Bhap bini bangsa Thái daok di gah Pei palei Nghệ sahaneng lac, sap kong chieng lac panuac brei mboh hatai sahaneng, suan sap di manuac urang. Glong jang, nyu lac talei pambuak pagam, dak padang talei rohim khang kajap di  bhap bini, di puk palei. Bruk njauk uan tabuan lac dom thun tapa, anak raidiuk salih birau sami samar, min urang Thái  di labik ini jeng daok khik ramik saong patagok ilamo kong chieng tapa dom bruk ngak biak njauk, lagaih.

Daok di kreh ceik glai Pù Huống, mbon Na Kho (xã Nga My, huyện Tương Dương) hu jaik 80 baoh sang, labaih 370 menuac lac urang bangsa Thái. Urak ini, dalam mbon hu 3 baoh sang daok khik piah hu 3 mejam kong chieng. Ong Van Văn Hoàn, taha kaok mbon, urang hu angan je di mbon lac sa dalam 3 urang daok khik hu mejam kong chieng meng kan. Yaok mejam kong chieng hu 4 baoh, praong sit karei di gauk. Yaok baoh hu sap yawa glong biar, atah karei di gauk. Iek dom baoh chieng lac pandap hu yaom glong, akaok sahaneng pambuak pagam haong raidiuk di baoh sang, di but pajaih, nan ye ong Hoàn caik dom baoh kong chieng  di labik praong glong dalam sang. Ong khik brei dom baoh kong chieng hacih hadah yau birau jeng yau khik brei yawa jangaih, papar atah.

Ong Lữ Văn Uôn, akaok mbon Na Kho, xã Nga My brei thau, tui urang Thái, angan ieu di 4 baoh chiêng dalam sa mejam lac mạc mệ (praong di abih, trak di abih), blaoh tal mạc cáng, mạc pá saong mạc là. Yaok baoh chiêng tuk taih tame nyu hu sap yava karei di gauk. Piah hu sa mejam chiêng  siam, njauk hatai, brei nao tal dom bhum palei hu angan dalam bruk ngak chiêng. Urang nao blei brei thau pang sap chiêng saong pandar gheih janih alat ragam ini.

Bruk biak patuah jamo dalam rilo thun tapa, dom rairah ong akok ong kei drei thau main kong chieng di palei Na Kho hu dang tabiak peih dom tal pato ka dom rai anek taco dalam palei thau ka halau gha, yaom glaong ilamu, hatai sahaneng saong thau pandar ma-in kong chieng. Dom tal pato nan hu rilo bhap bini dalam palei abih drei tame pasram. Tamat dom tal pato pasram, taong abih dom urang tame bac  jeng thau pandar dom janih alat ragam biak gheih nan.

Urak ini, huyen Tương Dương daok hu jaik 100 mejam kong chieng, dalam nan, jiak 40 mejam kong chieng klak meng kan, hu meng labaih 50 thun tagok. Dom baoh kong chieng krih nan hu dom urang taha, kaok palei, urang hu angan je dalam bhap bini Thái khik piah.

Urang Thái iek ilamo kong chieng yau pandap pabak jalan sahaneng oh kurang hu dalam raidiuk yaok harei. Rilo thun tapa, piah khik ramik, patagok ilamo kong chieng, karja xã Nga My tuk halei jeng sangka, pacheih ba bhap bini dalam palei brei khik ramik siam dom baoh kong chieng tui jalan brei tuan tagok di labik hu makna praong dalam sang ilamo bhap bini atau baoh sang urang hu angan je di palei tuk hu rija roya praong di taneh ia, di bhum palei, mikva meng ba tabiak pandar ma-in. Dalam sap yawa chreih chrai di kong chieng, urang jak gauk daoh tamia, chat sạp, khac luong ngak brei chreih chrai jang, bui sambai ot tanot, mikva hu jiak gauk jang, patagok jang talei rohim jum pataom./.