Dahlau deih, urang Pa Cô (lac sa nyaom di bangsa Tà Ôi) daok di labik atah bayah, takik taom gaok haong gah langiu. Labaih 60 thun dahlau, pang tui panuac jak ba di Đảng saong Wa Ho, urang Pa Cô tabiak truh glai glo piah padang puk palei. Meng bruk daok dalam ceik joa lange, urang Pa Cô daok ba drei tame haong raidiuk bahrau, abih di nyu nan lac dalam bruk patruh eik patrun kan kathaot.

Dahlau di tuk tani tanat raidiuk di dom puk palei, urang Pa Cô bhian harei daok labik ini, harei nao labik karei, tapa rilo bhum taneh karei di gauk, nan ye urang bangsa Pa Cô oh hu iek glang tal kubo di ong muk ong kei di drei. Nan ye, dalam piluh, pluh lime thun atau 20 thun, dom puk palei bangsa Pa Cô meda peih ngak adat A Riêu Ping sa mbang piah thau dhar phol ong muk ong kei di drei. Adat ini daok hu khik mbiah tal harei ini.

Bilan 8 meng blaoh, mikva Pa Cô daok di puk Ân Triêng, xã Trung Sơn, huyện bhum ceik A Lưới di tỉnh Thừa Thiên Huế chreih chraih peih ngak adat A Riêu Ping haong ginup dom adat meng kan saong gam dom ilamo bahrau.  

Labik peih ngak lac sa mblang taneh saoh. Dahlau di tuk peih ngak, dom urang likei gheih tangin abih di palei hu pilih ruah kaoh ngak dom phun kayau jeng biểu tượng A Ponl brei ka bruk ngak adat.

Adat bhian peih ngakdalam klau harei, klau melam. Dalam dom harei nan, rahra gam ba gauk caga rilo pandap hu dalam langik tasik piah pok tagok ong muk ong kei saong payak tuai. 

Dahlau di tuk kuac mek talang di urang lahik mai sang kubo 3 harei, dom sang saong but pajaih ngak adat ieu Giàng saong urang lahik, ieu da-a mai hu mbaok ngak adat A Riêu Ping.

Hadei di tuk ngak dom adat ieu daa saong sua tangi hatai caong di urang lahik, dah page harei hadei, rahra dalam palei nao tal dom labik kubo di urang lahik peih bruk kuac mek talang. Tui adat cambat, tuk kuac mek talang daok bahrau, dom sang njauk sua tangi lac kuac mek abih halei oh, urang daong kuac mek sa labik halei nan tượng trưng bo javap jaloi lac abih paje, ye hu maong lac talang di urang lahik hu mek abih saong ba tame dom t'ràng (tiểu) ba mai yau dom urang karei.

Taha palei Hồ Hạnh, daok di puk Ân Triêng 1, xã Trung Sơn, huyện A Lưới brei thau, bruk caik sang kubo jeng brei tui dahlau, hadei. Sang mồ di po palei hu caik di labik camereip abih, patui di nan, lac dom but pajaih di palei. Labik caik sang mồ hu caik jaik dom kraong ribaong hu ia nduac luac thun. Tui hatai sahaneng di urang Pa Cô, bruk caik sang mồ pak nan piah ka dom urang lahik tuk halei jeng mboh la-an bingi saong mbuan lagaih dalam ngak mbang di lot daih. Gah anak sang mồ hu ngak gheih meng dom bingu hala meng kan hu sambo mau bhong, jhuk saong mbong. 

Ngak salah bruk sang mồ, urang lakei dalam palei salih gauk taih chiêng, taong gar saong chat tamia, daoh tamia luac harei melam, ieu lac taong gar, taih chieng raong urang lahik. Piah brei mboh hatai thau dhar phol, iek praong, dom urang mai hu mbaok tjeng ba gauk tame chat tamia. Hu tuk kapul daoh tamia tagok tal yaok rituh urang. Dom urang ini gam chat, gam daoh. Bruk daoh tamia dui atah tal harei ka klau ye rahra saong tuai damuai hu mbaok tame adat klauk kubau./.