Darak Hà Lâu hu peih di harei adit di adit ka 4 yaok bilan, haong biak rilo kaya pandap di palei hu mikva ba tabiak darak pablei, yau ye manuk Tiên Yên, ia hani glai, njam hijao... saong tuk halei jeng chreih chrai haong sap menyai, sap klao di urang blei, menuac pablei.

Ong Nguyễn Thanh Tùng, quyền Chủ tịch xã Hà Lâu brei thau, xã brei khik darak piah bhap bini hu labik me-in kak kajap talei jum pataom, daok tuai damuai hu sa labik ba drei tame tuk mai tal Tiên Yên. Abih di nyu lac dalam cakrok kinh tế, xã daok pambuak bruk, peih praong saong sangka buh jien tame ngak, peih praong dom bruk ilamu, daoh tamia piah patagok darak Hà Lâu sa bilan 1 mbang. Ieu pataom dom gah saong pathau khan tal bhap bini dom bruk ilamu, daoh tamia dui pachreih tuai danuai di dom palei karei mai tal. Langiu di nan, jeng lac tuk piah ka dom sang dalam palei, dalam xã mai hu mbaok tame dom bruk me-in sambai, ilamu, thể thao saong ba dom kaya nong tabiak piah salih kaya pandap.

Meng hatai caong ngak ka Hà Lâu jeng labik mai tal ndung bak ilamu di urang Dao, Sán Chỉ, Tày…, karja xã brei ngak rilo bruk ilamu, daoh tamia, thể thao. Njauk ndom tal di abih lac bruk dit blaong, caoh mbanh kumei, dom urang caoh lac bhap bini, urang jakar daok diukrai di xã. Sa-ai Lý Thị Thảo, urang Tày daok di xã Hà Lâu mai pachreih kapul dit blaong bui sambai khan lac: "Cuk dom blah khan ao di bangsa drei ye brei mboh hu ilamu karei di xã Hà Lâu. Tuai damuai mai maong iek biak takre."

Daok sa-ai Bế Thị Lý, gru pato mầm non urang Tày daok di Hà Lâu brei thau: "Adei mboh bui sambai, chreih chrai, hadah mbaok mata. Adei caong lac mbang darak bhum glaong hu peih ngak rilo bruk yau ini piah ka rilo rahra hu mbaok tame, taom gaok me-in sambai haong gauk"

2 kapul caoh mbanh hu 16 urang dit, rilo meng lac adei sa-ai kumei bahrau tame me-in nan ye ba gauk “oẳn tù tì” piah parabha kapul, pilih ruah mblangg dit. Salih ka khan ao cuk piah dit blong, ye adei sa-ai kumei di pak ini cuk khan ao di dom bangsa Dao Thanh Y saong Sán Chỉ. Sa-ai Hà Thị Hoa brei thau: "jaik abih dom adei sa-ai kumei oh thau adat, mboh baoh blong ye dit saong bui sambai di abih lac cuk khan caoh mbanh. Tuk camereip padang kapul caoh mbanh kamei, adei sa-ai daok huac daok malau. Hadei di dom mbang dit, adei sa-ai kumei hu mbaok tame rilo jang.

Xã Hà Lâu hu 6 palei ye 4 palei hu kapul dit blong kamei. Sa-ai Nguyễn Văn Quảng, urang jakar địa chính xã ngak trọng tài di mbang caoh mbanh kumei khan lac: rilo mbang gam ngak trong tai gam tacei adei sa-ai kumei jalan dit blong. Mekre abih di kapul caoh mbanh di Hà Lâu lac khan ao meng kan saong hatai takre me-in thể thao di adei sa-ai kumei. Meyah ndom ka ilamu, yaok bhum palei jeng hu khan ao ngui cuk karei di gauk. Adei sa-ai kumei urang Dao cuk khan ao hadah tanjak. Dalam bruk dit blong, khan ao ngui cuk meda pambak tal bruk me-in, min nan lac ilamu.

Oh lac rah tabiak di mbang darak bo tuk xã hu bruk praong, atau lễ, Tết, menuac sia di Hà Lâu ba gauk mai mblang dit blong praong di palei piah pachreih dom kapul dit blong kumei pacah gauk dit. Dom urang kumei dit blong ini, hu menuac ngak gru pato, hu urang nao glai, ngak hamu ngak puh,... min tuk juak takhaok dit blong tame jeng mboh gheih dit blong, caoh mbanh. Yaom lac oh ka dit njauk adat, min sap ndom klao bui sambai chreih chrai tuk halei jeng mboh bak angaok mblang dit blong./.