Di puk Phước Thuận, xã Phú Tân, huyện Châu Thành, tỉnh Sóc Trăng hu danei angan atah jaik meng bruk cih thaot di mangaok kreih. Bruk cih thaot di mangaok kreih di xã Phú Tân tabiak rai atah di ini labaih mateh abap.

Dom blah thaot hu cih di mangaok kreih di bangsa Khmer bhian ndem ka Đức Phật, thaot binguk mbaok mata puk palei, dom labik gheih makre atau dom baoh paha. Thaot binguk meng kreih hu dom baoh sang blei mai piah kakuh atau caik ngak gheih mekre dalam sang.

Dahlau deih, di xã Phú Tân, sang halei jeng thau cih thaot di mangaok kreih. Mai tal ini, urang mboh thaot kreih hu mikva pabu bak anak pambang sang. Dalam xã hu labaih 100 baoh sang ngak bruk cih thaot di mangaok kreih, thaot hu pablei di rilo tinh, ban dalam bhum Nam bộ. Min, kayua bruk cak rok patagok di kong nghe, bruk maraik gauk di rilo janih thaot karei nan ye urak ini, xã Phú Tân tok daok veik sa urang tui bruk ini lac amuk Triệu Thị Vui daok di palei Phước Thuận. Amuk lac urang cih thaot di mangaok kreih hu angan di palei nan ye thaot di amuk hu rilo urang takre saong mai kakei blei. 

Piah ngak hu sa blah thaot di mangaok kreih njauk tapa rilo bruk, caong urang cih biak gheih tangin, hu mata maong gheih dalam ramik sambo mau, but cih biak gheih. Thaot hu cih angaok blah kreih jangeih, praong sit tui hatai saong biak riloo sambo mau.

Labik kan cih abih lac mata saong cambuai đức Phật, dua mata cih brei hu suan yava saong cambuai ye dreih yau daok klao. Tuk tame cih ye urang cih caik blah kreih angaok blah ba-ar mẫu cih cagar veik, bloh mek bút lông tut mực cih tui blah ba-ar mẫu nan, panuac chuyên môn ieu lac neh. Hadei di tuk neh blaoh, urang cih tut sơn tô màu tame dom labik hu neh saong brei sambo màu meng mbak tal taba. Tô màu brei ngak njauk tui jalan ngak lac: brei sambo pandap gah anak dahlau, gah likuk hadei. Puac di abih lac sambo màu phông. Hadei di tuk blah thaot thu meng pagam baoh bao xà cừ, tauk vàng quỳ, tô nhũ kim, atau mbat ba-ar trang kim tame gah likuk blah rp thaot piah ngak ka nyu hadah mekre jang. Puac di abih, urang buh tagok sa tal sơn piah khik caga blaoh ka meng caik tame khuôn kayau, lac salah blah thaot.

Amuk Triệu Thị Vui brei thau: “dahlau deih, mikva dalam palei meng taha tal ranaih sit thei jeng cih thaot nan ye khik hu palei ngak ini meng kan mai, bac meng ong muk caik veik. Bruk cih thaot mangaok kreih di palei Phước Thuận, xã Phú Tân bhian cih thaot ka Đức Phật. Kayua mikva bangsa Khmer kakuh, iek praong, iek glaong Đức Phật, sang halei jeng hu thaot Đức Phật tual di mangaok bàn thờ. Đức Phật cih tui mau meng kan, hu mau blaoh drei kan tagok blaoh cih tui.”

Piah khik ramik, cak rok patagok bruk cih thaot di mangaok kreiih, kanja palei hu daong ka mikva bac bruk ngak saong pato veik ka rai hadei; gam haong nan mayaih khan thaot mangaok kreih di dom darak pasa, parang iek. Yaom lac hu khik ramik lavik thun, min bruk cih thaot di mangaok kreih jeng daok hu ngak meng tangin, oh hu labik halei hu mac jamraik salih manuac ngak. Thaot kreih pak xã Phú Tân biak kajap, tuk thaot ngak salah ye sambo mau gam khang tame kreih, kan tapaok tabiak atau par sambo mau. Ngan haong mikva Khmer daok pak xã Phú Tân, cih thaot di kreih oh lac sa bruk ngak meng kan bo daok lac ilamo gheih mekre di bhap bini Khmer tỉnh Sóc Trăng./.