, gam kamroi piah ieu yang padai mai dong ka bhap bini dalam palei ngak mbang hu mbuan lagaih.  

Hadei di tuk ngak adat bloh, tong abih menuac sia dalam palei ba gauk daok lac tapen dom talam salao pandap paling yang. Urang jeng ba gauk tame dom kadha me-in sambai, ba gauk daoh dom ragu daoh bhap bini meng kan./.

 Urang lang: Hanipha- 22/10