Dalam harei ini, sân vận động huyện Than Uyên rah tabiak vòng xòe “hadah tanyak sambo màu Tây Bắc”, hu mbaok di jaik 1.000 menuac meng rilo harei ini mai tuk halei jeng chreih chrai sap ragam xoè. Dom urang tamia oh chuyên, dom urang đoàn, dam dara saong bhap bini dom bangsa dalam huyện thei jeng chreih chrai pasram pahat, caga ka melam parang me-in salam uan tết Độc lập saong danak dak tamia vòng xoè habar ka nyu mekre di abih.

Amuk Lưu Thị Lệ, sa urang daok di ban sit Than Uyên, huyện Than Uyên brei thau, amuk bui sambai lo tuk hu mbaok tame pasram piah parang me-in lagu xoè, kayua lac yau nan, amuk hu rik daong hasit prein tame bruk khik ramik saong patagok ragu xòe Thái – lac ilamu hu UNESCO vak angan tame harak angan inem krung ilamu phi vật thể lambaok ka menuac sia dunya: “Harei 2/9 lac harei roya Độc lập di abih bangsa. Daok di labik Than Uyên ini rahra daok chreih chrai maong akaok tal harei ini. Hu mbaok tame tamia xòe thei jeng biak chreih chrai, meng taha tal meda jeng kham merat tame vòng xòe, piah yaih khan tal ayut sahabat dalam saong langiu taneh ia".

Rah tui jalan roya 32 saong dom jalan xã, jalan huyện di Than Uyên dom harei ini, hala dok meriah bhong patuk katam kanyik, băng rôn, khẩu hiệu hu tuan bak piah salam uan harei tết Độc lập. Amuk Hoàng Thị Liễu, Yam ndok Pasak Thể thao saong Truyền thông huyện Than Uyên brei thau: Tapa bruk ini, huyện hu peih Harei pataom ilamu, Thể thao dom bangsa huyện Than Uyên mbang ka XII saong adit ilamu - du lịch thun 2023 ngan haong rilo bruk ngak hadah krah, gam daong jhul du lịch cakrok, gam padang labik me-in ka mikva bui sambai uan raok tết Độc lập.  “Dom bruk ngak di harei tết Độc lập lac, langiu dom bruk yaok thun hu peih ngak lac trích đoạn lễ hội, labik ilamu dom bangsa, pakacah ngak mbang huak, thun ini hu dom bruk bahrau hu ba tame lac thể thao mạo hiểm, pakacah mô tô địa hình, danak dak daoh tamia di dom bangsa Mông, Khơ mú, Dao... saong kol dahlak daok ngak brei siam jang bruk tamia xòe, piah yaih khan brei rilo menuac thau tal".

Dom labik karei di Lai Châu jeng kuhria peih ngak dom bruk ilamu, thể thao saong dom danak dak daoh tamia, piah ba bui sambai chreih chrai dalam dom puk palei, dom labik daok saong dalam hatai di yaok menuac urang.

Ong Lò Văn Biên, Phaok Chủ tịch UBND huyện Tân Uyên brei thau: harei pataom Ilamu, Thể thao saong Du lịch huyện Tân Uyên peih ngak tuk ini biak chreih chrai ka rahra saong tuai damuai hu ba drei tame ilamu bangsa, daong ka yaok rahra mboh hadah mbaok meta jang anak dom salih bahrau di puk paga, palei negar...

Dalam bui sambai tết Độc lập saong uan tabuan, hadah mbaok meta ka ilamu siam mekre meng kan mai di puk palei drei, yaok rahra di Lai Châu dak mboh chreih chrai jang, pakacah gauk ngak brei jayah dom bruk ba tabiak tui Sarak nyaom roya Đảng bộ tỉnh mbang ka XIV, vaktu 2020 – 2025, kham merat hu mbaok tame dom bruk pakacah gauk cakrok KTXH, rik daong prein tame padang tỉnh Lai Châu dak harei dak patagok siam mekre, kaya meda./