Ameh hala Châu Thành, Trà Vinh daok ieu lac Ameh hala baha Lò Gạch hu duah mboh dalam mbang kuac raok khảo cổ học thun 2014, di inem mek baha Lò Gạch (palei Ba Se A, xã Lương Hòa, huyện Châu Thành).

Inem mek baha Lò Gạch hu brei thau lac sa labik padang ngak di agama dalam ilamu Óc Eo, hu meng abap VII - IX. Thun 2017, Mintri Ilamu Thể thao & Du lịch pok brei angan lac Inem mek pakat negar.

Duah pataom Ameh hala Châu Thành, Trà Vinh hu 9 janih pandap Ameh hala hu sarak thaik bingu craih saong drei lamen, daok hu khik piah di Miuyim Tổng hợp Trà Vinh. Ini lac dom hala ameh lapih hu ngak meng ilamu sarak - miết, gò – jan angaok mbaok, lac pandap asal di nyu saong oh hu pandap ka dua.

Duah pataom Ameh hala Châu Thành, Trà Vinh hu daong pabak tư liệu praong dalam bruk roh duah ka agama labik ini, hu rilo kadha pambuak tal Phật giáo. Gam haong nan, binah halei brei mboh ka ilamu, menuac sia di tukvak hadei di ilamu Óc Eo.

Kaya pandap lac mai meng bruk salih gauk, taom gaok di ilamu meng kan di pak nan haong dom ilamu meng gah langiu ba tame, lac kadha praong daong ngak brei cambaih jang ka mbaok mata ilamu Óc Eo di Trà Vinh, jeng yau di bhum mbon cuah di miền Tây Nam Bộ saong bhum taneh Nam Bộ.

Duah pataom kaya pandap lac dom “tư liệu quý” piah ka dom urang ilamu nao jaik, roh duah di rilo gah karei di gauk, meng phong cách, asal agam saong dom talei pambuak bruk ilamu dalam zaman Óc Eo.

Meda ndom lac, 3 nyaom dalam duah pataom kaya pandap Ameh hala sarak drei lamen, bingu craih di inem mek baha Lò Gạch lac dom kadha biak ginup brei mboh bruk cakrok di bruk ngak ameh, dalam nan hu ilamu ngak tabung glaong, pambuak pagam haong vaktu patagok ilamu - xã hội di bhum taneh gah Meraong di abap puac di zaman ilamu Óc Eo.

Dom kadha nan brei mboh, yaom lac ilamu Óc Eo meng hadei abap VII hu maong lac daok laik trun saong salih bahrau praong dalam gah KT - XH - tín ngưỡng, min dom kadha meng kan hu jeng thaik thaok saong cakrok hadah hadai dalam dom tukvak dahlau nan jeng daok hu patui veik.

Meng dom gheih mekre praong saong dom yaom glaong sajarah, ilamu, khoa học praong glaong, hu brei mboh cambaih bruk pambuak pagam haong ilamu Óc Eo, rik daong ngak brei cambaih jang ka sa dalam dom zaman cakroh hadah hadai abih dalam sajarah padang tabiak saong patagok di bhum taneh Nam Bộ, Rajaei brei pok angan Duah pataom Ameh hala Châu Thành, Trà Vinh lac Kaya pandap Negar./.