Kadha dom bangsa adei saai adit ini, kol dahlak likau yaih khan kadha vak di urang vak An Kiên- Hồng Ngọc ka dom ilamo gheih mekre di urang Mông Xanh daok di Lào Cai.

Mai tal palei Tu Thượng, xã Nậm Xé, huyện Văn Bàn, tỉnh Lào Cai, di kreih labik vil val lac ceik glaong, dalam yaok baoh sang kayau di urang Mông Xanh biak mbuan mboh dom kik menyim yau sa pandap oh kurang hu, kayua mikva di pak ini jeng daok khik bruk pala lanh, manyim khan bai meng kan mai. Amuk Vàng Thị Mai, lac urang daok dalam palei khan lac: " Umo 17 thun dahlak meng nao bac manyim khan bai, 1 thun ngak hu 2 bộ, 1 bộ likei, 1 bo kumei. Luac harei nao ngak hamu, ngak puh, tal melam meng lahe. Urang Mông Xanh thei jeng hu khan aw piah cuk dalam harei rija, roya, urang likei, kumei, cuk khan aw di bangsa drei ye meng lac di drei".

Oh lac jhik khan aw ngui ka dom urang dalam sang, dom urang kumei praong thun di palei Tu Thượng jeng oh var pato veik ka anek, taco bruk manyim khan bai. Khan aw ngui cuk di urang Mông Xanh oh rilo sambo mau, bingu la, min piah ngak tabiak sa bo khan aw lac oh mbuan, kayua taong abih jeng hu ngak jeng meng tangin, thei oh tari taring, oh ngak hu. Urang kumei dara angan Vàng Thị Mai khan lac: "Tuk lahe dahlak mai bac haong dom amaik, dom wa saong urak ini jeng thau jhik, manyim lanh piah ngak tabiak dom blah khan aw mekre di bangsa drei".

Langiu di bruk pala lanh, manyim khan bai, urang Mông Xanh di Tu Thượng daok khik hu rilo ilamo karei yau ye: daoh ống, taong cù, yuk khèn, bruk rèn, đúc, pak yot… Tui ong Dương Tuấn Nghĩa, Phó yam ndok Sở Ilamo - Thể thao tỉnh Lào Cai, nyaom urang Mông Xanh di Lào Cai tok hu labaih 1.000 urang, daok pataom gauk di Văn Bàn nan ye bruk khik ramik ilamo lac hu makna biak praong: "Kol dahlak hu peih bruk yaok pataom, pasang iek gilac veik biak rilo, taong abih inem krung ilamo di urang Mông Xanh di Văn Bàn; gam tui di nan jeng hu daong ka mikva padang ngak veik dom rija, roya meng kan".

Piah patagok dom siam lagaih bruk khik ramik, dom nghệ nhân ilamo, văn nghệ, bruk ngak meng kan dalam kapul urang Mông Xanh jeng hu pilih ruah piah padang tabiak dom kalup kapul, sinh hoạt tui harei ba tabiak piah patagok, pambak tabiak dalam rahra. Taphia di nan, kanja palei jeng patagok bruk daong ka mikva cak rok patagok bruk raong pabui palei, hu mbaok tame danak dak pala rabung măng sặt piah paglaong kinh tế; pathau khan paglaong hatai sahaneng klaak nao dom adat meng kan oh daok lagaih./.