Tal urak ini, urang Co Tu jeng daok khik piah saong pasiam dom ilamo meng kan dalau ndung mbak ilamo bangsa drei, bruk mbang ngui pamaong tame bruk pala glai glang manuk ada anek athur raong. Kadha Dom bangsa adei saai di adit ini, khol dahlak hulin likau yaih khan tal mikva kadha vak hu ba tagok sarak khan Đà Nẵng ndem mayai ka bruk: khik ramik saong patagok dom yaom ilamo di urang bangsa Cơ Tu.
Urang Cơ tu urak ini daok khik ramik biak siam khan ao ngui cuk meng kan di bangsa drei. Khan bai pataik jeng daok khik bingu hala meng marai tui ngak kong saong khan ao ngui cuk hu khik manyim tui jalan ngak bahrau. Dom thun tapa, huyện Hòa Vang hu kham marat peih ngak rilo bruk ngak khik ramik khan ao ngui cuk meng kan yau ye pathau khan, peih bruk ba drei tame dalam rahra bangsa saong dom bangsa karei di dom tinh, ban karei piah mikva thau pandar jang khan ao ngui cuk di drei.
Thun 2016, huyện Hòa Vang hu peih dom tal bac brei pato bruk ngak, daa dom urang jang meng huyện Đông Giang (tỉnh Quảng Nam) piah mai pato padar bruk manyim tui muk kei brei ka anak kumei urang bangsa Cơ tu; pabak khan ao ngui cuk meng kan ka anek saih lac urang bangsa Cơ tu; blei dom blah khan ao ngui cuk ka mikva lac hạt nhân văn nghệ; cak rok patagok du lịch sinh thái, du lịch rahra piah la rahra thay veik ka ilamo di bangsa drei.
Urang Cơ tu hu sang Gươl, bruk padang ngak veik sang Gươl ieu lac sa janih khik pasiam veik ilamo yaom glaong di urang bangsa Cơ tu, daong ka dom urang rai hadei thau tal ilamu urang bangsa Cơ tu di bangsa drei.
Ilamo daok tamia jeng ye harei rija roya di bangsa, meng di thun 2016 tal masa urak ini, thun halei di huyện Hòa Vang jeng peih harei pataom ilamo, pahat rup saik saong padang ngak veik dua harei rija roya di urang bangsa Cơ tu. Harei rija hu peih ngak salih ka gauk di 3 palei hu urang Cơ tu di Hòa Vang saong daa dom huyện Đông Giang saong Tây Giang (tỉnh Quảng Nam) gam hu mbaok tame, ba drei tame. Urak ini, gong, ciang jeng daok hu khik ramik tani tanat dalam dom harei Tết, mbang mayum lakhah caga, ndam metai lahik, adat cambat saong kayua urang taha urang praong thun dang ngak.
Dalam thun ini, banraya Đà Nẵng padang ngak Danak dak khik ramik saong patagok ilamo rahra bangsa Cơ tu tal thun 2030. Tui danak dak, abih tih dom sarak ilamo meng kan di mikva bangsa Cơ Tu hu khik ramik saong peih ngak hu siam lagaih; abih dom harei rija roya meng kan siam makre di bangsa Cơ Tu hu padang ngak veik, khik ramik tapa dom hagait daok kandaong, thaot binguk, phim; pasiam veik saong patagok bruk manyim khan bai; dom urang ngak jeng lac urang bangsa Cơ Tu hu daong dalam bruk pato, pasram dom urang rai hadei. Tapa danak dak ini daong khik ramik ilamo dom bangsa takik, ba prein khang kajap patagok ilamo pambuak haong du lịch jirah, patruh eik patrun kathaot, padang ngak jalan diukrai siam makre, praong glaong ilamo; jhul kaduan likuk dom adat cambat oh daok lagaih, tệ nạn xã hội bhum mikva bangsa takik, ngak parilo janih dhan raidiuk ilamo, paglaong talei jumpataom gauk di dom rahra bangsa./.
Viết bình luận