Gah dalam sang rong di urang Giẻ Triêng

Tui adat cambat meng kan mai di urang Giẻ Triêng, tuk duah hu labik piah padang  palei bahrau, bruk camriep di abih lac duah labik piah padang ngak baoh sang rông. Menuac sia dalam palei ba gauk tame padang ngak sang rông – lac baoh sang praong di urang Giẻ Triêng, labik piah pataom mbaok mikva, piah ginum biai saong langyah dom bruk di puk palei.

Jeng hu ngak meng dom pandap yau ye kayau, kreim, laa…yau sang rông di dom bangsa takik karei karei, min labik khik suan yava di urang Giẻ Triêng nyu gheih mekre karei meng jalan padang ngak saong hatai sahneng pambuak tal drei kubau. Yaom lac praong sit karei di gauk, min sang rông di urang Giẻ Triêng jeng mboh dreih yau drei kubau daok ndih gar. Dalam nan dua tabung glaong di sang rông dreih yau dua takaiy kubau.

Sang rông di urang Giẻ Triêng daok ngak ka urang caik dalam hatai meng dom mbaik gheng, mbaik kayau hu pambuak haong gauk meng dom gai kayau saong meng dom talei havei ia glai khang kajap saong gheih mekre glaong meng dom labik pak thaot bingu la, mạng nhện. Tapa thun bilan saong dom salih bahrau di raidiuk, urang Giẻ Triêng jeng daok khik tamo dom ilamo meng kan di sang rông.

Sa kadha njauk biai di urang Giẻ Triêng nan lac, taong abih dom urang jeng hu buh prein tame padang ngak baoh sang palei, hadei di nan meng padang  baoh sang di akaok palei, bloh tal dom baoh sang hu angan je dalam palei, hadei di nan meng tal sang di urang daok sa drei, dom urang kumei oh hu pasang oh eng drei padang ngak sang hu. Tal tuk taong abih dom baoh sang hu ngak salah bloh, urang Giẻ Triêng meng peih bruk ngak adat uan sang rông bahrau.

Dalam rija roya di urang Giẻ Triêng, phun nêu dreih yau sa kadha ilamu nghệ thuật pataom ginup dom janih meng hội họa, điêu khắc saong bruk ngak meng tangin takai …hu padang anak sang rông. Phun nêu dang tapak tagok langik hu makna lac jalan piah tagok langik,  payua panuac kamroi di urang dang ngak adat, panuac meroi di taha palei,  panuac lakau di mikva tagok po yang ngan haong hatai caong lac hu sa raidiuk trei sil, haniem phul, oh hu mesuh metak atau jit ruak, ngak mbang pala drak bilan hadei hu rilo padai brah jang bilan dahlau, kubao, limo, manuk, ada tuk halei jeng hu bak sang.

Tui ilamo meng kan, uan sang rông bahrau, urang Giẻ Triêng brei ngak adat klauk kubau. Min, urak ini, adat ini brei klaak nao, tok daok ngak tượng trưng tui njauk adat cambat. Hadei di tuk ngak salah adat klauk kubau tượng trưng, urang ba gauk manyum alak tapai, huak lisei lam haong hala gilai. Hadei di nan mikva ba chat tamia, daoh dom kadha daoh meng kan piah uan sang bahrau di drei.

Baoh sang rông di urang Giẻ Triêng tuk halei jeng hu mikva iek lac labik ginreih di abih, lac labik ginum biai, pataom gauk ngak ilamo, abih di nyu nan lac labik taha palei, akaok puk haong mikva dalam palei ginum biai bruk praong, yau bruk cak rok patagok kinh tế - xã hội, tani tanat an ninh chính trị di puk palei, nan lac bruk njauk iek praong./.

Urang lang: Thu Thao – 15/10