Ngan saong urang Gia-rai, metai oh lac lahik nao bo lac salih tapa sa lot karei. Nan ye adat ngak pathi, klaak kubo ngan saong urang Gia-rai lac harei hu makna praong, ndung bak ilamu saong jeng lac bruk di bhap bini. Tui adat cambat, dahlau di tuk ngak adat klaak kubo dom pluh harei, urang Gia-rai tame glai duah phun kayau siam piah ngak sang kubo. Sang kubo lac bruk padang ngak biak gheih meng dom plaak tangin naih gheih di abih bhap bini.

Dom urang taha hu rilo ilamu ye ngak bruk ramik ngak ka nyu mekre, daok urang likei khang kadang ye padang gheng saong ngak dom bruk trak.

Bruk njauk biai nan lac ilamu padang ngak sang kubo. Tuk duk ngak sang kubo, urang oh pandar mét bo duk meng dom đơn vị di rup menuac yau ye jagam tangin, takai, ... Tapa nan nyu ngak brei sang kubo mboh mekre tự nhiên..

Ngan saong urang Gia-rai, sang kubo tuk halei jeng kak kajap haong adat ngak pathi, klaak kubo saong lac pasak di adat cambat ini. Urang Gia-rai sahneng lac, adat klaak kubo lac adat la palao, calah miat urang matai, piah ka suan di urang matai nao veik haong muk kei di lot daih. Nan ye adat ngak pathi, klaak kubo lac adat praong di urang Gia-rai hu peih ngak biak tani tanat, praong prang.

Bruk praong njauk ndom tal di sang kubo Gia-rai lac dom rup kayau. Bhian di nyu, vil val yaok sang kubo lac yaok pluh rup kayau jaik taphia gauk pambuak haong dom gheng praong piah pambuak pagam haong yaok ratuh mbaik kayau gul, sit padang ngak jeng paga.

Sang kubo di urang Gia-rai biak praong. Kayua urang Gia-rai hu adat dar kubo haong gauk, dom menuac dalam sang, dahlau hadei meda hu dar tame sa baoh quan tài haong gauk. Dalam sa baoh kubo meda hu rilo quan tài di dom urang dalam but pajaih haong gauk. Kayua yau nan ye, dom sang hu menuac matai, oh lac caga dom pandap piah padang sang kubo bo daok brei caga dom janih piah cúng ka urang matai, abih di nyu lac dom rup kayau sang kubo hu thaik thaot krei di gauk

Tui adat cambat meng kan, bruk klaak kubo di urang Gia-rai bhian dui atah meng 5-7 harei, urak ini daok 2 harei min. Adat brei mboh cambaih hatai damen urang matai. Dom sang hu menuac matai dar dalam baoh kubo ini, brei caga dom pandap pandar caik dalam baoh sang kubo piah ka urang metai pandar di lot daih. Adat klaak kubo jeng lac adat daong pakalah ka gauk gar, abih di nyu lac dom menuac matai diuk, matai pasang hu tok diuk, tok pasang karei hadei di tuk ngak adat klaak kubo.

Adat klaak kubo jeng lac sa dalam dom adat cambat piah ba suan urang metai nao haong muk kei. Adat klaak kubo jeng lac tuk piah ka urang Gia-rai saong dom bangsa karei di Tây Nguyên brei mboh hatai damen min jeng likau sa raidiuk bharau ka urang matai tuk nao veik lot daih. Saong meda ndom lac, dom hatung hatian nan hu urang brei mboh cambaih abih tapa bruk rami ramik, padang ngak sang kubo./.